Fréttatíminn - 18.12.2015, Blaðsíða 24

Daniel Wellington
WD
Mikil jólabörn
en vonlausir
í eldhúsinu
Bræðurnir og söngvararnir Jón og Friðrik Dór Jónssynir halda
fjölskyldutónleika í Austurbæ á sunnudaginn klukkan 16 og eru
þeir ætlaðir öllum aldurshópum. Bræðurnir eru einstaklega
samrýmdir og eru mikil jólabörn. Þeir segjast ekki vera vel
nýttir í eldhúsinu yfir hátíðarnar og hlakka til að eyða áramót-
unum með öllum systkinum sínum, í fyrsta sinn í nokkur ár.
Jón Ragnar Jónsson
Maki: Hafdís Björk Jónsdóttir. Börn: Jón Tryggvi, 2 ára og Mjöll, 1 árs. Aldur: 30 ára.
Friðrik Dór Jónsson
Maki: Lísa Hafliðadóttir. Börn: Ásthildur, 2 ára. Aldur: 27 ára.
Hvar eyðirðu jólunum? Hjá tengdó.
Hvað verður í matinn? Kalkúnabringur.
Hvað er best við jólin? Samveran.
Hver er eftirminnilegasta jólagjöfin? Klárlega
þegar ég var 14 ára og við Friðrik fengum trommu-
sett frá mömmu og pabba.
Besta æskuminningin um jól? Að vakna á undan
mömmu og pabba og horfa á jólabarnaefnið.
Besta jólamyndin? Home Alone 2.
Uppáhaldsjólalag? Have Yourself a Merry Little
Christmas með Coldplay í Laugardalshöll 2002.
Hvað er ómissandi um jólin? Það kann að hljóma
ótrúlega en aspassúpan hennar mömmu er ómiss-
andi.
Hvað langar þig mest í, í jólagjöf? Ég vona að ég
fái bókina Áfram Ísland eftir Björn Braga Arnarsson
og Hilmar Gunnarsson.
Hvað á að gera um áramótin? Það verður svaka
teiti heima hjá mömmu og pabba enda systur okkar
Friðriks loksins báðar á landinu um áramót ásamt
fjölskyldum sínum.
Hvað er fram undan á nýju ári? Nýtt upphaf.
Hvar eyðirðu jólunum? Ég verð hjá tengdafjöl-
skyldunni þetta árið
Hvað verður í matinn? Ég er 97% viss um að það
verði kalkúnn. 3% líkur að ég sé að rugla kalkún
saman við talkúm.
Hvað er best við jólin? Aspassúpan hennar
mömmu
Hver er eftirminnilegasta jólagjöfin? Trommu-
settið sem við bræðurnir fengum var mjög eftir-
minnilegt. Einnig minnist ég alltaf sterkt kassettu-
tækis með míkrófóni sem gerði manni kleift að
syngja inn á kassettur. Það fékk ég frá ömmu Mjöll.
Besta æskuminningin um jól? Leikritin sem voru
sett upp í jólaboðum á annan í jólum hjá ömmu Hönnu.
Besta jólamyndin? Die Hard II
Uppáhalds jólalag? Ég hlakka svo til, eða Fairytale
of New York.
Hvað er ómissandi um jólin? Ananasfrómas.
Mér finnst hann reyndar ekkert spes á bragðið en
mandlan er falin í honum svo hann má ekki vanta!
Hvað langar þig mest í, í jólagjöf? Ég væri mjög til
í nýtt sjónvarp.
Hvað á að gera um áramótin? Hittast öll fjöl-
skyldan í fyrsta skipti í u.þ.b. ár. Systur okkar og
fjölskyldur þeirra mæta heim rétt í tæka tíð fyrir
gamlársdag. Það verða ánægjulegir endurfundir.
Hvað er fram undan á nýju ári? Alls konar
gaman, ný tónlist, nýtt heimili þegar ég flyt heim í
Hafnarfjörð og vonandi háskólagráða ef ég er rosa
duglegur.
Jón um Friðrik
Uppáhaldsmatur Friðriks? Al-
mennt er það lasagna. Uppáhaldið
hans um jól er aspassúpan hennar
mömmu.
Besta gjöf sem Friðrik fékk í
æsku? Trommusettið sem við
fengum saman.
Hvor er meira jólabarn? Friðrik.
Hvor eldar meira um jól? Held
það sé bara staðfest, hvorugur
okkar. Við myndum bara skemma
jólaupplifun fólksins í kringum
okkur ef við værum mikið að stúss-
ast í eldhúsinu.
Fékk Friðrik einhverja jólagjöf
sem þig langaði í, einhvern-
tímann? Já. Hann fékk hund og
kött. Nei, nei. Ég laug. Þetta er
skemmtileg spurning sem býður upp
á skemmtilegt svar. En sannleikurinn
er sá að ég man ekki eftir slíkri gjöf.
Gefið þið hvor öðrum jólagjöf?
Tímamótajól þetta árið því í fyrsta
sinn gefum við systkinin ekki hvert
öðru gjafir heldur bara börnum
hvers annars.
Besta gjöf sem Friðrik hefur
gefið þér? Hlátur og hlýja. Djók.
Það er sviðsgítarstillir sem ég fékk
frá honum árið 2007 og nota enn.
Friðrik um Jón
Uppáhaldsmatur Jóns? Grjóna-
grautur.
Besta gjöf sem Jón fékk í æsku?
Líklega trommusettið frá mömmu
og pabba.
Hvor er meira jólabarn? Jossi
jólastrákur.
Hvor eldar meira um jól? Okkar
eldunarkunnátta nýtist lítið um
jól enda báðir undir sterkum
karabískum áhrifum í eldhúsinu.
Fékk Jón einhverja jólagjöf sem þig
langaði í, einhverntímann? NBA
tölvuspilið frá afa leit vel út.
Gefið þið hvor öðrum jólagjöf?
Við tókum ákvörðun systkinin nú í
ár um að hætta að gefa hvort öðru.
Ég kem auðvitað verst út úr því
verandi yngstur en hef ákveðið að
láta óbilgirni systkina minna ekki
draga úr mér jólaandann.
Besta gjöf sem Jón hefur gefið
þér? Innblásturinn sem hann veitir
mér á degi hverjum með dugnaði
sínum og elju. Ég er í raun í kjör-
þyngd en bara mjög þaninn eftir
allan innblásturinn frá Jóni.
Ljósmynd/Hari
Jón hefur leikið í kringum 80 leiki
með FH og skorað 1 mark.
Friðrik rekur veitingastaðinn Reykja-
vík Chips ásamt félögum sínum.
Jón hefur gefið út plöturnar Wait For
Fate árið 2011 og Heim árið 2014.
Plötur Friðriks eru Allt sem þú átt
frá 2010 og Vélrænn frá 2012
Jón er hagfræðingur frá University
of Boston.
Friðrik er að læra viðskiptafræði í
Háskóla Íslands.
Jón á tvíburasystur.
Þeir halda báðir með Liverpool.
Þeir gengu báðir í Verslunarskólann.
Hvorugur þeirra býr í Hafnarfirði,
ennþá.
Lag Friðriks, Skál fyrir þér, er vin-
sælasta lagið á Íslandi þessa vikuna.
Lag Jóns, Ljúft að vera til, var vin-
sælasta lag síðasta árs.
Friðrik er vallarþulur á Kaplakrika-
velli á sumrin af mikilli ástríðu.
Jón lék um tíma sem lánsmaður í
Þrótti Reykjavík.
24 viðtal Helgin 18.-20. desember 2015