Morgunblaðið - 24.04.2018, Blaðsíða 4

4 FRÉTTIRInnlent
MORGUNBLAÐIÐ ÞRIÐJUDAGUR 24. APRÍL 2018
Ljósmyndir
Rutar og Silju
Skipholti 31 • 105 Reykjavík • Sími 568 0150
Opið virka daga 10-17 • www.rut.is • Ljósmyndir Rutar og Silju
Fyrir passann, ökuskírteinið,
ferilskrána o.fl.
Skjót og hröð
þjónusta
Engar tímapantanir
Góð passamynd
skiptir máli
„Við teljum ólíklegt að finna megi
vilja í baklandi ráðherrans til að sinna
þessu máli af heilindum. Ástæðan
fyrir því er sú pólitíska hugmynda-
fræði sem bakland hans stendur fyrir
og stuðningur flokksins við NATO og
aðgerðir þeirra,“ segir Snorri Páll
Jónsson, einn þeirra sem sent hafa
opið bréf til Katrínar Jakobsdóttur
forsætisráðherra vegna hvarfs
Hauks Hilmarssonar. Hefur hann nú
verið týndur í 49 daga.
Talið er að Haukur hafi fallið í
vopnuðum átökum í Afrin í norðvest-
urhluta Sýrlands sl. febrúar. Engar
nýjar vísbendingar hafa komið fram í
tengslum við hvarfið, en Guðlaugur
Þór Þórðarson utanríkisráðherra
hefur sagt málið
vera í algjörum
forgangi í ráðu-
neytinu.
Þeir sem
standa að fyrr-
greindu bréfi eru
hins vegar ósáttir
við vinnu ráðu-
neytisins. „Eftir
langa og óút-
skýrða bið var
fjölskyldu Hauks nýlega afhentur
einungis lítill hluti gagnanna sem til
eru í ráðuneytinu um þá vinnu. Í
stuttu máli eru þau gögn bæði sam-
hengislaus og innihaldsrýr og skila
hvorki upplýsandi niðurstöðum né
nokkrum vísbendingum um afdrif
Hauks,“ segir í bréfinu. „Af gögnun-
um að dæma, sem og samskiptum
ráðuneytisins við aðstandendur, virð-
ist sem athugun ráðuneytisins hafi
verið gerð með sem minnstri fyrir-
höfn og með það fyrir augum að
styggja ekki tyrknesk yfirvöld.“
Skorar hópurinn á Katrínu Jakobs-
dóttur forsætisráðherra að beita sér,
meðal annars með því að leita frekari
upplýsinga um afdrif Hauks, og að
aðstandendum hans „verði tryggður
fullnægjandi aðgangur að þeim gögn-
um sem varða framgang og niður-
stöður athugunar íslenskra stjórn-
valda á hvarfi hans“.
khj@mbl.is
Aðstandendur Hauks biðja
forsætisráðherra um aðstoð
 Gagnrýna bæði utanríkisráðuneytið og bakland ráðherra
Haukur
Hilmarsson
Nornakrabbi hafði skelskipti í Sæheimum í
Vestmannaeyjum fyrir helgi. Meðan á skel-
skiptum stendur er krabbinn mjög varnar-
laus og er nornakrabbinn, sem einnig er kall-
aður langfótungur, nú í sérbýli eða
einangrun í safninu, en braggast vel.
„Við erum með nokkra nornakrabba hérna
og höfum þá í búri með kolkröbbum og kross-
fiskum. Reynt er að raða saman tegundum
sem gera ekki mikið af því að éta hver aðra.
Við skelskiptin sjá hinir krabbarnir allt í einu
mat í búrinu og víla það ekkert fyrir sér að
ráðast á sinn gamla vin,“ segir Margrét Lilja
Magnúsdóttir, safnstjóri í Sæheimum í Vest-
mannaeyjum.
Hún segir skemmtilegt að fylgjast með
hvernig krabbinn afklæðist gömlu skelinni.
„Þeir klæða sig algjörlega úr og það er eins
og þeir togi fæturna út úr skelinni. Þegar
maður skoðar skelina er hún alveg eins og lif-
andi krabbi nema hvað það vantar augun,“
segir Margrét.
Á heimasíðu Sæheima má lesa eftirfarandi:
„Krabbar eru með harða ytri skel sem ver lík-
ama þeirra. Þegar þeir stækka lenda þeir í
smá vandræðum því að skelin gefur ekkert
eftir. Þá þurfa þeir að losa sig við gömlu skel-
ina og búa til nýja og rýmri skel utan um lík-
amann …
Núna er krabbinn mjúkur viðkomu. Áður
en skel hans harðnar á ný mun hann dæla sjó
inn í líkamann og belgja sig eins mikið út og
hann mögulega getur þannig að nýja skelin
verði eins rúm og mögulegt er og hann geti
vaxið sem mest áður en hann þarf að hafa
skelskipti á ný.“ aij@mbl.is
Skelskipti Nornakrabbinn í sérbýlinu. Krabbinn til hægri, en gamla skelin vinstra megin. Um-
hverfisþættir og vöxtur hafa áhrif á það hversu oft á ævinni krabbadýr hafa skelskipti.
Ljósmynd/Margrét Lilja Magnúsdóttir
Minjagripur Næfurþunn skel af nornakrabba sem safnstjórinn geymir í skáp í safninu.
Víla ekki fyrir sér að ráðast á sinn gamla vin
Nornakrabbi í Sæheimum í Vestmannaeyjum í sérbýli eftir að hafa afklæðst gömlu skelinni
Þorgerður Anna Gunnarsdóttir
thorgerdur@mbl.is
Sannkölluð rokkveisla verður á
Laugardalsvelli þann 24. júlí næst-
komandi, en þar mun ein stærsta
rokkhljómsveit heims, Guns
N’Roses, halda risatónleika.
Guns N’Roses var stofnuð í Los
Angeles árið 1985 og hefur selt yfir
100 milljón plötur á ferlinum. Tón-
leikarnir verða þeir síðustu á
hljómleikaferð sveitarinnar um
Evrópu. Í tilkynningu segir að
óhætt sé að lofa því að um stærstu
tónleika Íslandssögunnar verði að
ræða, en sviðið sjálft verður 65
metra breitt og með risaskjám á
hliðunum.
Um það bil viku mun taka að búa
völlinn undir tónleikana, en til þess
koma 35 gámar til landsins, auk
150 manna teymis.
Friðrik Ólafsson, framkvæmda-
stjóri Secret Solstice, segir orð-
sporið sem fer af framkvæmd
Secret Solstice erlendis hafa gert
skipuleggjendum kleift að ná
samningi um tónleika sveitarinnar
á Íslandi. Ýmislegt hefur gengið á í
sögu hljómsveitarinnar og hafa
tveir aðalmenn hennar, söngvarinn
Axl Rose og gítarleikarinn Slash,
ekki alltaf átt skap saman. Árið
2016 var hins vegar tilkynnt að
Slash hefði gengið aftur til liðs við
hljómsveitina og var hún í kjölfarið
aðalnúmerið á Coachella hátíðinni í
Bandaríkjunum í apríl 2016. Síðan
þá hefur hljómsveitin ferðast um
heiminn og hefur verið uppselt á
alla tónleika á túrnum.
Miðaverð á tónleikana verður frá
18.900 krónum. Miðasala fer fram
á www.show.is og hefst hún klukk-
an 10 þann 1. maí.
Guns N’Roses spilar á Laugardalsvelli
 Rokkhljómsveitin er á leið til landsins og ætlar að halda risatónleika þann 24. júlí  Skipuleggj-
endur Secret Solstice standa að viðburðinum  Stærstu tónleikar sem haldnir hafa verið á Íslandi
Rokkstjörnur Guns N’Roses var stofnuð í Los Angeles árið 1985 og hefur selt yfir 100 milljón plötur á ferlinum.