Víkurfréttir - 13.12.2017, Qupperneq 55

55VIÐSKIPTI Á SUÐURNESJUM f immtudagur 13. desember 2017 // 49. tbl. // 38. árg.
dæmi er að koma vel út. Slíkir bílar
keyra helling innanbæjar á rafmagn-
inu sem er flott, eyða þannig miklu
minna eldsneyti og menga minna.“
Færri á nöglum
Þegar þeir félagar eru spurðir út í
þróunina í hjólbörðum segir Þórður
hana hafa verið mikla á undanförnum
árum og almennt séu dekk betri og
endist lengur. Þegar hann er spurður
út í naglana á vetrardekkjum segir
hann að þeim hafi fjölgað sem vilji
naglalaus dekk. Hluti af þeirri ástæðu
sé sú að göturnar séu „saltaðar“ mjög
fljótt. „Þeim hefur fækkað sem vilja
naglana og hér sunnanlands er nánast
óþarfi að vera á nöglum en það er
skiljanlegt að fólk vilji keyra á nöglum
þar sem snjóar meira eins og til dæmis
úti á landi. Það hefur orðið breyting
og þróun í því hvernig naglar eru
settir í dekkin, þeir eru t.d. ekki allir
í sömu línu. Þá er minni hávaði frá
nagladekkjum í dag. Það var lengi vel
ansi mikill hávaði frá nagladekkjum
en það hefur breyst. Almennt snýst
þetta um um grip dekkjana, að það sé
sem best og þróunin hvað það varðar
hefur verið góð.“
Nokkur hrun
Þórður hefur haldið utan um reikn-
ingshald og fjármál fyrirtækisins og
þegar hann er spurður út í reksturinn
í dag og þegar þeir voru að byrja segir
hann að þetta hafi verið upp og niður
í gegnum tíðina. „Við höfum fengið
nokkur „hrun“ á okkur á þessum
langa tíma en líklega var síðasta
bankahrun það erfiðasta. Maður tók
eftir því þegar maður greiddi virðis-
aukaskattinn, upphæðin var miklu
lægri en fyrir hrun. Þar er púlsinn á
rekstrinum. Hærri virðisauki þýðir að
við höfum selt meira,“ segir Þórður og
félagi hans liggur ekki á því varðandi
reksturinn og bölvar því að trygg-
ingagjaldið hafi ekki verið lækkað
þrátt fyrir ítrekuð loforð um það. „Við
höfum nokkrum sinnum verið nálægt
því að loka „sjoppunni“. Við höfum
þurft að vinna launalausir. Það hafa
komið dýfur þegar illa hefur árað í
atvinnulífinu og fyrirtæki hafa lokað,
við höfum ekki fengið okkar reikninga
greidda. Við höfum nokkrum sinnum
lent í erfiðleikum út af því en við erum
hér enn,“ segir Björn.
Þeir segja að fyrst eftir stofnun
fyrirtækisins hafi reksturinn verið
í járnum en alltaf hafi þeir komist í
gegnum þetta. „Það var talsvert at-
vinnuleysi og mikil verðbólga þann-
ig þetta var enginn dans á rósum.
Við erum nokkuð brattir núna og
höfum notið þess að það er mikill upp-
gangur á Suðurnesjum. Þá er kannski
tækifæri til að fara að slaka aðeins
á. Kannski hafa einhverjir áhuga á
að kaupa þetta af okkur. Aðstæður
eru alla vega betri núna en þegar við
byrjuðum.“
Þeir félagar segjast hafa verið heppnir
með starfsmenn. Á smurstöðinni
hefur gamall starfsfélagi þeirra, Helgi
Gunnlaugsson, verið með þeim nær
alla tíð en á dekkjaverkstæðinu hafa
ungir Pólverjar snúið hjólbörðum
undanfarinn áratug. „Við höfum haft
nokkra Pólverja í vinnu. Þeir eru mjög
duglegir og þetta hefur gengið mjög
vel. Þeir eru ágætir í íslenskunni
þannig að samskiptin við viðskipta-
vini ganga vel. Svo koma auðvitað
margir samlandar þeirra hingað og
finnst þægilegt að geta rætt við þá
á pólsku.“
Skvísurnar á verkstæðunum
Það er ekki hægt að sleppa þeim fé-
lögum í þessu spjalli öðruvísi en að
spyrja út gamla hefð. Af hverju hafa
dagatöl með fáklæddum konum alltaf
tengst dekkja- og smurþjónustufyrir-
tækjum. Þeir félagar brosa og fara yfir
breytingar í þeim málum. „Það hefur
lengi verið einhver tenging í brans-
anum við fallegt kvenfólk. Við sjáum
það enn t.d. í formúlu kappakstrinum.
Fyrstu árin fengum við dagatöl frá
öllum framleiðendum en nú er þetta
eiginlega búið. Þú finnur kannski eitt
dagatal hjá okkur núna en þau voru
fleiri í gamla daga,“ segja þeir félagar
í lokin og brosa í kampinn.
Fitjabakka
Njarðvík
ódýrt bensín
Fitjabakka 2-4 Básinn
Vatnsnesvegur 16
Starfsfólk Olís óskar Suðurnesjamönnum gleðilegra jóla
og farsældar á komandi ári með þökk fyrir viðskiptin og
samskiptin á árinu sem er að líða.
Við höfum nokkrum
sinnum verið nálægt
því að loka „sjoppunni“.
Við höfum þurft að vinna
launalausir. Það hafa
komið dýfur þegar illa
hefur árað í atvinnulífinu
og fyrirtæki hafa lokað,
við höfum ekki fengið
okkar reikninga greidda.
Við höfum nokkrum
sinnum lent í erfiðleikum
út af því en við erum
hér enn.
Björn og Helgi í kaffipásu á smurstöðinni.
Þórður í afgreiðslunni.
Félagarnir hafa verið í bransanum í 35 ár en eru til í að fara að slaka á núna.
Pólsku starfsmennirnir hafa staðið sig vel. Marcin, Daniel, Tomek og Marek.Það er oft líf á dekkjaverkstæðinu þegar ný dekkjatíð gengur í garð.