Freyr - 01.06.2006, Blaðsíða 23

VIÐTAL
sinn sem bóndinn kemur í heimsókn að
það sé margt sem brenni á nemendunum
og vissulega fái þau svör við spurningum
sínum. „Verkefninu gef ég mína hæstu
einkunn. Annað hvort hef ég alltaf verið
svo heppin að fá til mín bónda sem er svo
fær í því sem hann er að gera eða þá að
það velst bara í þetta verkefni fólk sem
gerir þetta af mikilli natni og nákvæmni.
Það leikur enginn vafi á því að heimsókn
bóndans skiptir sköpum fyrir skilning
nemendanna á atvinnuveginum. Bændur
týna vissulega tölunni og búhættir breyt-
ast og um leið minnka möguleikar barna á
sumardvöl í sveit eins og svo oft tíðkaðist
hérna áður. Heimsókn bóndans inn í bekk-
inn brúar því að hluta til þetta bil sem
óhjákvæmilega hefur skapast á milli þétt-
býlisins og dreifbýlisins sökum samdráttar
í atvinnuveginum," segir Sigrún.
HEKTARAR OG FÓTBOLTAVELLIR
Þegar Freyr innti Kristínu Önnu eftir því
hvað hefði staðið upp úr í heimsókn bónd-
ans svaraði hún því til að henni hefði mest
komið á óvart hversu mikið land var I rækt
á jörð bóndans sem heimsótti bekkinn
hennar. „Mér fannst sniðugt hvernig bónd-
inn setti þetta fram, ég áttaði mig ekki á
því hversu stórt svæði þetta væri," sagði
Kristín Anna. ,,En hann reiknaði út fyrir
okkur hve margir fótboltavellir kæmust fyr-
ir á ræktaða landinu og allt í einu varð
þetta miklu skýrara." Berglind telur mikil-
vægt að upplýsingarnar séu settar fram á
skýran hátt fyrir nemendur með tengingu
við þeirra veruleika. „( þessu tilfelli skynja
Kristín Anna Guðmundsdóttir sagði það
hafa verið mjög fróðlegt að fá bónda í
heimsókn því nú skildi hún miklu betur
hvernig lífið í sveitinni gengi fyrir sig
þau hvílíkt flæmi ræktað land er á venju-
legum bóndabæ þegar þau ímynda sér að
á því rúmist margir fótboltavellir. Svo læra
þau í leiðinni hvað orðið hektari þýðir,"
sagði Berglind í þessu samhengi.
EKKI STIMPILKLUKKUSTARF
Tilgangurinn með Degi með bónda er að
auka skilning á landbúnaðinum sem at-
vinnuvegi. Þá gefur heimsókn bóndans
nemendunum tækifæri á því að spyrja
spurninga og fá svör sem þau ef til vill geta
hvergi annars staðar fengið. „Bóndinn
opnar einhverja vídd í höfðinu á nemend-
unum sem öðlast jafnframt skilning á því
að líf og starf í sveit er alveg jafn mikil
vinna og skrifstofuvinna foreldranna I þétt-
býlinu, þó svo vinnan I sveitinni fylgi ekki
stimpilklukku eða afmarkist af tímaramm-
anum níu til fimm," segir Sigrún. „Ég sé til
þess í hvert skipti sem ég er með sjöunda
bekk að ég fái bónda í heimsókn. Ég lít svo
á að nemendurnir geti bara ekki án heim-
sóknarinnar verið."
-;T 1 1 , *
'Í. jJ
Berglind Hilmarsdóttir, bóndi á Núpi III undir Eyjafjöllum og verkefnisstjóri Dags með
bónda, svarar spurningum forvitinna nemenda
FREYR 06 2006