Dagblaðið Vísir - DV - 01.12.2017, Blaðsíða 8

8 Helgarblað 1. desember 2017fréttir
Láttu þér ekki vera kalt
Sími 555 3100 www.donna.is
hitarar og ofnar
Olíufylltir ofnar 7 og 9
þilja 1500W og 2000 W
Keramik hitarar
með hringdreifingu
á hita

Hitablásarar
í úrvali
Ný vefverslun: www.donna.is
Erum nú á Facebook: donna ehf
E
ftir tveggja vikna formlegar
stjórnarmyndunarviðræður
er loks komin ný ríkisstjórn,
leidd af Katrínu Jakobs-
dóttur. Um sögulegan viðburð er
að ræða, þar sem hreinræktaður
vinstri flokkur hefur aldrei áður
leitt ríkisstjórn í sögu Íslands. Eft-
ir stuttar viðræður VG við hina
vinstri flokkana og Framsókn,
ákvað Sigurður Ingi Jóhannsson,
formaður Framsóknarflokksins,
að slíta þeim viðræðum og bar
við of naumum meirihluta. Þá
hófust þreifingar VG, Framsókn-
ar og Sjálfstæðisflokks, sem sum-
ir segja að hafi verið löngu ákveðin
flétta, þótt það hafi aldrei fengist
staðfest. Flokkarnir komu sér loks
saman um myndskreyttan stjórn-
arsáttmála sem var undirritaður í
gær.
Samstaða um íhaldssemi
Eiríkur Bergmann stjórnmála-
fræðingur segir augljóst hver
sigur vegari kosninganna sé. „Það
blasir við að Framsókn er aug-
ljós sigurvegari kosninganna.
Þegar Sjálfstæðisflokkurinn og
Vinstri græn miðla málum, enda
þeir á þeim stað sem Framsókn
er. Þess vegna má segja að þessi
ríkisstjórn sé óskastjórn Sigurð-
ar Inga, en hún er ekki óskastjórn
VG og Sjálfstæðis flokksins,“ seg-
ir Eiríkur. Hann bætir við að þrátt
fyrir að stjórnarflokkarnir hafi
komið sér saman um nokkuð
langan stjórnarsáttmála, sé hann
mjög opinn: „Hann er ekki mjög
ítarlegur, þarna er allt mjög opið.
Það er vísað til þess að það eigi að
skoða alls konar hluti í tilteknu
augnamiði, en lítið niður njörvað
hvað skuli gert. Hann ber einnig
þess merki að hann er saminn af
flokkum sem hafa öndverða sýn í
skatta- og útgjaldamálum, en ná
vel saman um að standa vörð um
helstu kerfin í landinu. Því þó svo
að VG og Sjálfstæðisflokkurinn
séu andstæður á hinum klassíska
vinstri-hægri ás, þá eru allir þessir
þrír flokkar sömu megin á þeim ás
er mælir frjálslyndi annars vegar
og íhaldssemi hins vegar. Þetta
eru flokkarnir sem vilja halda í
öll þessi meginkerfi sem landið
byggir á, samanber peningamála-
kerfið, sjávarútvegs- og land-
búnaðarkerfið, stjórnarskrána og
tengslin við Evrópu. Það verður
því lítið um róttækar breytingar,
líkt og aðrir flokkar boðuðu fyrir
kosningar.“
Opinn í báða enda
Ef skyggnst er í baksýnisspegilinn
þá hefur Framsóknarflokkurinn,
sem dæmigerður miðjuflokkur,
oft verið í óskastöðu í íslenskum
stjórnmálum. Fleyg voru orðin
„opinn í báða enda“ sem notuð
voru til að lýsa stefnu flokksins í
tíð Ólafs Jóhannessonar, en þau
hafa sjaldan átt jafn vel við og nú.
Þá hefur flokkurinn átt sæti í ríkis-
stjórn í um sjö af hverjum tíu árum
á sínum líftíma en hann fagnaði
100 ára afmæli í fyrra. En þrátt fyrir
tíða valdasetu, hafa kosningaúr-
slitin ekki alltaf verið góð. Í raun
hefur þingmannafjöldinn lækkað
reglulega frá 1995, ef undanskild-
ar eru kosningarnar 2013. Til að
mynda eru úrslitin í kosn-
ingunum 2017 næstversti
árangur flokksins frá
upphafi, eða 10,7 pró-
sent, sem skila þeim þó
átta þingmönnum og
þremur ráðherrum.
Versti árangur-
inn var 2007, er
flokkurinn hlaut sjö
þingmenn. Í kosn-
ingunum 2016 fékk flokkurinn
átta þingmenn, en tapaði heil-
um 11 þingmönnum frá því 2013.
Eftir erfið formannsskipti vegna
hneykslismáls, klofningsfram-
boð fyrrverandi formanns og lágs
kosningahlutfalls, er ljóst að Fram-
sóknarflokkurinn má vel við una.
Við undirskrift stjórnarsáttmál-
ans í gær tókust þeir Sigurður Ingi
Jóhannsson og Bjarni Benedikts-
son í hendur og gerðu ansi
vandræðalega tilraun til
að mynda þriggja manna
handaband með Katrínu
Jakobsdóttur, sem hváði
við og hélt að sér báðum
höndum, þótti tilraun-
in augljóslega hjákátleg.
Hvort það sér vísbending
um það sem koma skal,
verður ósagt látið. n
ritstjorn@
dv.is
„Framsókn er augljós
sigurvegari kosninganna“
n Eiríkur fer yfir pólitíska sviðið n Hreinræktaður vinstri flokkur aldrei áður leitt ríkisstjórn
„Það blasir við að Framsókn er augljós sigur-
vegari kosninganna. Þegar Sjálfstæðisflokk-
urinn og Vinstri græn miðla málum, enda þeir á þeim
stað sem Framsókn er.
Eiríkur Bergmann
Sigurður Ingi
Jóhannsson
Er að öllum líkindum
einn sáttasti maður
landsins þessa dagana.
Ríkisstjórn Katrínar Jakobsdóttur
Aldrei áður hefur hreinræktaður vinstri flokkur
leitt ríkisstjórn hérlendis. Mynd SIgtRygguR ARI