Tímarit hjúkrunarfræðinga - 01.12.2004, Blaðsíða 55
til þessa hefur veriö fjarkennt til Akureyrar, ísafjaröar,
Neskaupsstaðar, Snæfellsnesbæjar og Vestmannaeyja,
til alls 31 nemanda. Til viöbótar fjarkennslunni hafa
kennarar farið á staðina og haft umræöufundi meö
nemendum og eins hafa nemendur komiö í skólann, m.a.
í verknámsstofu, til aö þjálfa færni í heilsufarsmati.
Þessar nýju diplomanámsleiöir hafa styrkt klíníska
meistaranámið sem fyrr varfjallað um. Nú hafa meistara-
nemendur úr verulegum fjölda námskeiða aö velja þar
sem lögð er áhersla á hugmyndafræðilega og gagnreynda
þekkingu og hagnýtingu hennar í klínískum aðstæðum.
Upplýsingar um námskeið í boði er að finna á vef-
síðu hjúkrunarfræðideildar. Hluti námskeiða í diploma-
námsleiðum standa sjálfstæð og eru opin nemendum í
framhaldsnámi innan og utan hjúkrunarfræðideildar og
einnig nemendum sem ekki eru í formlegu námi i Háskóla
ísiands. Tvö námskeið verða auk þess kennd í samvinnu
við Endurmenntunarstofnun H.í. á vorönn.
Námsleiðir í undirbúningi - diplomanám á
meistarastigi í heilsugæslu og stjórnun og
meistaranám á sömu sviðum.
í undirbúningi er að koma á fót sérstakri diploma- og
meistaranámsleið í heilsugæslu. Þeim er ætlað að koma
til móts við þarfir hjúkrunarfræðinga sem starfa í heilsugæslu með það
að markmiði að þjálfa þekkingu og færni á fjölmörgum klínískum sér-
sviðum. Einnig geta nemendur sérhæft sig í stjórnun innan heilsugæsl-
unnar með því aö leggja áherslu á námskeið í stjórnunarnámsleiðinni.
Námsleiöin í heilsugæslu samanstendur af þremur sérsviðum: heima-
hjúkrun, skólahjúkrun og ungbarnavernd. Boðið veröur upp á diploma-
námsleiðir til 20 eininga á þessum þremur sérsviðum. Námsleiðirnar
samanstanda af sameiginlegum kjarnanámskeiðum og síðan einu nám-
skeiði til sérhæfingar og ööru valnámskeiöi á hverri diplomanámsleið.
Þessi námskeið er hægt að fá metin hyggist nemandi sækja um meist-
aranám í hjúkrunarfræði. Á sama hátt geta hjúkrunarfræðingar sótt
strax í upphafi náms um meistaranám og síðan valið úr þau námskeið
sem þeir í samráði við leiðbeinendur telja mikilvæg.
Komið hefur í Ijós að töluverður áhugi er á framhaldsnámi, sérstak-
lega í heilsugæslu og stjórnun, á meðal hjúkrunarfræðinga sem ekki
hafa nægilegan undirbúning til að hefja nám, þ.e. þeir sem ekki hafa
BS próf eða samsvarandi nám. Því verður lögð sérstök áhersla á það á
skólaárinu 2005-2006 að gera hjúkrunarfræðingum kleift að sækja til-
heyrandi undirbúningsnámskeið. Upplýsingar um undirbúningsnámskeið
er að finna á heimasíðu deildarinnar.
Jafnframt er í undirbúningi diplomanámsleið í stjórnun sem mun
hefjast haustið 2005. Henni er ætlað að koma til móts við þarfir þeirra
hjúkrunarfræðinga og Ijósmæðra sem ekki hyggjast leggja stund á
meistaranám eða sem kjósa að hefja framhaldsnám með þessum hætti,
þ.e.a.s. byrja á diplomanámi og halda síðan áfram eiginlegu meistara-
námi. Námir miöar að því að undirbúa hjúkrunarfræðinga og Ijósmæöur
undir stjórnunarstörf, einkum sem millistjórnendur. Á sama hátt og í
diplomanámi í heilsugæslu verður nám á diplomanámsleið í stjórnun
metið til styttingar meistaranámi í stjórnun. Á skólaárinu 2005-2006
verður fjöldi sérhæfðra námskeiða í heilsugæslu og stjórnun í lágmarki
til þess að þeir sem eiga eftir að afla sér tilskilins undirbúnings hafi tök
á því að gera það samhliða.
Umfang framhaldsnáms í hjúkrunarfræði hefur aukist frá því að taka
inn átta nemendur á einni námsleið haustið 1998 til þess að bjóða upp
á fjórar meistaranámsleiðir, nokkrar og breytilegar diplomanámsleiöir
og nú síðast doktorsnám vorið 2004. Haustið 2004 hófu 89 nýnemar
meistaranám og diplomanám á meistarastigi í deildinni. Með þessari
aukningu nemenda og vaxandi fjölbreytni skapast miklir möguleik-
ar til aö efla sérhæfingu og sérþekkingu í hjúkrun á Islandi. Á sama
tíma hefur hjúkrunarfræðideild skilgreint fræðasvið og fræðigreinar
innan deildarinnar og fyrir hverju fræðasviöi er forstöðumaður. Eitt
af hlutverkum hans er að taka virkan þátt í uppbyggingu framhalds-
námsins, þar með talið leiðsögn og aðstoð við val á leiðbeinendum í
lokaverkefni þeirra nemenda sem kjósa aö vinna á því fræðasviöi sem
hann ber ábyrgð á. Aukin umsvif kalla einnig á meira skipulag og hafa
reglur um skráningu nemenda í Háskólanum skerpst. Þannig er ekki
lengur sveigjanleiki á umsóknarfresti um nám og ekki hægt að taka við
umsóknum um meistarnám eöa nám á diplomanámsleiðum eftir 15.
mars 2005 fyrir haustmisseri 2005 og 15. september fyrir vormisseri
2006. Hægt er að leggja fram beiðni um að sækja einstök námskeið og
skal áhugasömum bent á að snúa sér til verkefnastjóra framhaldsnáms,
Ragnýjar Þóru Guðjohnsen, ragny@hi.is.
Tímarit hjúkrunarfræðinga 5. tbl. 80. árg. 2004
Niðurlag
53