Freyr - 01.06.2006, Page 13

KJALLARINN VARÐ OFAN Á
Samúel og Þórunn veltu því mikið fyrir sér
með hvaða móti þau ættu að geyma mykj-
una. Þegar valið stóð á milli tanks, poka eða
kjallara varð síðastnefndi kosturinn fyrir val-
inu þó það hafi í upphafi ekki verið þeirra
fyrsti kostur. Sökum jarðvegsdýptar og legu
landsins var tekin sú ákvörðun að steypa
áburðarkjallara undir hluta hússins. „Klöpp-
in kallaði í rauninni eftir legu kjallarans eins
og hann er," segir Þórunn í samtali við Frey
og Samúel bætir því við að um 5 metrar séu
niður á fast undir mjólkurhúsinu. Heil gólf
eru í flórunum og sjálfvirkar sköfur sjá um
að hreinsa flórana í húsinu og skafa í kjall-
arann.
ÍDREGNAR LAGNIR
Það er áberandi hve allur lagnafrágangur er
vandaður í fjósinu, hvort heldur um raf-
magns-, vatns eða mjólkurlagnir er að
ræða. Þau ákváðu að draga vatnslagnirnar
fyrir brynninguna í fyrirfram steypt 50 milli-
metra rör í gólfinu. Aðrar lagnir eru utan-
áliggjandi. Vatnið í brynninguna er endur-
nýtt vatn úr kælivél tanksins og forkæli
mjaltakerfisins ásamt afrennsli af gólfhita-
leiðslum. Skúli Guðmundsson frá Birtinga-
holti sá um hönnun og lagningu pípulagna.
Aðspurð hvað þau myndu vilja hafa gert
öðruvísi væru þau að byggja í dag segja þau
að ef til vill sé hæðin upp í básana of mikil
fyrir kýrnar. Þau fylgdu uppgefnum dönsk-
um stöðlum sem kveða á um 20 sm hæð
frá flór og upp i básinn. „Trúlega mætti
kanturinn vera aðeins lægri því maður sér
það þegar kýrnar standa upp að þær veigra
sér aðeins við því að fara aftur úr básnum."
Þá væri að þeirra mati betra að hafa sköfu-
brautir niðurfelldar í flórinn til að minnka
slettur.
MALBIK í MJALTABÁSNUM
Á biðplássi við mjaltabásinn og á stöðu-
plássi (mjaltastæði) kúnna í básnum sjálfum
völdu Þórunn og Samúel að setja malbik.
Þau höfðu séð hugmyndina í fjósi norðan
heiða og leist svo vel á hana að þau fengu
Malbikun K-M ehf. að norðan til þess að
leggja malbikið fyrir sig. Þau segja malbikið
reynast afar vel.
Um er að ræða reisulega byggingu hjá
þeim Samúel og Þórunni enda mikil hugsun
og hugmyndavinna að baki framkvæmd-
inni. „Maður reisir náttúrulega aldrei full-
komna byggingu," segja þau en það má
vissulega greina verðskuldaða ánægju ábú-
endanna með nýjan fjósið.
NÝJA ÚTIHÚSIÐ
Úr mjaltabásnum í Bryðjuholti. Á myndinni sést hvernig stöðupiáss (mjaltastæði) kúnna í
mjaltabásnum er malbikað. Ljósm. Samúel U. Eyjólfsson
Innréttingarnar í nýja fjósinu voru
fengnarfrá Landsstólpa ehf.
Ljósm. Þórunn Andrésdóttir
Malbikun K-M ehf. á Akureyri sá um að
malbika stöðupláss kúnna í mjaltabásnum.
Ljósm. Samúel U. Eyjólfsson
Byggingarlýsing
Legubásafjós í Bryðjuholti í Hruna-
mannahreppi. Stærð 848,6 m2, rúm-
mál 4.340,6 m3. Stærð haughúss
337,1 m2, rúmmál 1.065,7 m3. Bygg-
ingin er keypt af Límtré - Vírneti ehf.
og eru bogasperrur úr límtré sem
framleitt er á Flúðum í Hrunamanna-
hreppi. Húsið er klætt og einangrað
með yleiningum. Innréttingarnar í
fjósinu eru frá Landstólpa ehf. Á
mæni hússins eru tölvustýrðir, opnan-
legir gluggar frá Landstólpa. Þá er í
fjósinu eftirlitsmyndavélarkerfi frá El-
net-tækni ehf. Vatnslagnir fyrir brynn-
ingu eru allar ídregnar í 50 millimetra
plaströr sem steypt eru í gólfplötuna.
FREYR 06 2006
13