Fréttatíminn - 18.12.2015, Síða 108

HORFÐU
Í GÆÐIN
5 ÁRA ÁBYRGÐ Á ÖLLUM
SONY SJÓNVÖRPUM
Nýherji / Borgartúni 37
Kaupangi Akureyri
netverslun.is
W8
Afburðahönnun og frábær myndgæði
frá meisturum Sony
43" – Verð: 149.990 kr.
50" – Tilboðsverð: 179.990 kr.
55" – Tilboðsverð: 209.990 kr.
X8
W85
Sjáðu stærstu myndina í snjallasta
sjónvarpinu
65" – Verð: 369.990 kr.
75" – Verð: 569.990 kr.
4K Ultra HD upplausn, sjáðu hvert
smáatriði í nýju ljósi
43" – Verð: 199.990 kr.
49" – Tilboðsverð: 219.988 kr.
55" – Tilboðsverð: 279.990 kr.
Markús & The Diversion Ses-
sions blása til tónleika í Gym
& Tonic á KEX Hostel í kvöld,
föstudaginn 18. desember,
klukkan 21. Hljómsveitin mun
spila flest lögin af nýútkom-
inni plötu sinni, The Truth
The Love The Life, ásamt
fleiri lögum, eldri og nýrri.
Sveitin leggst í hýði á nýju ári
þar til útgáfutónleikar verða
haldnir í mars/apríl. Þetta
er því gott tækifæri til þess
að hlýða á tónleika af stærri
gerðinni með sveitinni.
Markús & the Diversion
Sessions skipa þeir Ási Þórð-
arson, Georg Kári Hilmars-
son, Markús Bjarnason og
Marteinn Sindri Jónsson. Á
tónleikunum í kvöld verða lög-
in skreytt með lúðrablæstri,
slagverki og bakröddum ým-
issa gestaspilara.
Húsið opnar klukkan 20.30
og byrja tónleikarnir stundvís-
lega klukkan 21. Forsala miða
er á Tix.is og er verð í forsölu
1000 krónur, verð á miðum við
dyr er 1500 krónur. -hf
Kammerhópurinn Cammerarctica hefur spilað Mozart við kertaljós í 23 ár.
 Tónleikar Markús á keX HosTel
Markús spilar nýju lögin
 JólaTónleikar MozarT við kerTalJós
á efnisskránni í ár eru Kvintettar fyrir klarinettu, bassetthorn og strengi, Kv. 411 og Kv. 580 , Allegro
úr Divertimento fyrir strengi Kv.563 og
Kvartett fyrir klarinettu og strengi Kv. 374.
Einnig syngja tveir ungir söngvarar þeir
Björn Ari Örvarsson og Tryggvi Pétur Ár-
mannsson Ave Maríu úr óperunni Cosi fan
tutte. Að venju lýkur tónleikunum á því að
Camerarctica leikur jólasálminn góða, Í dag
er glatt í döprum hjörtum, sem er úr Töfra-
flautunni eftir Mozart.
„Þetta er nánast sami hópurinn og byrjaði
fyrir 23 árum,“ segir Ármann Helgason
klarinettuleikari. „Við erum fjögur sem
höfum staðið vaktina í öll skiptin.“ Ásamt
Ármanni skipa Cammerarctica þau Hildi-
gunnur Halldórsdóttir fiðluleikari, Svava
Bernharðsdóttir víóluleikari og Sigurður
Halldórsson sellóleikari. Sérstakur gestur
á tónleikunum verður Einar Jóhannesson
sem leikur á uppáhaldshljóðfæri Mozarts,
Bassetthornið. „Hallfríður Ólafsdóttir,
konan mín, hefur verið með frá upphafi en
getur ekki verið með í ár, og er þetta upp-
haflega hennar hugmynd,“ segir Ármann.
„Hún lætur verkin tala, eins og maður segir.
Við fengum lánaða kertastjaka í byrjun og
prófuðum þetta og það mætti bara fullt af
fólki. Við hugsuðum þá með okkur að þetta
væri eitthvað sem hægt væri að endurtaka,“
segir hann. „Svo seinna létum við sérsmíða
kertastjaka fyrir okkur og gerðum meira úr
þessu. Í dag eru þetta 500- 600 manns sem
koma á þessa tónleika. Mikið af fólki sem
maður sér aldrei á tónleikum en hefur gert
það að hefð að koma á þessa tónleika. Við
höfum verið í sömu kirkjunum á sömu dag-
setningunum ár eftir ár,“ segir Ármann.
Tónleikarnir verða fernir. Í Hafnarfjarðar-
kirkju á laugardagskvöld, Kópavogskirkju
sunnudagskvöld, Garðakrikju á mánudags-
kvöld og í Dómkirkjunni þriðjudagskvöldið
22. desember.
„Það er sérstök stemming sem mynd-
ast við það að nota bara birtuna af kerta-
ljósum,“ segir Ármann. „Svolítið eins og að
hverfa aftur í tímann. Þetta eru aðallega ljós
í kringum okkur flytjendur, ásamt ljósum
í gluggum og slíkt. Andrúmsloftið verður
allt annað. Við rétt sjáum á blöðin,“ segir
hann. „Efnisskráin er síbreytileg, en samt
koma alltaf sömu verkin upp aftur og aftur.
Svo endum við alltaf á sama sálminum og
það hefur verið hefð fyrir því. Við höfum
bara haldið þetta út í þennan tíma og brölt
með stjakana frá ári til ár. Þetta er einstök
stemming og hringir inn jólin hjá okkur,
rétt eins og hjá tónleikagestum. Tónlist
Mozart er líka svo ótrúleg,“ segir Ármann.
„Hún er bæði létt og leikandi í bland við
mikinn hátíðleika, svo þetta á allt saman
vel saman. Hvort við höldum áfram í önnur
23 ár er ekki gott að segja. Við höfum gert
grín að því að kannski á endanum mætum
við bara og látum taka mynd af okkur og
spilum ekki neitt,“ segir hann. „Við gerum
þetta bara eins lengi og við getum,“ segir
Ármann Helgason klarinettuleikari.
Tónleikarnir eru allir klukkan 21 og eru
um klukkustundarlangir.
Hannes Friðbjarnarson
hannes@frettatiminn.is
Kammerhópurinn Camerarctica heldur sína árlegu kertaljósatónleika í kirkjum nú rétt fyrir
jólin. Hópurinn hefur leikið ljúfa tónlist eftir Mozart við kertaljós í tuttugu og þrjú ár og þykir
mörgum ómissandi að koma úr miðri jólaösinni inn í kyrrðina og kertaljósin í rökkrinu. Ármann
Helgason, klarinettuleikari Cammerarctica, segir þessa tónleika hringja inn jólin hjá mörgum,
og líka hjá meðlimum.
Hefð í tuttugu og þrjú ár
Tónlist
Mozart er
líka svo
ótrúleg,
hún er
bæði létt
og leikandi
í bland við
mikinn
hátíðleika,
svo þetta á
allt saman
vel saman
108 menning Helgin 18.-20. desember 2015