Dagblaðið Vísir - DV - 21.07.2017, Qupperneq 8

8 Helgarblað 21. júlí 2017fréttir
S
endiherra Ástralíu í Ind­
ónesíu hefur tekist að
vekja athygli ástral­
skra stjórnvalda á nýjum
tækifærum í fjárfestingu í Ind­
ónesíu. Hann vill að Ástralir
aðstoði Indónesíumenn við að
auka ferðaþjónustu í landinu.
Þá eru gríðarlegar breytingar
á umgjörð og innviðum lands­
ins í farvatninu. Markmiðið er
að gera Indónesíu að enn vin­
sælli áfangastað. Heimamenn
hafa ítrekað gefið út að þeir vilji
stórauka hlutdeild sína í ferða­
þjónustu en síðustu ár hefur
Suðaustur­Asía orðið æ vinsælli
áfangastaður fyrir vesturlanda­
búa í leit að sól og framandi
upplifun. Ferðaþjónusta er einn
lykilþátturinn í efnahagsþróun
þeirra þjóða sem tilheyra Suð­
austur­Asíu.
10 nýjar Balí
Í vikunni tilkynnti sendiherr­
ann, Paul Grigson, eftir fund
með Joko Widodo, forseta Ind­
ónesíu, að Ástralir myndu, með
fjármagni frá áströlskum fjár­
festum og láni frá alþjóðbank­
anum, (World Bank) aðstoða
Ind ónesíumenn við að byggja
upp tíu ferðamannaparadísir,
á borð við Balí, víðs vegar um
landið. Þetta kemur fram í grein
sem birtist á vefsvæði ástralska
fjölmiðilsins ABC.
„Við töluðum aðallega um
þau tækifæri sem felast í ferða­
þjónustu og það sem við höfum
áætlað að gera með fjármagn­
inu frá alþjóðabankanum,“ sagði
Grigson eftir blaðamannafund
sem var haldinn í Jakarta þar
sem áætlanirnar voru kynntar.
Hugmyndirnar eru flestar enn
á umræðustigi. Til þessa hef­
ur fjármagn í ferðaþjónustu í
Ind ónesíu aðeins verið notað á
þeim svæðum sem nú þegar fá
mikinn fjölda af ferðamönnum
árlega. Ekki hefur formlega ver­
ið gefið út hvenær ráðist verður
í framkvæmdir á öðrum svæð­
um. Talið er að það geti orðið á
næsta ári.
Lánið sem stjórnvöld Ind­
ónesíu sóttu um, og hafa feng­
ið samþykkt, hleypur á millj­
örðum (180 milljónum dollara).
Peningarnir eru eyrnamerktir
ákveðnum svæðum þar sem fyr­
irhugað er að byggja upp ferða­
mannaparadísir. Það er við Toba
stöðuvatnið í Norður­Súmötru,
Lombok í Vestur­Nusa Tennara
og Borbudur í Java. Ekki hef­
ur komið fram hversu mikið
fjármagn Ástralir leggja sjálfir í
verk efnið.
Fram hefur komið að Ind­
ónesíumenn vilja leggja mun
meira í ferðaþjónustu en þeir
hafa gert til þessa. Markmið­
ið er að tvöfalda komu erlendra
ferðamanna til Indónesíu, úr
rúmlega 9 milljónum í 20 millj­
ónir á ári. Samhliða byggingu
á hótelum þarf að endurnýja
vegakerfi landsins. Ráðist verð­
ur í miklar endurbætur á veg­
um, tollhlið sett upp og nokkrar
nýjar hafnir byggðar frá grunni.
Þá þarf að byggja nýjan flugvöll.
Ferðamönnum fjölgar
Indónesía, sem er fjórða fjöl­
mennasta ríki heims, sam­
anstendur af þúsundum eyja í
Suðuraustur­Asíu. Á síðasta ára­
tug hefur ferðaþjónusta nærri
tvöfaldast í Indónesíu. Á síðasta
ári heimsóttu um það bil 9 millj­
ón erlendir ferðamann landið.
Mesta aukningin hefur verið á
ferðamönnum frá Ástralíu. Eins
og staðan er í dag dvelja lang­
flestir ferðamenn á Balí, Riau
eyjaklasanum eða í höfuðborg
landsins, Jakarta. Langtíma­
markmiðið er að auka fjölda
ferðamanna og gera ferðaþjón­
ustu að aðalútflutningsgrein
Indónesíu.
Hingað til hafa helstu at­
vinnuvegir Indónesíumanna
verið landbúnaður, á borð við
hrísgrjón, sykurreyr, kókos­
hnetur, maís og sætar kartöfl­
ur og iðnaður, á borð við olíu­
hreinsun, sykur, jarðolíu og gull.
Veðurfarið á Indónesíu er svip­
að allt árið og er meðalhitinn í
landinu um 28 gráður. Það er ein
af ástæðum þess að Indónesía er
að verða einn af vinsælli ferða­
mannastöðum í heiminum. n
„Ferðaþjónusta er
einn lykilþátturinn
í efnahagsþróun þeirra
þjóða sem tilheyra Suð-
austur-Asíu.
Ætla að búa til tíu nýjar
paradísir í anda Balí
Indónesía verður áður en langt um líður einn vinsælasti
ferðamannastaðurinn í Suðaustur-Asíu
Kristín Clausen
kristin@dv.is
Bali 4,4 milljónir ferða-
manna heimsóttu eyjuna
á síðasta ári. Talið er að
ferðamönnum muni fjölga
enn frekar í ár.
Indónesía Mikill upp-
gangur verður í ferða-
þjónustunni á Indónesíu
á næstu árum. Mynd EPA
Ferðamenn njóta lífsins Ástralir
ætla að aðstoða Indónesíumenn við
að byggja upp öfluga ferðaþjónustu í
landinu. Mynd EPA
Ætla að dreifa ferðamönnum um landið Indónesíumenn telja sig eiga mikið inni
þegar kemur að ferðaþjónustu. Mynd EPA