Tímarit Hjúkrunarfélags Íslands - 01.10.1975, Side 15

Á fyrstu árunum var aldrei
unnt að fá auglýsingar, því
að höft og kreppuráðstafanir
orsökuðu það að kaupmenn
sögðust ekkert hafa að selja
og þar af leiðandi ekkert að
auglýsa. Það er ekki fyrr en
eftir 1935 að auglýsingar fara
að birtast að einhverju ráði
í blaðinu.
Hvernig unnið þið blaðið fyrstu
árin?
Blaðið var sett upp og vélrit-
að heima hjá mér fyrstu árin.
Var þá borðstofuborðið „kont-
orinn“ þar sem allt flaut af
blöðum og bókum þar til
bunkað var upp á kvöldin, en
þetta þótti heldur ósjarmer-
andi og óvenjulegt á þessum
tíma. Fjölritun á blaðinu
fengum við hjá Pétri Guð-
mundssyni, útgáfumanni, sem
tók okkur sérlega vel.
Ég vil geta þess að bæjarbú-
ar voru okkur hjúkrunarkon-
um afar góðviljaðir, enda ófá
sporin okkar í bæjarhjúkrun
þar sem þörfin var mikil á að-
stoð og aðhlynningu.
Blaðið var fjölritað fram til
ársins 1936, eða 42 tölublöð,
en þá var ákveðið að ráðast
í að láta prenta það og sýndi
sig að blaðið stóð undir sín-
um kostnaði að ári liðnu, enda
þá orðið tiltölulega auðvelt að
fá auglýsingar.
Hva'ð var helst skrifað um fyrstu
árin?
Um launakjör var mikið rætt
og ritað, enda laun okkar mjög
léleg auk þess sem ætlast var
til að hjúkrunarkonan væri
alltaf reiðubúin til vinnu, hve-
nær og hvar sem var. Ef við
sáumst á götu „privatklædd-
ar“ mátti oft heyra : „Nei sko,
hjúkrunarkonan á frí í dag.“
Um lífeyrissjóð var talsvert
mikið ritað, en honum hafði
þá þegar verið komið á fyrir
danskar hjúkrunarkonur.
Einnig þýddum við erindi úr
erlendum tímaritum auk
frétta af merkisatburðum á
sviði hjúkrunar.
Nokkrar greinar birtust frá
hjúkrunarkonum erlendis þar
sem þær lýsa starfi sínu á
hinum ýmsu stofnunum.
Allar skýrslur Samvinnu
hjúkrunarkvenna á Norður-
löndum er að finna í blaðinu.
Auglýsingar um lausar stöð-
ur og stöðuveitingar birtum.
við, en einnig var getið um
utanferðir og heimkomur ís-
lenskra hjúkrunarkvenna, en
á þessum árum var ekki hægt
að læra hjúkrun til fulls hér
á landi.
Með tilkomu Landspítalans og
síðan Hjúkrunarskóla Islands
færist námið hingað heim og
tekur þá að fjölga hraðar í
stéttinni. Ég get þess til gam-
ans að þegar Hjúkrunarskóli
Islands tók inn nemendur, 10
stúlkur, annað eða þriðja ár-
ið sem hann starfaði, kallaði
einn af þrem.ur þáverandi
prófessorum á Landspítalan-
um á mig og innti mig eftir
því hvort við ætluðum strax
að fara að skapa atvinnuleysi
í stéttinni.
AS lokum, Sigríður. Hvernig
finnst þér Tímarit Hjúkrunar-
félags Islands vera í dag?
Ég hef verið mjög ánægð með
blaðið síðustu árin. Mér finnst
það bæði fróðlegt og vel úr
garði gert í alla staði.
Ritstjórn vill þakka frú Sig-
ríði fyrir góðar móttökur og
ánægjulegt og fróðlegt viðtal,
sem því m.iður aðeins lítill hluti
getur birst af að sinni, en af
nógu er að taka í sjóði minning-
anna hjá Sigríði, enda er hún
sú kona sem stóð í eldlínunni
og fararbroddi hjúkrunar-
kvenna lengur en nokkur önnur
hingað til.
Til gamans lét ritstjórn fjöl-
rita fyrsta tölublaðið frá árinu
1925 og fylgir það þessu riti í
tilefni afmælisins en örfá ein-
tök af því blaði eru nú til. Þess
má að lokum geta að aðeins eru
til 3 heildarsöfn af tímaritinu.
Við leituðum heimilda um út-
gáfu elstu tímarita er fjallað
hafa um heilbrigðismál á Is-
landi og komumst að eftirfar-
andi niðurstöðu:
Eir. Tímarit handa alþýðu um
heilbrigðismál 1.—2. árgang-
ur. Reykjavík 1899—1900.
Læknablaðið. Utg. Læknafélag
Islands og Læknafél. Reykja-
víkur. Reykjavík 1915—1975.
Ljósmæðrablaðið. Utg. Ljós-
mæðrafélag Islands. Reykja-
vík 1922—1975.
Tímarit H j úkrunarfélags Is-
iands. Utg. Hjúkrunarfélag
Islands. Reykjavík 1925—
1975.
1—10. árg. 1925—1934 komu
út undir nafninu Tímarit Fél-
ags íslenskra hj úkrunar-
kvenna, 11.—35. árg. 1935—
1959 undir nafninu Hjúkrun-
arkvennablaðið og 36.-50. árg.
undir núverandi nafni. 1,—
11. árg. 1925—1935 voru fjöl-
ritaðir.
G. í. 1. — I. A.
TÍMARIT HJÚKRUNARFÉLAGS ÍSLANDS 43