Tímarit Hjúkrunarfélags Íslands - 01.12.1974, Side 11

Frd frœðslunefnd Samtaka heilbrigðisstétta
NokJcmr athugasemdir og breytingartillögur
viö 1. kafla frumvarps til laga um ráögjöf og
fræöslu vcvröandi kynlíf og bameignir og um
fóstureyöingar og ófrjósemisaögeröir.
ÁKVÆÐI frumvarpsins um fræðslu tryggja á
engan hátt, að meira og betur verði unnið að
fræðslumálum þessum, þótt frumvarpið verði
samþykkt, heldur en verið hefur. Til þess að
svo megi verða, er nauðsynlegt, að ákvæði verði
miklu nákvæmari og tilgreini þá aðila, er skuli
vinna að þessum málum og beri ábyrgð á þeim.
Fræðslunefnd Samtaka heilbrigðisstétta leggur
því til:
1. gr. verði svohljóðandi:
Gefa skal fólki kost á fræðslu varðandi kyn-
líf, getnaðarvarnir og barneignir. Almenn
fræðsla í þessu efni skal vera hluti af náms-
skrá skóla.
Nefndin telur almenna fræðslu á hinum ýmsu
aldursstigum algera forsendu þess, að ráð-
gjöf og önnur aðstoð megi nýtast svo sem til
er ætlast í lögum þessum.
4. gr. verði svohljóðandi:
Almenn fræðsla og störf ráðgjafaþjónustu
skuli unnin af starfsliði heilbrigðisstétta og
kennurum, sem til þess hafa hlotið nauðsyn-
lega þekkingu.
Nefndin álítur upptalningu þá, sem fram kem-
ur í 4. gr. geta orkað villandi, m. a. vegna
þess, að orðið hjúkrunarfólk er ekki viður-
kennt starfsheiti neinnar stéttar, heldur títt
notað samheiti allra starfsstétta sjúkradeilda.
Ennfremur koma til starfa nýir hópar innan
heilbrigðisstétta, og geta þeir verið fallnir
til þessara starfa.
5. gr. falli niður.
6. gr. verði 5. gr.
7. gr. verði 6. gr. og hljóði svo:
1. a) Heilbrigðis- og fræðsluyfirvöld skulu
veita almenna fræðslu um kynlíf og
siðfræði kynlífs á skyldunámsstigi í
skólum landsins, einnig skal veita slíka
fræðslu á öðrum námsstigum.
b) Heilbrigðis- og fræðsluyfirvöldum er
skylt í sameiningu og í samráði við
félagssamtök heilbrigðisstétta að hlut-
ast nú þegar til um útgáfu fræðslu-
efnis og að halda námskeið fyrir fræð-
endur á hinum ýmsu skólastigum.
c) Fræðsla þessi verði tengd átthagafræði
— heilbrigðisfræðum — líffræði —
samfélagsfræði — fjölskylduhagfræði
o. s. frv. eftir því, sem við getur átt.
2. Heilbrigðis- og fræðsluyfirvöld setji reglur,
er kveði á um nánari tilhögun fræðslu á
þessu sviði, s. s. á hvaða aldursstigi og með
hverju hún skuli hefjast. Þar skal og kveða
á um hlutverk og samvinnu kennara og
heilsugæslustarfsliðs skóla í þessum fræðslu-
þætti.
Nefndin telur, að 7. gr. sé gagnslaus í núver-
andi gerð og að með henni stöndum við áfram
kyrr í sama aðgerðaleysi og nú. Vitað er, að
við suma skóla eru uppi tilburðir um almenna
fræðslu, sem erfitt er að framkvæma vegna
skorts á hæfu efni, vöntun á samræmingu og
nauðsynlegum stuðningi við þá, sem að fræðslu
þessari vinna. Við marga skóla starfa læknar
og hjúkrunarkonur, sem hljóta að teljast eðli-
legur stoðkennslukraftur í ýmsum tilvikum, ekki
síst vegna þess að til þeirra leita ungmenni og
aðstandendur þeirra með sín vandamál á hverj-
um tíma, og má telja fullvíst, að langvíðast
takist samstarf svo vel, að heilsugæslustarfslið
skólanna viti, hvar skórinn kreppir hverju sinni
í þessum efnum.
Skúli G. Johnsen læknir
Jóna V. Höskuldsdóttir hjúkrunarkona
Loftur Ólafsson tannlæknir.
TÍMARIT HJÚKRUNARFÉLAGS ÍSLANDS 113