Dagblaðið Vísir - DV - 21.07.2017, Blaðsíða 52
28 sakamál Helgarblað 21. júlí 2017
Á
Alpine Manor, dvalarheim-
ili aldraðra í Walker í
Michigan í Bandaríkjun-
um, unnu fyrr meir tvær
vafasamar kvensniftir; Gwendolyn
Graham og Catherine Wood.
Hjúkrunarkonurnar voru ekki
aðeins vinnufélagar heldur einnig
ástkonur og áttu það sameigin-
legt að tilhugsunin um morð veitti
þeim hvað mesta kynferðislega
örvun.
Í upphafi var þetta sem leikur
og þær ætluðu að velja fórnarlömb
sín út frá nöfnum þeirra; fanga-
mörk þeirra áttu að mynda orðið
„Murder“, morð. Með því hugðust
þær skensa lögregluna.
Gwen
Áður en lengra er haldið er vert
að huga aðeins að fortíð Gwen og
Cathy. Gwen fæddist í Kaliforníu
en ólst upp í Texas. Hún mun hafa
verið rólyndisbarn en nánast ávallt
dapurleikinn uppmálaður.
Síðar útskýrði Gwen depurð
sína með frásögnum af föður sín-
um sem að hennar sögn veitti
henni helst til mikla kynferðis-
lega athygli – sannleiksgildi þeirrar
skýringar fékkst aldrei staðfest.
Gwen flutti til Michigan árið
1996 og hún fékk starf á Alpine
Manor.
Cathy
Næsti yfirmaður Gwen á hjúkr-
unarheimilinu var Cathy, þá 24 ára.
Cathy hafði gifst á unglingsaldri og
þegar sjö ára hjónaband hennar
rann sitt skeið glímdi hún við offitu
á alvarlegu stigi; vó 205 kíló.
Cathy var vinalaus og einmana,
en fljótlega eftir að hún störf á
Alpine Manor, 1985, var henni veitt
stöðuhækkun, varð yfirmaður að-
stoðarmanna hjúkrunarfræðing-
anna á staðnum. En félagslíf Cathy
var ekki upp á marga fiska og á því
varð engin breyting fyrr en leiðir
hennar og Gwen lágu saman.
Ástarsamband og megrun
Vinátta þeirra breyttist skjótt í ást-
arsamband, Cathy sagði aukakíló-
unum stríð á hendur og varð tíður
gestur í klúbbum samkynhneigðra,
stundaði partí af miklum móð og
fór ekki varhluta af skyndikynnum.
En tryggð hennar við Gwen beið
ekki hnekki og síðla árs 1986 höfðu
þær heitið hvor annarri ævarandi
ást sem ekkert fengi grandað.
Í október það ár viðraði Gwen
hugmyndir sínar um skipulögð
morð, en Cathy tók hana ekki
alvarlega. Gwen fékk mikið upp
úr því að binda Cathy þegar þær
stunduðu kynlíf og nánast kyrkja
hana eða kæfa með kodda meðan
á því stóð.
Áður en langt um leið fannst
Cathy sem þetta samspil ánægju og
sársauka væri ómissandi.
Byrjendamistök
Í janúar 1987 hófust stöllurnar
handa, en lentu á ýmsum hindr-
unum. Meðal annars misreiknuðu
þær hversu mikið líf var í fyrstu
fórnarlömbunum sem voru alls
ekki á því að kveðja jarðlífið. Þurftu
Gwen og Cathy þá frá að hverfa, en
merkilegt nokk bárust engar kvart-
anir frá þeim þrjósku gamalmenn-
um sem varð lengra lífs auðið en
vinkonurnar ætluðu.
En æfingin skapar meistarann
og sá Gwen ekki annað í stöðunni
en að velja veikburða konur það-
an í frá.
Minjagripir geymdir
Cathy stóð alla jafna á vakt þannig
að hún gat fylgst með starfsstöðv-
um annarra hjúkrunarkvenna og
séð þegar ástkona hennar murkaði
lífið úr gamalmennunum.
Stundum gátu þær ekki hamið
sig og fóru strax að loknu morði
inn í tómt herbergi og nutu kyn-
lífs. Gwen stal ýmsu úr fórum fórn-
arlamba sinna; vasaklútum, næl-
um og jafnvel fölskum tönnum,
og geymdi til minja um morðin.
Stöllurnar virtust nærast á þeirri
spennu sem fylgdi ódæðunum og
möguleikanum á að upp um þær
kæmist. Gengu þær svo langt að
gorta af fjölda fórnarlamba sinna
við vinnufélaga sína sem ályktuðu
að um sjúklegan húmor væri að
ræða.
Leiðir skilur
Í apríl dró til tíðinda þegar Cathy
neitaði að sanna ást sína með því
að drepa hvern sem er. Skömmu
síðar var hún færð á nýja vakt en
Gwen hafði fundi sér nýja lesbíu,
Heather Barager, sem hún varði sí-
fellt meiri tíma með. Gwen fór síð-
an með Heather heim til Texas og
skildi Cathy eftir í sárum.
Í ágúst sagði Cathy sínum fyrr-
verandi, Ken, alla söguna en ein-
hverra hluta vegna beið hann í
fjórtán mánuði með að hafa sam-
band við lögregluna. Þegar lög-
reglan síðan heyrði frásögn Kens
átti hún bágt með að leggja trún-
að á hana. Um fjörutíu vistmenn
höfðu skilið við fyrsta fjórðung
ársins 1987, allir með eðlilegum
hætti að talið var. En við nánari
athugun virtist þó eitthvað bogið
við átta dauðsföll.
Þegar þarna var komið sögu
hafði Gwen hafið störf á Mother
Frances-sjúkrahúsinu í Texas, en
hringdi þó endrum og sinnum í
sína gömlu kærustu.
Fimm vafamál
Af þeim átta dauðsföllum sem lög-
reglan kíkti nánar á var í þremur til-
fellum útilokað að eitthvað grun-
samlegt hefði átt sér stað.
Eftir stóðu fimm möguleg fórn-
arlömb; Marguerite Chambers, 60
ára, Edith Cole, 89 ára, Myrtle Luce,
95 ára, Mae Mason, 79 ára, og Belle
Burkhard, 74 ára.
Reyndar var fátt um beinharð-
ar vísbendingar um að konurnar
fimm hefðu verið myrtar, en í ljósi
frásagnar Kens taldi ákæruvaldið
sig hafa nóg í höndunum til að
leggja fram ákæru.
Lykilvitni
Cathy og Gwen voru handteknar
í desember 1988 og ákærðar fyr-
ir morð á tveimur kvennanna. Á
meðal vitna sækjanda voru fjór-
ar fyrrverandi samstarfskonur og
í september 1989 hljóp á snærið
hjá ákæruvaldinu þegar Cathy ját-
aði sig seka um manndráp, gerðist
lykilvitni gegn fyrrverandi ástkonu
sinni og slapp við lífstíðardóm fyr-
ir vikið.
Að sögn Cathy hafði Gwen, auk
morðanna, reynt að kæfa fimm
konur sem þó sluppu með skrekk-
inn.
Upp úr kafinu kom að það var
ekki sektarkennd sem fékk Cathy til
að segja Ken söguna. Cathy óttaðist
að Gwen færði morðin upp á nýtt
og óhugnanlegra svið í nýju starfi
hennar á sjúkrahúsinu í Texas.
Sexfaldur lífstíðardómur
Það sem olli Cathy áhyggjum var
að Gwen kynni að snúa sér að ung-
börnum næst. „Þegar hún var að
myrða fólk á Alpine og ég aðhafðist
ekkert, það var nógu slæmt,“ sagði
Cathy. „En þegar hún fór að hringja
í mig og segja mér hve mikið hana
langaði að stúta barni, ég varð að
stoppa hana einhvern veginn.“
Cathy sagði að þegar þar var
komið sögu hafi hún orðið að grípa
í taumana: „Hún [Gwen] sagði að
hana langaði að taka eitt af börnun-
um og slengja því í glugga. […] Mér
var orðið sama hvað yrði um mig.“
Þegar upp var staðið komst kvið-
dómur að þeirri niðurstöðu að
Gwen væri sek um fimm morð og
áform um hið sjötta.
Gwendolyn Graham fékk
sexfaldan lífstíðardóm 2. nóvem-
ber 1989 án möguleika á reynslu-
lausn. n
Dúett Dauðans
n tvinnuðu saman kynlíf og morð n Fórnarlömbin voru aldraðar konur
Slapp við lífstíðardóm Cathy innsiglaði örlög fyrrverandi ástkonu sinnar.
Sá um morðin Gwen mun ekki um frjálst höfuð strjúka framar.
„Hún sagði að hana
langaði að taka
eitt af börnunum og
slengja því utan í glugga.