FLE blaðið - 01.01.2015, Side 23

Golfannáll endurskoðenda sumarið 2014
Auðunn Guðjónsson er endurskoðandi hjá KPMG
Um árabil hafa endurskoðendur staðið fyrir golfmótum innan
stéttarinnar. Tilgangurinn er ekki síst félagslegur enda þykir
fátt skemmtilegra en að spila golf í góðum félagsskap. Einnig
eru mótin íþróttakeppni þar sem þeir, sem náð hafa betri
tökum á íþróttinni en aðrir, vinna til verðlauna. Undirritaður
stóð að skipulagningu þessa mótahalds sumarið 2014 eins og
tvö sumur þar á undan í samvinnu við tvo aðra endurskoðend-
ur þá Ragnar J. Bogason og Sveinbjörn Sveinbjörnsson.
Sumarið 2014, eins og sumarið 2013, var mjög vætusamt um
sunnanvert landið sem hafði örugglega áhrif á golfiðkun flestra
kylfinga, þ.m.t. endurskoðenda. Þá komu flestir vellir á höfuð-
borgarsvæðinu illa undan vetri vegna klakaskemmda. Það
breytir ekki því að þeir sem hafa tileinkað sér þann lífsstíl sem
golfiðkun fylgir, hika ekki við að stunda íþróttina þó einhverjir
dropar komi úr lofti eða hár bærist svolítið á höfði. Á stundum
fer það reyndar saman, allt svo rok og rigning, en það hefur
ekki áhrif á þá allra hörðustu og áhugasömustu. Ég hef tekið
eftir því að þeir sem ekki stunda útivist, tjá sig meira um slæm
veðurskilyrði en við sem erum meira utandyra.
Mótahaldið er í mjög föstum skorðum og sambærilegt og
undanfarin ár. Mótin voru tvö, annars vegar sveitakeppni við
tannlækna og hins vegar meistaramót FLE. Mótin voru bæði
seinni hluta sumars og það sem réði því var aðallega bið
umsjónarmanna eftir hagstæðu veðurfari.
Sveitakeppni við tannlækna
Ákveðið var að viðhalda hinni árlegu keppni við tannlækna. Um
er að ræða sveitakeppni og fer keppnin þannig fram að tveir
endurskoðendur leika gegn tveimur tannlæknum.
Fyrirkomulagið er holukeppni (betri bolti með forgjöf). Keppnin
við tannlækna fór fram við ágætar aðstæður og í góðu veðri
þriðjudaginn 2. september á Gufudalsvelli í Flveragerði. Alls
tóku þátt tíu endurskoðendur og tíu tannlæknar (fimm holl).
Eftir æsispennandi keppni stóðu endurskoðendur uppi sem
sigurvegarar. Endurskoðendur unnu þrjá leiki en tannlæknar
tvo.
Kristófer ánægður með árangurinn.
Enn hefur ekkert spurst til silfurbikarsins sem mun á árum
áður hafa verið veittur þvi liði sem stóð uppi sem sigurvegari.
Styður það tilgátu endurskoðenda um að hann hafi verið nýttur
í fyllingar. Vegna þessara aðstæðna vartil málamynda afhentur
sá bikar sem hendi stóð næst í golfskálunum ( Flveragerði.
FLE blaðiðjanúar2015 • 21