Dagblaðið Vísir - DV - 21.07.2017, Blaðsíða 18

18 sport Helgarblað 21. júlí 2017
Ekki bara góð laun sem
heilluðu í Tyrklandi
T
heodór Elmar Bjarna-
son skrifaði í vikunni und-
ir samning við Elazıspor í
Tyrklandi en hann kemur
til félagsins frá Danmörku þar sem
hann hafði leikið í tvö ár með AGF,
kappanum fannst tími til kominn
að yfirgefa Norðurlöndin þar sem
hann hafði dvalið í mörg ár. Skref-
ið kom nokkrum á óvart enda leik-
ur Elazıgspor í næstefstu deild
Tyrklands, fjárhagslega var tilboð-
ið hins vegar þannig að Elmar gat
ekki hafnað því.
Theodór Elmar er þrítugur
miðjumaður sem getur einnig leik-
ið í stöðu kantmanns en hann hef-
ur leikið 36 A-landsleiki og í raun
átt fast sæti í hópnum undanfar-
in ár en var skildur eftir utan hóps
í síðasta verkefni. Það kom mörg-
um á óvart enda Elmar verið lykil-
maður undanfarið og reynst liðinu
afar vel.
,,Það var nokkuð stuttur aðdrag-
andi að þessu, ég heyrði af áhuga
þeirra og einhverjum fimm dögum
síðar var þetta klárt. Það voru nokk-
ur önnur lið í Tyrklandi sem sýndu
mér áhuga en þetta lið kom upp og
ég ákvað að stökkva á það. Fyrstu
kynni voru mjög góð, það hefur
allt verið eins og best verður á kos-
ið eftir að ég kom hingað. Þeir tóku
rosalega vel á móti mér og aðstæð-
ur hér þar sem við erum í æfinga-
búðum eru frábærar,“ sagði Theo-
dór Elmar við DV í gær.
Fær vel borgað
Elmar, sem er þrítugur, fékk mörg
tilboð í sumar eftir að samning-
ur hans við AGF í Danmörku var á
enda en hann vildi velja vel, bæði
vildi hann fá vel greitt og þá vildi
hann taka skref til félags sem er
með metnað. Ég hafði úr talsvert
mörgum tilboðum að velja en ég
vildi taka rétta skrefið, sum af þess-
um tilboðum voru fjárhagslega
ekki nógu góð fyrir mig. Þegar líð-
ur á félagaskiptagluggann á sumrin
þá fara félögin að keyra allt í botn,
maður þarf að vera þolinmóður þó
að það geti verið erfitt. Ég prófaði
það að vera atvinnulaus í 16 daga.“
Eigendur félagsins hafa mik-
inn metnað og það sannast í því
hversu vel þeir borga miðað við að
leika í næstefstu deild Tyrklands.
„Auðvitað pældi maður talsvert í
því að maður væri að fara að spila
í næstefstu deild, það voru viðræð-
ur við lið í úrvalsdeildinni hérna í
Tyrklandi en það kom aldrei neitt
fast á borðið. Elazıgspor kom með
tilboðið á borðið sem var bara
þess eðlis að það var mjög erfitt
að segja nei, félagið hefur feng-
ið sex leikmenn sem hafa spilað
í úrvalsdeildinni hér í Tyrklandi
eða í sterkum deildum. Þetta eiga
að vera góðir leikmenn og eins og
mörg önnur lið þá segjast þeir ætla
upp, þeir eru með nýja eigendur.
Þetta er lið sem var í miklu basli
en hafa rétt vel úr kútnum, skuld-
ir voru greiddar og nú er félagið í
uppbyggingu. Það er mikill
metnaður í klúbbnum
og fótboltamenningin
hérna í Tyrklandi er
mjög heillandi, það
eru 14–15 þúsund
áhorfendur á öllum
heimaleikjum liðsins
þrátt fyrir að liðið
sé í næstefstu deild.
Í deildinni hérna eru
svo 15 til 30 þúsund
manna vellir og þetta
er því spennandi deild,
maður vonast hins vegar
eftir því að liðið kom-
ist upp því það er metn-
aður allra leikmanna að
spila á sem hæsta stig-
inu. Það voru ekki bara
launin hérna sem heill-
uðu heldur líka metn-
aðurinn, launin eru góð
en maður vildi líka fé-
lag með metnað.“
Ástríðan í Tyrklandi
rosaleg
Theodór Elmar var
á meðal varamanna
þegar Ísland lék við
Tyrkland í undankeppni
EM en leikurinn fór fram
í Konya árið 2015, undir-
ritaður var á vellinum og
hefur aldrei á ævi sinni heyrt
jafn mikil læti á knattspyrnuleik.
Í starfinu hefur maður farið á
knattspyrnuleiki úti um allan heim
en lætin sem Tyrkirnir voru með
og ástríðan í þeim var ótrúleg. „Ég
man eftir þessum leik, ég sat reynd-
ar allan tímann á bekknum. Maður
hélt bara fyrir eyrun stóran hluta
af leiknum, lætin voru slík. Það er
gríðarlega mikil ástríða í mönnum
hérna, frá því að ég skrifaði und-
ir hefur maður fundið fyrir þessu.
Fréttirnar um þetta eru alls staðar
og það er endalaust verið að tala
um fótbolta í sjónvarpinu, ég held
að það eigir fáir séns í ástríðuna
sem Tyrkir hafa fyrir þessu,“ sagði
Elmar, sem var í æfingabúðum
með félaginu.
Íhugaði að koma heim en af-
þakkaði boð KR
Elmar ólst upp í KR og hefur alltaf
borið sterkar taugar til félagsins,
hann lék þrettán leiki með fé-
laginu árið 2004, þá aðeins 17
ára gamall. Elmar samdi svo við
Celtic í Skotlandi þá en í sumar
ræddi hann við uppeldisfélagið
sitt og íhugaði það alvarlega að
koma heim. „Það voru einhverjar
viðræður við KR og það er minn
klúbbur heima á Íslandi, ég skoð-
aði það alveg, en þegar maður er
með tilboð að utan sem heillar
þá er erfitt að segja nei við því. Ég
pældi alveg í þessu, ég er orðinn
þrítugur og maður er kominn
með barn. Það kom því vel til
greina að koma bara heim og
byrja að undirbúa lífið eftir fót-
boltann en svo datt þetta inn og
þá gat ég ekki annað en tekið því.“
Furðulegar ákvarðanir hjá AGF
Elmar var í fimm ár í Danmörku,
hann var í þrjú ár hjá Randers
og síðan tvö ár hjá AGF þar sem
mikið gekk á. „Tíminn hjá AGF
var upp og niður, liðinu gekk
ekki nógu vel. Það voru þjálfara-
skipti og þjálfarinn sem fékk mig
var ástæða þess að ég samdi við
félagið. Hann var rekinn eftir sex
mánuði, við fórum úr því að spila
fótbolta sem snerist um það að
halda bolta sem hentaði mér
gríðarlega vel yfir því að sparka
og vona það besta sem hentar
mér ekki jafn vel. Ég eignaðist
fullt af góðum vinum, ég sé ekki
eftir því að hafa farið þangað. Ég
átti mína góðu leiki, AGF er fé-
lag sem gerir kröfur en það hefur
ekki gengið upp hjá þeim síðustu
ár. AGF eyðir miklum pening-
um í liðið sitt og er með fjórða
stærsta fjármagnið í deildinni
og því eru kröfur gerðar. það er
eitthvað sem gengur ekki upp
þarna, þeir kaupa menn sem
virðast ekki þola pressuna. Það
er miklu meiri pressa í AGF en til
dæmis Randers þar sem ég var
áður, þrátt fyrir það er Randers
alltaf ofar en AGF. Það eru líka
stundum óraunhæfar væntingar
hjá AGF, liðið var að koma aftur
upp þegar ég kom og við vorum
á fínu skriði. Við vorum í áttunda
sæti og við vorum að bæta okk-
ur mikið en þá var þjálfarinn rek-
inn, maður skilur þetta stundum
ekki alveg. Eftir þessi ár í Nor-
egi, Svíþjóð og Danmörku fór ég
ekki einu sinni í það að tala við
klúbba á Norðurlöndunum, ég
vildi fara annað og ræddi við fé-
lög í Englandi, Portúgal og svo
komu tilboð frá Grikklandi. Ég
hafði úr ýmsu að velja en mér
leist best á þetta.“
Vonast til að komast aftur í
landsliðið
Elmar hafði átt alveg fast sæti í ís-
lenska landsliðinu í langan tíma
þangað til í sumar þegar Heim-
ir Hallgrímsson valdi hann ekki í
leikmannahóp liðsins fyrir leikinn
gegn Króatíu, það kom mörgum á
óvart og ætlar Elmar sér að vinna
sér inn sætið á nýjan leik. ,,Ég ætla
að leggja allt á mig og vonast eftir
því að geta unnið mér inn sæti aft-
ur í hópnum, ég hef fulla trú á því.
Ég geri mitt besta til að sanna mig,
það kom mér frekar mikið á óvart
að vera ekki í síðasta hóp. Ég bjóst
ekki við þessu, Heimir útskýrði sitt
mál og hann talaði um að fá meiri
hraða og Rúrik Gíslason kom mjög
flottur inn, leikurinn vannst svo
það er lítið hægt að setja út á það.
Ég get þó ekki neitað því, að vera í
byrjunarliðinu og komast svo ekki í
hópinn var óvænt.“ n
n Theodór Elmar fer á nýjar slóðir n Vonast til að komast aftur í landsliðið
Hörður Snævar Jónsson
hoddi@433.is