Ráðunautafundur - 12.02.1980, Blaðsíða 16

66
3. Stafafura frá Alaska og Bresku Kólumbíu sýnist
þrífast vel um allt land, þar sem trjágróóur
getur á annað borð vaxið.
4.2 Jarðvegur og skógur.
Hér á landi er jarðvegur víðast hvar myndaður af áfoki
(löss) og eldfjallaösku. Hann er því ekki eins breytilegur
að gerð og í flestum nálægum löndum, þar sem berggrunnur
á staðnum mótar hann. En jarðvegsrakinn er ákaflega breyti-
legur og ennfremur dýpt.
Jarðvegsrakinn mótar skilyrðin fyrst og fremst fyrir hinar
ýmsu trjátegundir. Helstu ættkvíslir trjáa, sem reyndar
eru á íslandi, kjósa sér rakaskilyrði sem hér segir.
1. Allar helstu tegundir lauftrjáa þurfa rakan og nær-
ingarríkan jarðveg til góðs vaxtar. Má þar nefna birki,
víðitegundir, Alaksaösp, elri, reynivið. Framræst mýri
er mjög gott land fyrir þessar tegundir. En annars eru
bestu rakaskilyrðin yfirleitt neðst í hlíðum. Því
brattari sem þær eru, því betri.
2. Grenitegundir kjósa sér líkt land og lauftrén.
3. Furutegundirnar láta sér nægja minni raka og geta
þrifist á allþurri jörð. Stafafura kann þó mjög vel
við sig á framræstri mýri.
4. Lerki kýs sér þurran jarðveg og getur vaxið á mjög
næringarsnauðu landi, jafnvel á blásnum mel, án þess
að áburðargjöf komi til. Það er því mjög góð land-
græðsluplanta, þar sem veðurskilyrði henta því.
5_;___Bændaskógrækt á Islandi.
5.1 Fjárhagsstuðningur.
A fjárlögum fyrir árið 1969 var liður í fjárveitingum til