Fréttatíminn - 18.12.2015, Síða 114

Draumur Helgu Xochitl Ingólfsdóttur er að verða leik- og söngkona. Ljósmynd/Hari
 Sjónvarp Hin 12 ára Helga leikur í klukkur um jól
Krakkar farnir að
þekkja mig úti á götu
Á dagskrá RÚV fyrir þessi jól er ný þriggja þátta mynd sem heitir Klukkur um jól, og er gerð fyrir
börn og unglinga. Leikstjóri er Bragi Þór Hinriksson og handritið er eftir Guðjón Davíð Karlsson,
Góa. Í myndinni er sögð lítil og hjartnæm jólasaga af íslenskum krökkum í íslenskum samtíma
þar sem tekið er á brýnum viðfangsefnum á borð við einelti, fordóma, mikilvægi vinskaparins og
hinn eina sanna jólaanda. Með aðalhlutverkið fer hin 12 ára Helga Xochitl Ingólfsdóttir sem býr í
Hveragerði.
É g var orðin spennt að sjá og leist bara mjög vel á,“ segir Helga Xochitl Ingólfsdóttir sem leikur aðalhlut-
verkið í þáttunum Klukkur um jól en fyrsti
þátturinn var um síðustu helgi á RÚV.
„Ég fór í prufur hjá Iceland Casting hjá
Sigrúnu Sól fyrir þessa þætti og mér var
ekkert sagt hvaða hlutverk væri verið
að prófa fyrir,“ segir hún. „Daginn eftir
fékk ég að vita að ég mundi fá hlutverk og
seinna að þetta væri aðalhlutverkið, sem
var mjög gaman. Ég vonaði bara að fá að
vera með svo það var óvænt að fá aðalhlut-
verkið,“ segir hún.
„Ég hef verið í Sönglist söng- og leik-
listarskóla og leik í jólaleikritinu hjá þeim
í ár, og ég hef leikið í Stundinni okkar og
í nokkrum auglýsingum, svo ég hef alveg
leikið nokkuð mikið,“ segir Helga sem er
12 ára og er í Grunnskólanum í Hveragerði.
„Þetta eru svolítið spennandi þættir og ég
held að þetta sé kannski ekki fyrir alveg
yngstu krakkana, en flestum finnst þetta
mjög skemmtilegt held ég. Við tókum þetta
upp bara viku áður en þetta var sýnt á
RÚV,“ segir hún.
„Ég fór bara í tökur í 12 tíma á dag og
það gekk bara mjög vel, og Bragi leikstjóri
var góður við okkur. Ég er í Borgarbörnum
fyrir jólin sem setja upp jólaleikrit á hverju
ári sem ég er að leika í núna og við sýnum
frekar oft,“ segir hún. „Það er ekkert mál
að keyra fram og til baka frá Hveragerði
svona oft, en maður getur orðið svolítið
þreyttur á því. Ég er mjög mikið í Reykjavík
og gisti líka oft þar. Það búa eiginlega allir
sem ég þekki í Reykjavík þó ég sé búin að
búa í Hveragerði í þrjú ár. Það er fínt í skól-
anum þar. Það eru stundum sett upp leikrit
en engin leiklistarkennsla,“ segir hún.
„Mig langar mikið að verða leik- og söng-
kona. Það er svona draumurinn. Vinkonum
mínum og mörgum sem ég þekki fannst
fyrsti þátturinn bara mjög flottur. Svo er
líka mjög fyndið að það eru margir krakkar
sem þekkja mig úr þættinum úti á götu, það
er skemmtilegt og fyndið. Einhverjir sem
maður veit ekkert hverjir eru,“ segir Helga
Xochitl Ingólfsdóttir sem segir Xochitl
nafnið koma frá Mexíkó þar sem afi hennar
fæddist og nafnið merkir blóm.
Klukkur um jól verða á dagskrá næstu
tvo sunnudaga á RÚV.
Hannes Friðbjarnarson
hannes@frettatiminn.is
Ég vonaði
bara að
fá að vera
með svo
það var
óvænt
að fá
aðalhlut-
verkið.
Eðalsteinar og demantar
 leikHúS jólaSýningin njála farin að taka á Sig mynd
Blóðugt trommusóló í Borgarleikhúsinu
Það hefur ekki farið fram hjá nein-
um að mikil leynd hvílir yfir upp-
setninu Borgarleikhússins á Njálu,
jólasýningu leikhússins. Leikstjór-
inn Þorleifur Arnarsson er þekktur
fyrir það að fara ótroðnar slóðir
í uppsetningum sínum og hefur
hann á æfingaferlinu farið með
leikarana út á hina listrænu brún
að sögn kunnugra.
Mikið af blóði er notað í sýning-
unni, en ekki hefur komið fram
í hvaða tilgangi. Fréttatímanum
barst þó mynd af æfingu, þar sem
leikarinn Björn Stefánsson, sem
áður gerði garðinn frægan sem
trymbill harðkjarnasveitarinnar
Mínus, spilar af miklum móð á
trommusett á sviðinu, á meðan
hellt er yfir hann nokkrum lítrum
af blóði. Borgarleikhúsið og starfs-
menn þess iða af spenningi þessa
dagana og það er greinilegt að
Njála muni hrista vel upp í leikhús-
gestum á nýju ári. -hf
Leikstjórinn Þor-
leifur Arnarsson er
þekktur fyrir það
að fara ótroðnar
slóðir í uppsetn-
ingum sínum.
Björn Stefáns-
son reynir að
spila á tromm-
urnar, þakinn í
gerviblóði.
Athafnamaðurinn Jón Gunnar Geirdal er hættur
við að opna skemmtistaðinn Escobar þar sem
Dolly var áður til húsa í Hafnarstræti. Frétta-
tíminn greindi frá þessum áformum í sumar,
en á Escobar á að vera latínóstemning með
tilheyrandi kokteilum og tekílaskotum.
Samkvæmt heimildum Fréttatímans leita
Jón Gunnar og samstarfsmenn hans sér nú
að öðru húsnæði fyrir Escobar. Því er hins
vegar hvíslað í skemmtanabransanum
að eigendur Loftsins ætli sér að opna
annan stað í húsnæði Dolly á næstunni.
Þarna hafa lengi verið reknir skemmti-
staðir, áður en Dolly var opnað var
Dubliner’s þar um árabil.
Búrblaður og Grandagleði
Á sunnudaginn ætla búðaeigendur í
verbúðunum við Grandagarð að taka sig
saman og vera með opið frá 11-18. Hver
verslun mun bjóða upp á allskyns upp-
ákomur og smakk fyrir gesti og gangandi.
Tuddinn, hamborgarabíll Dodda og
Lísu frá Matarbúrinu, kemur og grillar
girnilegustu holdanauts borgara með
ostum frá Búrinu. Lilli bóndi frá Kiðafelli
verður líka hjá þeim með tvíreykta hangi-
kjötið sitt. Búrverjar verða með smakk
á frönskum jólabjórum með velvöldum
ostum. 17 sortir verða. Sérríköku smakk.
Jólaís í Valdís. Jens gullsmiður býður upp
á konfekt og hvítvín og Sifka verður með
sitt úrval af gjafavöru. Logandi báltunnur
verða meðfram Grandagarðinum sem
búa til einstaka jólastemningu.
Barnaball í Gamla bíói
Gamla bíó býður börnum og fjöl-
skyldum þeirra á gamaldags barnaball
á sunnudaginn klukkan 14. Þar mun
barnakór Vatnsendaskóla leiða söng og
dans í kringum jólatréð og veitingar verða
í boði. Jólasveinar hafa boðað komu sína
og munu vonandi rata á réttan stað, en
þeir eru búnir að vera að æfa sig í að taka
selfí og ætla að stilla sér upp með þeim
börnum, og fullorðnum börnum, sem
vilja vera á mynd með þeim. Allt er þetta
í boði Gamla bíós og eru allir hjartanlega
velkomnir á meðan húsrúm leyfir.
Dagskráin á Sónar
stækkar
Tíu hljómsveitir og listamenn hafa nú
bæst við dagskrá tónlistarhátíðarinnar
Sónar Reykjavík – sem fram fer á fimm
sviðum í Hörpu dagana 18.-20. febrúar
á næsta ári. Meðal þeirra er bandaríska
dans-rokksveitin !!! (CHK CHK CHK), einn
virtasti plötusnúður heims, Annie Mac,
og hin rísandi stjarna Hildur sem margir
þekkja úr hljómsveitinni Rökkurró.
Escobar opnar ekki
í Hafnarstræti
114 dægurmál Helgin 18.-20. desember 2015