FLE blaðið - 01.01.2015, Qupperneq 6

Starfsemi FLE
Atriði úr skýrslu frá aðalfundi 2014
Sigurður B. Arnþórsson er framkvæmdastjóri FLE
Á starfsárinu 2013-14 stóð félagið fyrir tuttugu og fimm atburð-
um sem veittu 52 endurmenntunareiningar. Árið áður var fram-
boðið tæplega 60 einingar. Á liðnu ári mættu rúmlega 1.500
manns í heildina en að teknu tilliti til fjölda atburða milli ára
þá var meðaltalsmæting nokkuð svipuð. Þó má merkja áfram-
haldandi þróun í minnkandi mætingu á hádegisverðarfundi
félagsins þar sem meðaltalið í fyrra var um tuttugu og sex sem
mættu á hvern fund en árið áður þrjátíu og þrír félagsmenn.
Stjórn félagsins ákvað því síðastliðið vor að kalla saman góðan
hóp yngri félagsmanna til að ræða félagsstarfið með tilliti til
þeirra viðburða sem félagið stendur fyrir, efnisval og umræðu-
efni á hádegisverðarfundum, námskeiðum og ráðstefnum.
Það er skemmst frá því að segja að frá þessum hópi komu
margar áhugaverðar og skemmtilegar hugmyndir sem þegar
eru farnar að hafa áhrif.
Nægir þar að nefna fyrsta viðburðinn á vegum félagsins að
afloknum sumardvala, en í stað hefðbundins hádegisfundar var
boðið til „Gleðistundar" seinnipart föstudags, þar sem félagið
bauð upp á léttar veitingar og skemmtiatriði. Formaður steig
svo í pontu, fór þar yfir vetrarstarfið framundan og hugrenn-
ingar sinar um breyttar áherslur i starfi félagsins í Ijósi þróunar
á samsetningu félagsmanna undanfarin ár. Það er mál manna
að þessi nýbreytni hafi tekist vel til og verður vonandi árlegt
upphaf eða „kick off" á starfsemi félagsins í haustbyrjun.
Hvað varðar einstaka atburði á liðnu starfsári og báru einna
hæst þá vil ég leyfa mér að nefna erindi Steinars Kvifte á reikn-
ingsskiladeginum í september 2013 um IFRS, sem hann flutti
af hvílíkri innlifun og leikrænni tjáningu að leitun er að öðru eins.
Jens Röder var svo hjá okkur á Haustráðstefnunni með fróð-
legt erindi um framtíðina og þá þróun sem bíður okkar i Ijósi
nýrra tilskipana frá Evrópusambandinu. Og ekki má gleyma
Diana Hillier sem heimsótti okkur á Endurskoðunardeginum
síðast liðið vor en það er okkur í fersku minni vorið 2010
þegar hún komst ekki til okkar vegna gossins í Eyjafjallajökli
sem hófst á Endurskoðunardeginum sjálfum það ár, en flutti
þess í stað erindi sitt „live" frá London. Erindi hennar nú í
vor var mjög fróðlegt og fjallaði um mikilvægi endurskoðunar
fyrir þjóðfélagið og atvinnulífið. Síðast en ekki síst vil ég nefna
tvö Morgunkorn sem Stefán Svavarsson og Árni Tómasson
stóðu fyrir og vöktu mikla athygli og umtal, en þeir fjölluðu um
íslensk reikningsskil fyrir og eftir hrun og beindu þeir kastljósi
sínu sérstaklega að vinnubrögðum og aðkomu endurskoðenda.
Störf fagnefnda félagsins skipta félagið miklu máli og eins og
vanalega hafa hvílt á þeirra herðum mikilvæg og spennandi
verkefni. Það er ánægjulegt og ekki síður mikilvægt fyrir okkar
stétt að opinberir aðilar, eftirlitsstofnanir og ýmsir hagsmuna-
aðilar hafa í auknum mæli leitað til félagsins um upplýsingar
og ráðgjöf varðandi hin ýmsu málefni.
Reikningsskilanefndin hefur til að mynda frá í vor tekið þátt
í samstarfshópi á vegum Atvinnuvegaráðuneytisins vegna
innleiðingar Ársreikningatilskipunar EB vorið 2015. Hér er á
ferðinni krefjandi verkefni og er félagið stolt af framlagi okkar
manna.
Skattanefndin hefur staðið í ströngu hvað varðar frestmál
og hefur setið nokkra fundi með ríkisskattstjóra og vonandi
verður niðurstaðan ásættanleg. En það er aftur á móti Ijóst
að spjótin standa á endurskoðendum sem þurfa að taka sig á
varðandi skil skattframtala.
Á starfsárinu sendi Endurskoðunarnefndin frá sér úrval áritana
sem finna má á innri vef félagsins og er meiningin að vinna
með það efni frekar og gefa út í formi bæklings. Hann væri
frekar ætlaður viðskiptavinum þar sem hinar ýmsu „vörur" eða
þjónusta í formi áritana eða staðfestinga væru settar fram og
útskýrðar.
Siðanefnd félagsins hefur svo haft á borði sínu í á annað ár
hugmyndir FME að samskiptareglum eða samskiptaviðmiðum
fyrir endurskoðendur vegna eftirlitsskyldra aðila og er það
verkefni er enn i vinnslu.
Á starfsárinu hóf félagið útgáfu vefmiðils, sem ber nafnið FLE-
molar. Tilgangurinn er að miðla upplýsingum til félagsmanna
og vekja athygli á því sem er áhugavert og nýlegt á heimasíðu
FLE sem og ýmsum öðrum fróðleik sem snertir störf okkar.
Einnig er kastljósinu beint að "hinni hliðinni" á endurskoðend-
um sem ekki er síður áhugaverð. Stefnt er að því að FLE-molar
komi út út mánaðarlega.
Eitt af mikilvægari hlutverkum félagsins er að kynna hlut-
verk okkar og störf út á við þannig að atvinnulíf og almenn-
ingur séu upplýst um í hverju störf endurskoðenda felast. Hluti
af þeirri viðleítni er það samstarf sem komið var á milli FLE
og Viðskiptablaðs Morgunblaðsins í byrjun sumars þar sem
birtar hafa verið reglulega greinar skrifaðar af félagsmönnum.
4 • FLE blaðið janúar 2015