Ráðunautafundur - 15.02.1998, Page 128

120
mechloprop verða helst notaðir en draga úr vexti grastegunda. Úða þarf á meðan illgresis-
tegundir eru í örum vexti en áður en þær blómstra.
Þegar illgresi hefur verið fellt með úðun skapast góð skilyrði fyrir aðrar plöntur að
koma inn á svæðið því að túngrösin loka eyðum í sverði hægt. Þessar plöntur gætu verið ill-
gresi, s.s. varpasveifgras og skriðlíngresi. Hvítsmári er ein af þeim ræktunarplöntum sem
lokar eyðum fljótt og er af þeim orsökum æskilegt að hafa hvítsmára í túnum.
Það er grundvallaratriði að bregðast við illgresi í túni með því að bæta ræktunina. Úðun
er aðeins eitt af því sem gera má, og það skal áréttað að það að losna við illgresistegundir með
úðun er aðeins skammtímalausn, en stundum nauðsynlegur þáttur. Ef ræktuninni er ekki
breytt til batnaðar mun fljótt sækja í sama farið.
Sérstök vandcimál
Haugarfi. Haugarfi er ein versta illgresistegundin hér á landi. í túnum er hann einkum vanda-
mál í nýrækt eða eftir kal. í túnum má eyða honum með mechloprop. Best er að gera það
þegar gras hlífir honum ekki, t.d. eftir slátt. Úða má hvenær sem er sumarsins.
Sóleyjar. Losna má við sóleyjar með 2,4-D.
Njóli. Njóla má fella með thifensulfúron-methyl í túnrækt. Eyðirinn er ekki enn á skrá.
Fíflar. Hár kalístyrkur og hátt pH örva vöxt fífla. Eyða má þeim með 2,4-D.
Húsapuntur. Húsapunti má eyða með glyphosate.
Krossfífill og elfting. Dichlóbeníl fellir.
ILLGRESISEYÐING í KARTÖFLURÆKT
í karföflurækt er eyðirinn línúron mest notaður og úða á áður en kartöflugrös kom upp því kar-
töfluplantan þolir eyðinn illa. f einstaka tilfellum sjást eitrunareinkenni á plöntunni. Gera má ráð
fyrir einhverju ljóstillífunartapi áður en einkennin koma í ljós. Ekki er öruggt að eyðirinn brotni
niður á einu ári, en líklegt er að það sem ekki brotnar niður skolist út þar sem ræktað er í sand-
jarðvegi. Hér á landi hafa eitrunareinkenni sést á kartöflum í moldarjarðvegi og vísbendingar um
uppsöfnun þar (Derrek og Sigurgeir 1982). Ef ekki næst að úða áður en grös koma upp er hægt
að úða með metribúzín, en kartöflur þola þann eyði betur en línúron. Metribúzín brotnar ekki
niður á einu ári og ekki er því hægt að nota þann eyði ár eftir ár.
Það að þessir eyðar brotna hægt niður hindrar ræktun viðkvæmra tegunda árið eftir og er
t.d. líklegt að grastegundir vaxi hægar en ella ef þær eru ræktaðar á eftir kartöflum sem úðaðar
hafa verið með illgresiseyðum
ILLGRESISEYÐING í KÁL- OG RÓFNARÆKT
Triflúralín (Treflan) á að blanda saman við jarðveg fyrir sáningu. Nota á lága skammta í sand-
jarðvegi en hærri í moldarjarðvegi.
Ef lífrænt efni er meira en 10% er ekki hægt að nota efnið því þá er bindingin það mikil að
efnið virkar lítið. Biðtími er 4-10 mánuðir.