Tímarit hjúkrunarfræðinga - 01.04.1999, Síða 52

SSN-vÁðst£'(xA 1999
Dagana 17. til 19. mars var haldin ráðstefna á vegum SSN
á Hótel Sögu í Reykjavík.
Um 230 hjúkrunarstjórnendur frá sjúkrahúsum og
heilsugæslunni á Norðurlöndunum skiptust á skoðunum
um þróun heilbrigðisþjónustunnar á Norðurlöndunum og í
Evrópu. Ráðstefnan var sett af Ástu Möller, varaformanni
SSN og formanni Félags íslenskra hjúkrunarfræðinga.
Davíð Á. Gunnarsson flutti ávarp fyrir hönd heilbrigðisráðu-
neytisins og léttsveit Kvennakórs Reykjavíkur undir stjórn
Jóhönnu Þórhallsdóttur söng nokkur lög.
Þá fluttu fulltrúar hjúkrunarfélaganna á Norðurlönd-
unum stutt erindi um stefnu félaganna varðandi hjúkrunar-
stjórn í löndunum, en erindin fluttu Ása Lundvad, annar
varaformaður danska hjúkrunarfélagsins, Katriina
Laaksonen frá finnska hjúkrunarfélaginu, Æna Reinert frá
Færeyjum, Ásta Möller frá íslandi, Áse Jakobsen frá
Noregi og Eva Fernvall Markstedt frá Svíþjóð. Umræðu-
stjóri var Björg Eva Erlendsdóttir, fréttamaður.
Meðal fyrirlesara á ráðstefnunni voru Sigríður Snæ-
þjörnsdóttir, hjúkrunarforstjóri á Sjúkrahúsi Reykjavíkur, en
hún flutti erindi um hjúkrunarstjórn fyrr og nú og fram-
tíðarsýn á þeim vettvangi, og Hrund Sceving Thorsteins-
son, hjúkrunarframkvæmdastjóri á Landspítalanum, sem
fjallaði um rannsóknir í hjúkrun, hlutverk þeirra og ábyrgð. Á
ráðstefnunni voru fluttir fyrirlestrar um þróun hjúkrunar-
stjórnunar í heilsugæslunni og á sjúkrahúsunum, hvaða
áhrif það hefur á heilsugæsluna og sjúkrahúsin að hafa
hjúkrunarfræðinga sem stjórnendur. Þá var fjallað um
ábyrgð, hæfni og menntun hjúkrunarstjórnenda, m.a. hvort
doktorsnám í hjúkrun eða framhaldsnám í stjórnun væri
æskilegur undirbúningur stjórnenda í heilbrigðisþjónust-
unni. Fyrirlesarar auk þeirra Sigríðar og Hrundar voru m.a.s.
Ann Hedlund frá Svíþjóð, Birgitte Nielsen frá Danmörku,
Jan Vikenhem frá Svíþjóð, Per Kristian Vareide frá Noregi,
Ann Cardulf frá Svíþjóð, Lisbeth Uhernfeldt frá Danmörku,
Márta Westman frá Finnlandi, Margaretha Palmberg frá
Svíþjóð og Martha Quivey frá Noregi.
Auk ráðstefnustarfa gáfu fundarmenn sér tíma til að
bregða sér í Bláa lónið að lokinni dagskrá fyrri dag ráð-
stefnunnar og í kjölfarið var farið á víkingahátíð í Hafnarfirði
og snæddur þar matur. í lok ráðstefnunnar var fundar-
mönnum boðið í mat á Broadway. vkj
132
Tímarit hjúkrunarfræðinga • 2. tbl. 75. árg. 1999