Hjúkrun: tímarit Hjúkrunarfélags Íslands - 01.04.1991, Blaðsíða 9

* fræðslumál
sínum verið ráðgefandi í þeim efn-
um og lýst áhuga sínum á þróun
mála hér á landi.
3. Kennsla. Sótt var um til Full-
bright-stofnunarinnar að fá til
námsbrautarinnar kennara, styrk-
þega á þeirra vegum, fyrir kennslu-
árið 1992-1993. Er það ánægjuefni
að líkur standa til að af þessu verði.
Lögð verður áhersla á að fá hingað
einhvern, sem hefur þekkingu og
reynslu af þróun námsskrár.
Vilji íslenskra
hjúkrunarfrœðinga
Áhersla hefur verið lögð á að
kanna hver vilji hjúkrunarfræðinga
er varðandi þróun menntunarmála.
Þótt margar ályktanir beggja félaga
hjúkrunarfélaganna liggi fyrir þykir
eðlilegt að kanna með formlegum
hætti hvernig hjúkrunarfræðingar
telja æskilegt að námið verði skipu-
lagt. Hverjar eru óskir hjúkrunar-
fræðinga um viðbótarnám og hverj-
ar telja þeir vera þarfir samfélags-
ins á næstu árum? Til að leita svara
við þessum spurningum og fleirum
svipaðs eðlis var gerð áætlun um
Rannsókn á högum hjúkrunarfræð-
inga og viðhorfum þeirra til starfa
og náms í samvinnu við hjúkrunar-
fræðingana Ástu Thoroddsen, lekt-
or og Jónu Siggeirsdóttur verkefn-
isstjóra. Innra réttmæti listans var
kannað með því að bera hann undir
stjórnir og menntanefndir beggja
hjúkrunarfélaganna. Góðar at-
hugasemdir bárust og er listinn nú
nær fullgerður. Fengist hefur styrk-
ur til rannsóknarinnar frá Rann-
sóknarsjóði Háskólans, en um er
að ræða viðamikla rannsókn sem
mælir hátt í 500 breytur og er gert
ráð fyrir um 1000 manna úrtaki.
ítreka ber, að auk þessarar
könnunar er leitað upplýsinga um
óskir hjúkrunarfræðinga eins og
lýst er í kafla þessarar greinagerðar
um samstarf, en með þeim hætti
gefst að sjálfsögðu betri kostur á að
afla viðameiri upplýsinga hjá færri
einstaklingum. Með þessum að-
ferðum ætti að vera vel tryggt að
sem flestir fái tækifæri til að koma
með einhverjum hætti að stefnu-
mótun áður en námsskrárgerð er
hafin.
Vilji kennara við
námsbraut í
hjúkrunarfrœði
Stjórn námsbrautar í hjúkrunar-
fræði mun bera ábyrgð á viðbótar-
og endurmenntun hjúkrunarfræð-
inga á næstu árum, og mun því
leggja vinnu í áætlunargerð þar að
lútandi. Námsbrautarstjórn mun
að sjálfsögðu byggja ákvarðanir
sínar m.a. á þeim upplýsingum,
sem safnast hafa nteð framan-
greindum hætti.
Ætla má, að kennarar í hjúkrun-
argreinum muni fyrst og fremst
bera þessa ábyrgð. Því varð að ráði
að fara fram á að þessi hópur legði á
sig nokkra undirbúningsvinnu.
Leitað var til hópsins um þátttöku í
fjögurra þrepa „Delphi-könnun“,
en það er aðferð sem reynd hefur
verið við námsskrárgerð og stefnu-
mótun erlendis. Könnuninni var
ætlað að ná fram sameiginlegu áliti
margra aðila á hagkvæman hátt
(krefst minni tíma en fundasetur),
tryggja að sjónarmið allra kæmi
fram, en auk þess gefur aðferðin
færi á að kafa nokkuð djúpt í mál.
Þær upplýsingar, sem fengust með
þessum hætti, voru m.a. lagðar til
grundvallar við drög þau að stefnu-
mótun sem nú liggja fyrir.
Tímaáœtlun
Gert er ráð fyrir að vinnu við
stefnumótun verði lokið nú í mars/
apríl.
Að því loknu er tímabært að snúa
sér að námsskrárgerð og námslýs-
ingum ásamt útfærslu á ýmsum atr-
iðum í því sambandi. Fyrsta námið
mun væntanlega hefjast að hausti
1991, en vel má hugsa sér að fyrir
þann tíma verði boðið upp á nám-
skeið á einhverju sérsviði.
Lokaorð
Á undanförnum árum hefur tek-
ist veruleg samstaða meðal hjúkr-
Framhald bls. 47
Staðhæfingar um nám fullorðinna
1. Fullorðnir vilja ákvarða eigin nánisreynslu.
2. Fullorðnir njóta samskipta í litlum hópum.
3. Fullorðnir læra af reynslu annarra sem og af eigin reynslu.
4. Fullorðnum er illa við að láta sóa tíma sínum.
5. Sumir fullorðnir eru ánægðir með suma fyrirlestra en ekki vekja
allir fyrirlestrar ánægju allra fullorðinna.
6. Fullorðnir fínna hjá sér hvöt til að læra þegar þeir gera sér grein
fyrir að þeir þurfa að læra.
7. FuIIorðnir finna hjá sér hvöt til að læra þegar þeir skynja faglegan
eða félagslegan þrýsting til náms.
8. Fullorðnir finna hjá sér hvöt til að læra þegar námstilhögun er
skipulögð á þann hátt að aðdráttarafl námsins er sterkara viðnáminu.
9. Fullorðnir byggja á áralangri reynslu og breytast ekki auðveldlega.
10. Fullorðnir vilja hagnýt svör við vandamálum líðandi stundar.
11. FuIIorðnir vilja njóta líkamlegra þæginda.
12. Fullorðnir hafa ánægju af hagnýtum lausnum vandamála.
13. Fullorðnum líkar áþreifanleg umbun.
14. Hressing og hlé skapa afslappað andrúmsloft og tjá nemandanum
virðingu.
Tarnow, K.G.: Working with Adult Learners. Nurse Educator, Sept. -
Okt. 1979.
HJÚKRUN '/„-67. árgangur 9