Fréttatíminn - 15.01.2016, Qupperneq 12
12 | fréttatíminn | Helgin 15. janúar–17. janúar 2016
Formaður velferðarnefndar
segir að fjármálaráðherra
geri sig að ómerkingi verði
frumvarpið ekki afgreitt.
Þóra Kristín Ásgeirsdóttir
tka@frettatiminn.is
Eygló Harðardóttir félagsmálaráð-
herra segir að ríkisstjórnin hafi
lofað því í tengslum við kjara-
samninga að húsnæðisfrumvörpin
verði að veruleika: „Það væru
hrein og klár svik ef við myndum
ekki ljúka þessu. Þetta er eitt af
rauðu strikunum í kjarasamn-
ingum og forsenda þess að friður
verði á vinnumarkaði til lengri
tíma,“ segir hún.
Frumvörpin eru alls fjögur
talsins, frumvarp um húsnæðis-
bætur sem kostar um 2 milljarða á
ári, frumvarp um almennar íbúðir
sem kostar 1,5 milljarða árlega
næstu fjögur árin en gert er ráð
fyrir kostnaðinum við frumvörpin
á fjárlögum. Þá eru frumvörp um
breytingar á húsnæðissamvinnu-
félögum og breytingar á húsa-
leigulögum.
Margir sjálfstæðismenn eru
ósáttir við frumvörpin og segja
að þau verði aldrei að veruleika.
Nærri ár er síðan ráðherrann lagði
fram frumvarpið um húsnæðis-
bæturnar en fjármálaráðuneytið
fór um það ómjúkum höndum í
fyrravor.
Óvanalega víðtækt samráð
Eygló segir að það hafi verið tekið
tillit til athugasemdanna eins og
hægt var, það hafi til að mynda
verið gerðar miklar breytingar á
frumvarpi um almennar íbúðir.
Hún segir óvanalegt að haft sé jafn
víðtækt samráð um mál
eins og raunin sé í þessu
tilfelli. „Ég veit ekki
betur en það sé unnið
að því hörðum höndum
í velferðarnefnd þings-
ins að afgreiða málið,“
segir hún. Eygló
segir frumvörpin
fela í sér miklar
réttarbætur fyrir
leigjendur: „Það
er hinsvegar
hefðbundinn
málflutningur
sumra að ríkið
eigi aldrei að
koma fólki til
aðstoðar. Við
eigum hinsvegar
að gera það í
þeim tilfellum
þar sem þörfin er
mest. Og ef ein-
hversstaðar er
fólk sem þarf á aðstoð að halda, þá
er það á leigumarkaði,“ segir ráð-
herrann.
Annars þarf ráðherrann að fara
„Ég trúi því ekki að þetta verði
stöðvað, þá þarf ráðherrann að
segja af sér því hún hefur lagt allt
undir í þessu máli og stjórnarsam-
starfið hlýtur að vera í uppnámi,“
segir Sigríður Ingibjörg Ingadóttir,
formaður velferðarnefndar. „Þetta
loforð ríkisstjórnarinnar var leið
til að leysa úr mjög alvarlegri
stöðu á vinnumarkaði. Ég spái
því að þetta verði að veru-
leika, annars væri fjár-
málaráðherra að gera sig að
ómerkingi.“
Efnaminni einstæðir
foreldrar græða minna
á breytingunni en þeir
njóta mests stuðnings í
núverandi kerfi, sam-
kvæmt greiningu fjár-
málaráðuneytisins á kostnaði við
frumvarpið. Þær muni jafnframt
leiða til hærri húsaleigu og hætt
við að leigusalar geti þannig hagn-
ast meira á breytingunni en leigj-
endur. Þar segir að hlutfallslega
verði meira greitt niður af húsa-
leigu eftir því sem tekjur heimila
eru hærri. Ekki verði séð að sú
útkoma sé í samræmi við markmið
frumvarpsins um að auka stuðn-
ing við efnaminni einstaklinga og
fjölskyldur.
Eygló Harðardóttir bendir hins-
vegar á að þetta sé fyrsta skrefið
í þá átt að setja allan húsnæðis-
stuðning undir einn hatt og það sé
mun stærri hópur að fá húsnæðis-
stuðning samkvæmt frumvarpinu
en áður. Þeir sem hafi lægstu tekj-
urnar fái áfram hæstu bæturnar
í krónum talið. Fjöldi fólks sem
hafi ekki fengið neinn stuðning fái
núna húsnæðisbætur og sé því að
hækka hlutfallslega meira. Það sé
auðvitað hægt að gagnrýna allar
bætur á þessum forsendum, en
líka skattalækkanir, eins og hafi
sýnt sig.
Aldrei fleiri erlendir verkamenn
Metið frá 2008 slegið. Flestir
eru í láglaunastörfum.
Fjöldi erlendra verkamenn fer í tæp
nítján þúsund á þessu ári, sam-
kvæmt spá Vinnumálastofnunar.
Metið frá árinu 2008 er þar með
slegið en þá voru um átján þúsund
verkamenn í landinu. Fjöldinn
stafar af stóraukinni þörf í ferða-
þjónustu og byggingavinnu.
Karl Sigurðsson, sérfræðingur
hjá Vinnumálastofnun, segir að
hlutfallslega hafi erlendir starfs-
menn verið fleiri árið 2008 eða tíu
prósent en núna eru þeir 9,3 pró-
sent alls vinnandi fólks, en þá voru
hlutfallslega færri á vinnumarkaði.
Árið 2018 fer hlutfallið hinsvegar
aftur í tíu prósent, samkvæmt
spánni.
Flestir koma frá Póllandi eða öðr-
um ríkjum Austur-Evrópu, stærsti
hlutinn er farandverkamenn sem
ætla að staldra við í stuttan tíma en
oft fer það svo að þeir setjast að og
stofna fjölskyldu hér.
„Langflestir eru í lægst launuðu
störfunum,“ segir Karl. „Það er
verið að leita að fólki í störf sem
krefjast ekki menntunar eða sér-
hæfingar, svo sem þjónustustörf,
þrif og almenna byggingavinnu.“
Flest fólkið vinnur á suðvestur-
horninu, margir á Suðurnesjum
eða í höfuðborginni. Árið 2008
voru karlar í yfirgnæfandi meiri-
hluta, núna eru kynjahlutföllin
jafnari þótt karlar hafi enn vinn-
inginn. | þká
Félagsmálaráðherra Sannfærð um afgreiðslu húsnæðismála
Sigríður Ingibjörg
Ingadóttir segir að
ráðherrann þurfi að
segja af sér verði frum-
vörpin ekki afgreidd.
„Annað væru
hrein og klár svik“
Myndir | Hari Eygló Harðardóttir félags-
málaráðherra minnir á að
loforð ríkisstjórnarinnar sé
hluti af kjarasamningum.
Á vorin skartar Prag í Tékklandi sínu allra fegursta. Borgin
er afar skemmtileg þar sem andi miðalda ræður ríkjum
í bland við blómstrandi listalíf. Í þessari ferð skoðum við
t.d. Karlsbrúna og Hradcanykastalann í Prag, en stöldrum
einnig við í Pilsen, heilsubænum Karlovy Vary og Nürnberg
í Þýskalandi. Ferð sem kemur skemmtilega á óvart!
Verð: 186.600 kr. á mann í tvíbýli.
Mjög mikið innifalið!
Bókaðu núna á baendaferdir.is
Sími 570 2790
bokun@baendaferdir.is
Síðumúla 2, 108 Reykjavík
Sp
ör
e
hf
.
Fararstjóri: Pavel Manásek
23. - 30. apríl
Gullborgin Prag
Vor 4
www.birkiaska.is
Bodyflex Strong vinnur gegn stirðleika
og verkjum í liðamótum og styrkir
heilbrigði burðarvefja líkamans.
2 hylki tvisvar á dag í tíu daga. Síðan er hægt
að minnka skammt í 2 hylki á dag. Inniheldur
hvorki laktósa, ger, glúten né sætuefni.
Bodyflex
Strong