Dagblaðið Vísir - DV - 01.09.2017, Page 29

„Við fylgjum frekar hjartanu“
„Mér fannst hún smellpassa í
þennan heim sem við erum að
skapa með Sycamore Tree.“
Fylgja bæði hjartanu, láta bara vaða
Eftir einn kaffibolla og kalt vatns­
glas á Kex Hostel, tóku þau Ágústa
Eva og Gunni ákvörðun um að
skella sér saman í þetta verkefni.
„Þá hafði ég fengið grunninn að
laginu My heart beats for you og
Full of love. Seinna lagið er reynd­
ar ekki komið út en það verður á
plötunni,“ segir Ágústa og Gunni
skýtur því inn að hann hafi alveg
sannfærst þegar hann heyrði hana
syngja My heart beats for you.
„Það þurfti ekki að hugsa meira
um þetta.“ Gunni Hilmars­
son hefur hingað
til verið betur
þekktur sem
fatahönnuður
en tónlistar­
maður, en hann
er þó enginn
nýgræðingur í
tónlist. „Ég fékk fyrsta
bassann minn þegar ég
var 12 ára og hef spilað síðan. Svo
eignaðist ég gítar tveimur árum
síðar og hef í raun spilað daglega
alla tíð. Að setjast niður og spila
á hljóðfæri er mín hugleiðsla og
slökun. Það var bara tímaspursmál
hvenær ég færi á fullu í tónlistina.
Þetta hefur verið minn draumur
síðan ég var unglingur og það er
aldrei of seint að láta draumana
sína rætast,“ segir Gunni. „Fólk
á að fylgja hjartanu og láta vaða.
Hver veit hvað gerist. Aldrei hætta.
Fyrir mér var heldur ekki hægt að
finna betri „partner“ en Ágústu
Evu. Hún fylgir líka hjartanu í
því sem hún tekur sér fyrir
hendur.“
Ekki mikill munur á því að
skapa fatalínu eða semja
tónlist
Gunni segir að það
sé ekki gríðarlega
mikill munur á
því að skapa
fatalínu og
semja tónlist.
Þetta sé að
mörgu leyti
sama ferlið,
frá hugmynd,
stefi og
stemningu
eða einhverju
sem kemur
sköpuninni
af stað.
Síðan taki
við brot­
hætt ferli
þar sem
margt
fari
saman
og
margt
geti líka
farið
úr­
skeiðis.
„Frá
hugmynd að tilbúnu lagi eða
fatalínu eru þúsund skref. Að auki
er öll upplifun tónlistar í dag ekki
bara upplifun hljóðsins heldur
einnig heildarmyndin í kring.
Myndirnar og allt sem áheyr­
andinn og áhorfandinn upplifir
þarf að „tóna“ saman við tónlistina
þannig að úr verði heill­
andi heimur
sem talar
til hans,“
segir
Gunni.
„Við
nostrum við þetta allt saman.
Frá hljóði til myndar. Samspil
tónlistar og tísku er mjög náið og
hefur lengi verið. Hönnuðir stórra
tískuhúsa á borð við Dior, Saint
Laurent, Gucci og fleiri upplifa
tónlistarfólk og listarmenn sem
þeirra innblástur.“
Innblásturinn kemur frá
klárum tónlistarkonum
Spurður að því hvaða
áhrif væru helst
ríkjandi í tónlistar­
heimi hans segir
Gunni að grunn­
hugmyndin að
heimi Sycamore
Tree hafi verið
ákveðin kreðsa af
tónlistarkonum.
„Klárar konur sem
nálgast tónlistina
af einlægni og
segja sögur. Konur
eins og Carla
Bruni, Lucy Rose,
Lisa Ekdahl, Joni
Mitchell. Einnig
íslenskar konur
eins og til dæmis
Ragnheiður Grön­
dal. Þegar við
Ágústa komum
saman þá verður
til eitthvað
sem er
bara
Sycamore
Tree og við
getum ekki
útskýrt það. Það
verða aðrir að
sjá um,“ segir Gunni,
fær sér vænan sopa
af sódavatni, skrúfar
tappann á flöskuna og
horfir svolítið dreym­
inn út um gluggann.
Elskar jóðl og falskan
söng en þolir ekki
ABBA og Bítlana
En hvaða tónlist
heillar þau
Ágústu Evu og
Gunna? Hlusta
þau á hvað
sem er eða
er eitthvað
sem þau
hryllir við?
Gunni þarf
ekki að
hugsa sig
tvisvar um.
„Þungarokk og
Queen. Bara alls
ekki takk,“ segir
hann ákveðið en
Ágústa er ekki
eins fljót að
svara. „Ég hef
gaman af ótrú­
legustu tónlist,“
segir hún. „Ég
hlusta á allt
frá frá Philip
Glass, sem er
eitt tormeltasta
klassíska
tónskáld
tuttugustu aldar,
jóðl og illa spilaða
tónlist. Svo hef ég
sérstaklega mikið dálæti
á mjög fölskum söng. En það
er tvennt sem ég ekki þoli og
það eru annars vegar ABBA og
hins vegar Bítlarnir. Svo fer sum
söngleikjatónlist alveg rakleiðis
niður í kokið á mér. Nei, eiginlega
bara söngleikir yfirhöfuð. Mér
finnst þeir eiginlega allir hræði­
legir.“
Hlynurinn og andans
menn í Hveragerði
En hvaðan kemur nafn
hljómsveitarinnar? Af hverju
„sycamore“ eða hlynur, hlyns­
tré? „Blöðin af hlynstrénu eru
ævafornt tákn ástarinnar hjá
ýmsum þjóðflokkum og þjóð­
um. Til dæmis indjánum og
Japönum,“ útskýrir Ágústa sem
býr í Hveragerði innan um mik­
inn gróður og skrúð. „Ég er með
stóran hlyn í garðinum mínum
og skuggamyndir laufanna leika
um suðurvegg hússins þegar sólin
skín. Þessar dansandi skugga­
myndir frá trénu eru einmitt
mín fyrsta minning frá því ég lá í
vöggu í eftirmiðdagskyrrðinni
„Þeir spókuðu
sig spari-
klæddir en þó al-
þýðlegir, innan um
hveri og dansandi
regnboga. Andans
menn á borð við
Kristján frá Djúpa-
læk, Kristmann
Guðmundsson og
Jóhannes úr Kötlum.
Aldrei of seint „Þetta hefur verið minn

draumur síðan ég var unglingur og það er
aldrei
of seint að láta draumana sína rætast.“ Mynd
Saga Sig
Komin sjö
mánuði á leið
Haustið 2017 verður
gjöfult fyrir Ágústu
Evu sem á von á lítilli
stelpu í nóvember.
Mynd Saga Sig