Dagblaðið Vísir - DV - 21.04.2016, Síða 27

Helgarblað 21.–25. apríl 2016 Kynningarblað - Í góðum málum 7
Málningarþjónustan á Selfossi:
50 ára afmæli framundan
Þ
ann 6. júní næstkomandi
fagnar Málningarþjón­
ustan á Selfossi hálfrar
aldar afmæli sínu og er því
óhætt að gera því skóna að
fyrirtækið sé með þeim elstu sinnar
tegundar á landinu. Steindór Páls­
son málarameistari segir lesendum
DV frá því að stofnandi fyrirtækis­
ins, Páll Árnason, hafi lært að mála
hjá Kaupfélagi Árnesinga á sínum
tíma en hafi síðan vent sínu kvæði
í kross, stofnaði eigið fyrirtæki og
var þar með kominn í samkeppni
við sjálft Kaupfélagið. Málningar­
þjónustunni vel tekið frá fyrsta degi
„Það þurfti áræðni og hugrekki
fyrir einyrkja að fara þessa leið,“ segir
Steindór. „Fyrsta haustið sem
Páll starfaði sjálfstætt var
hann með málningar­
flokk sem samanstóð
af þremur til fjór­
um mönnum, en
nú árið 2016, hafa
yfir hundrað manns
starfað hjá fyrir­
tækinu í gegnum
tíðina, í lengri eða
skemmri tíma. Það var
hvorki sjálfgefið né auð­
velt að fara út í samkeppni
við Kaupfélag Árnesinga á sín­
um tíma og má því segja að Páll hafi
verið brautryðjandi hvað það varð­
ar. Viðskiptavinirnir voru frá upp­
hafi bæði einstaklingar og fyrirtæki
á Selfossi og nágrenni.“
Rótgróið og traust
fjölskyldufyrirtæki
Að sögn Steindórs hefur Málningar­
þjónustan á Selfossi lengst af verið í
viðskiptum við Málningu hf., þó svo
að fleiri birgjar hafi nú bæst við.
„Það er vissulega búið að vera
mjög gaman að starfa við þetta
fyrirtæki. Og í gegnum það hefur
maður kynnst fjöldanum öllum
af skemmtilegu og góðu fólki. Við
höfum mikið starfað um landið
vítt og breitt en þó mest á Suður­
landinu. Það er gefandi að starfa
hjá rótgrónu og traustu fjölskyldu­
fyrirtæki sem er í dag með dreifða
eignaraðild meðal starfsmanna
sem sumir hverjir hafa starfað hér
áratugum saman. Í tilefni tíma­
mótanna langar mig til þess að
þakka öllum okkar traustu við­
skiptavinum fyrir samstarfið svo
og starfsmönnum fyrirtækisins í
gegnum tíðina,“ segir Steindór. n
Málningarþjónustan á Selfossi
Gagnheiði 47
800 Selfoss
Sími: 899-1775
Málningarþjónustan á Facebook