Morgunblaðið - 07.12.2017, Qupperneq 78

MIÐBORGIN78
MORGUNBLAÐIÐ FIMMTUDAGUR 7. DESEMBER 2017
Mottur setja punktinn yfir i-ið á heimilinu.
Persía er sérdeild innan Parka með stök teppi og mottur.
Við bjóðum upp á sérvalin handhnýtt austurlensk teppi og fjölbreytt
úrval af vönduðum vélofnum gervi- og ullarteppum.
Bjóðum aðeins það besta fyrir þig.
Parki ehf. • Dalvegi 10-14 • 201 Kópavogi • www.parki.is • parki@parki.is • sími: 595 0570
VIÐARPARKET • UTANHÚSSKLÆÐNINGAR • VÍNYLPARKET • FLÍSAR • HURÐIR • TEPPI • KERFISLOFT • HARÐPARKET • INNRÉTTINGAR
Hjónin Bergþóra Guðnadóttir og Jó-
el Pálsson stofnuðu fatamerkið Far-
mers Market árið 2005 og opnuðu í
kjölfarið verslun og vinnustofu úti á
Granda. Í sumar stækkaði rekst-
urinn síðan og við bættist verslun á
Laugavegi 37. „Við höfum alltaf kall-
að verslunina Farmers & Friends
enda seljum við ekki aðeins eigin
hönnun heldur líka valin merki og
vörur sem ríma vel við það sem við
höfum hannað,“ segir Bergþóra en
hún sér um hönnunina og Jóel er
framkvæmdastjóri fyrirtækisins.
Það fer vel á því að kalla búðina
Farmers & Friends því margt af því
sem er til sölu kemur frá fólki sem er
vinir Bergþóru og Jóels. „Jóel starf-
ar einnig sem tónlistarmaður og frá
upphafi höfum við haft mikið af ís-
lenskri tónlist til sölu í búðinni og
margt af því útgáfur eftir vini okk-
ar.“ Af þeim merkjum sem finna má
hjá versluninni má nefna íslensku
skartgripina frá Orrifinn, ítalska
dömufatamerkið Forte Forte, frönsk
gúmmístígvél frá Aigle og vandaða
bursta og heimilisvörur af ýmsum
gerðum frá þýska fjölskyldufyrir-
tækinu Redecker. „Við bætum við
vörum í samræmi við hvert freisting-
arnar leiða okkur og blöndum saman
íslenskri og erlendri hönnun, þó okk-
ar eigin vörulína sé auðvitað lang-
stærsti hlutinn,“ útskýrir Bergþóra.
Auk þess að hafa skapað vinalegar
verslanir með úrval af áhugaverðum
varningi þá er ákveðin heimspeki á
bak við Farmers Market. „Þegar við
byrjuðum rekstur árið 2005 þá lang-
aði okkur að búa til merki sem hefði
skírskotun í norrænar hefðir og stað-
setningu okkar á jarðkringlunni,
með fallegum og praktískum flíkum
með vænni slettu af íslenskri sveita-
rómantík, sem verja gegn köldu
veðri,“ segir Bergþóra. „En okkur
langaði líka að bjóða upp á valkost
sem væri andsvar við alheimsvæð-
ingu og skammtímahugsun tísku-
heimsins á þeim tímapunkti. Okkur
ofbauð hraðinn í tískunni þar sem
fatalínunum er jafnvel skipt út fjór-
um sinnum á ári. Við vildum gera
vörur sem væru klassískar, vandaðar
og gætu staðist tímans tönn, og geta
farið hægt í sakirnar þegar við bæt-
um við eða tökum út vörur úr okkar
fatalínu. Sjálfbær framtíð er okkur
mjög hugleikin og við höfum byggt
upp fyrirtækið okkar og hönnun frá
upphafi með það að leiðarljósi.“
Landnemar úti á Granda
Óhætt er að segja að Bergþóra og
Jóel hafi sýnt framsýni þegar þau
komu sér fyrir úti á Granda fyrir
rösklega áratug. „Fólki fannst þetta
mjög skrítin ákvörðun hjá okkur
enda var Grandinn ekki þá sá blóm-
legi staður sem hann er í dag. Okkur
grunaði að hérna yrði þróunin svipuð
og í borgum eins og New York og
Kaupmannahöfn þar sem iðnaðar-
hverfi hafa orðið að spennandi versl-
unar- og veitingahverfum. Í dag er
Grandinn orðinn staður þar sem
margir vilja vera.“
Miklar breytingar hafa orðið á
miðbænum frá því Farmers &
Friends hóf starfsemi og segist
Bergþóra mjög ánægð með þró-
unina. Fjölgun ferðamanna hefur
hjálpað fyrirtækjunum á svæðinu en
í tilviki Farmers & Friends sýnist
henni að um helmingur viðskiptavina
verslunarinnar séu Íslendingar og
hinn helmingurinn erlendir gestir.
„Miðbærinn er orðinn svo skemmti-
legur að mörgu leyti og mér finnst
unun að ganga þar um, heyra alls
konar tungumál, heimsækja frábær-
ar verslanir og veitingastaði. Sumum
þykir verslunarflóran helst til eins-
leit, og fullmikið af búðum sem ein-
ungis eiga að höfða til ferðamanna,
en ég held að með tímanum muni
miðbærinn ná einhverju jafnvægi.“
Bergþóra minnir líka á að þó fólk
hafi ólíkar skoðanir á þróun mið-
borgarinnar undanfarinn áratug eða
svo þá var miðbærinn ekki sér-
staklega skemmtilegur eða blómleg-
ur verslunarstaður um aldamótin.
„Ég var með rekstur í miðbænum ár-
ið 1999 þegar ég var nýútskifaður
hönnuður og þá var hreinlega fjúk-
andi drasl á götunum og enginn á
ferli niðri í bæ nema þá helst á Þor-
láksmessu. Ég held að enginn myndi
í raun vilja fara til baka til þess
hvernig miðbærinn var hér áður
fyrr.“ ai@mbl.is
Morgunblaðið/Kristinn Magnússon
Vandað „Við bætum við vörum í samræmi við hvert freistingarnar leiða okkur,“ segir Bergþóra.
Unun að vera
í miðbænum
Notagildi Fötin eru hönnuð með
íslenskt veðurfar í huga.
Blanda Vörur Farmers Market eru í forgrunni en með slæðist vönduð ís-
lensk og erlend hönnun. Tónlist leikur líka stórt hlutverk í versluninni.
Verslunin Farmers & Friends var með þeim fyrstu til að
koma sér fyrir á Granda þar sem núna iðar allt af lífi.
Bergþóra fær innblástur og orku úr umhverfinu.
Bergþóru þykir ákaflega gott að starfa á Grandanum, og þegar hún
bregður sér út af vinnustofu sinni á hún ekki erfitt með að finna inn-
blástur og orku í umhverfinu. „Ég er hálfpartin alin upp á þessu svæði og
pabbi minn hefur rekið verkstæði úti á Grandagarði í um 40 ár. Að geta
rölt niður að höfninni og verið í návígi við sjóinn gefur mér ótrúlega mik-
ið, og líka að heimsækja þau skemmtilegu fyrirtæki sem eru hér í kring.
Það er mjög gaman að vera á þessu svæði.“
Aðspurð hvað hún myndi vilja sjá gert öðruvísi segir Bergþóra að það
myndi vafalítið lífga upp á miðbæinn að skapa þar aðstöðu fyrir íslenska
hönnuði að koma vörum sínum á framfæri. Líkt og biðstöðinni á Hlemmi
var breytt í mathöll mætti ef til vill breyta hentugu rými í miðbænum í
sölutorg fyrir íslenska hönnun. „Fyrir yngri hönnuði sem eru rétt að stíga
fyrstu skrefin getur verið mjög stór biti að taka húsnæði á leigu í mið-
bænum og að auki er slegist um hvert pláss. Það gæti gert miðbæinn enn
skemmtilegri ef ungu hönnuðirnir ættu sér einhvern samastað til að
kynna og selja sköpunarverk sín.“
Vantar stað fyrir unga hönnuði