Morgunblaðið - 24.04.2018, Blaðsíða 16

16 FRÉTTIRViðskipti | Atvinnulíf
MORGUNBLAÐIÐ ÞRIÐJUDAGUR 24. APRÍL 2018
Smiðjuvegi 9 · 200 Kópavogi
Sími 535 4300 · axis.is
Vandaðar íslenskar innréttingar
Skannaðu kóð-
ann til að sjá
gengið eins og
það er núna á
BAKSVIÐ
Þóroddur Bjarnason
tobj@mbl.is
„Ég datt inn í þessi norsku samtök
kvenna í upplýsingatækni, Oda-
Nettverk, þegar ég var búsett í Nor-
egi og var í mastersnámi í alþjóða-
lögum, sem er
eins fjarri upp-
lýsingatækni og
hugsast getur,“
segir Linda B.
Stefánsdóttir,
ráðgjafi í per-
sónuvernd hjá
Crayon Ísland, í
samtali við Morg-
unblaðið. Linda
er jafnframt ný-
kjörinn formaður
VERTOnet,
nýrra hagsmuna-
samtaka kvenna
sem starfa eða
hafa áhuga á að
starfa í upplýs-
ingatæknifyrir-
tækjum á Íslandi.
Út frá norsku
samtökunum
fékk Linda starf í
upplýsingatækni
þar í landi á sínum tíma, og mikinn
stuðning, en hún bjó yfir litlu tengsl-
aneti þegar hún var að taka sín
fyrstu skref í þessari nýju grein.
Eftir að Linda flutti aftur heim til
Íslands vildi hún kanna grundvöll
fyrir stofnun sambærilegra samtaka
hér á Íslandi. Hún segir að við-
brögðin við hugmyndinni hafi komið
á óvart. „Það kom okkur sem stóð-
um að þessu pínulítið á óvart hvað
það var mikil jákvæðni, því það eru
til staðar mörg smærri samtök
kvenna í greininni. Maður spurði sig
auðvitað hvort að ástæða væri til að
stofna ný samtök, en á endanum
töldum við að svo væri, og þá samtök
sem yrðu regnhlífasamtök yfir öll
þessi smærri samtök. Því er heldur
ekki að neita að við spurðum okkur
hvort virkilega væri þörf á því árið
2018 að stofna kvennasamtök,“ segir
Linda.
Hún segir að fljótlega hafi komið
upp sú hugmynd að tengjast Oda-
Nettverk, en þau eru nú systursam-
tök VERTOnet. Þannig er að sögn
Lindu hægt að byggja brú fyrir kon-
ur til að vinna í greininni erlendis, til
dæmis í Noregi eða annars staðar á
Norðurlöndum. „Það hefur ekki ver-
ið mikið um það að konur séu að
sækja í vinnu á þessu sviði á milli
landa, en þessi bransi er samt sem
áður mjög alþjóðlegur. Ef við búum
yfir þessari þekkingu getur hún auð-
veldlega nýst á erlendri grundu.“
Linda segir að ákveðið sé að sam-
tökin muni sýna samfélagslega
ábyrgð með því að koma að starfi
hjálparsamtaka og kenna konum á
forrit eins og Word og Excel. „Það
kunna ekki allar konur á þessi forrit.
Við viljum láta gott af okkur leiða
með þessum hætti, til að auka færni
kvenna á vinnumarkaði. Við viljum
einnig fara inn í skólana og kynna
upplýsingatæknigeirann. Við viljum
sýna fram á hvað geirinn er rosalega
víðfeðmur. Öll fyrirtæki eru í raun
upplýsingatæknitengd, því það
kemst enginn hjá því í dag að nota
upplýsingatæknina,“ segir Linda, og
bætir við að ákveðið hafi verið að
hafa samtökin opin öllum konum,
það sé besta leiðin til að kynna geir-
ann sem flestum.
Hæstu hlutföll kvenna 36%
Inga Steinunn Björgvinsdóttir,
ein af nýkjörnum stjórnarkonum í
VERTOnet og markaðsstjóri Pró-
mennt, segir, spurð hvort einhverjar
tölur liggi fyrir um störf kvenna í
upplýsingatækni hér á landi, að afar
litlar tölulegar upplýsingar séu til.
„Það er einmitt eitt af markmiðum
okkar, að framkvæma slíkar mæl-
ingar. En þó er hægt að segja að þau
fyrirtæki sem eru með hvað hæstu
hlutföll kvenna í starfsmannahópn-
um eru með um 36% konur,“ segir
Inga Steinunn í samtali við Morg-
unblaðið.
Auk Lindu og Ingu skipa þær El-
ín Gränz hjá Opnum Kerfum, Hrafn-
hildur Sif Sverrisdóttir hjá Advania,
Nanna Stefánsdóttir hjá Crayon,
Ragnheiður Hannesdóttir hjá Voda-
fone og Sandra Dögg Pálsdóttir hjá
RB stjórn samtakanna.
Viðbrögðin komu á óvart
Tækni Markmiðið er m.a. að efla hag kvenna í tæknigeiranum og hvetja þær til að taka þátt í fjórðu iðnbyltingunni.
 Ný regnhlífasamtök kvenna í upplýsingatækni stofnuð  Stuðningur við konur í
greininni  Öllum opið  Láta gott af sér leiða og kenna konum á hugbúnað
● Landsvirkjun hefur samið um að
kaupa til baka að fullu skuldabréf sem
er að nafnvirði 50 milljónir evra, jafn-
virði 6,1 milljarðs íslenskra króna.
Skuldabréfið er á gjalddaga 19. mars
2020 og ber 5,6% fasta vexti. Endur-
kaupin eru liður í því að lækka skuldir,
vaxtagjöld og að draga úr gjaldeyris-
áhættu fyrirtækisins, samkvæmt til-
kynningu þaðan. Vegna endurkaupanna
fellur til einskiptiskostnaður upp á 5,6
milljónir evra, jafnvirði 690 milljóna
króna, til hækkunar á vaxtagjöldum á
öðrum fjórðungi þessa árs.
Landsvirkjun kaupir 6,1
milljarðs skuldabréf
24. apríl 2018
Gengi Kaup Sala Mið
Dollari 100.52 101.0 100.76
Sterlingspund 140.28 140.96 140.62
Kanadadalur 78.53 78.99 78.76
Dönsk króna 16.498 16.594 16.546
Norsk króna 12.772 12.848 12.81
Sænsk króna 11.844 11.914 11.879
Svissn. franki 102.99 103.57 103.28
Japanskt jen 0.9285 0.9339 0.9312
SDR 145.34 146.2 145.77
Evra 122.89 123.57 123.23
Meðalgengi/Viðskiptavog þröng 148.6778
Hrávöruverð
Gull 1340.15 ($/únsa)
Ál 2461.0 ($/tonn) LME
Hráolía 73.94 ($/fatið) Brent
Launþegum í ferðaþjónustu fjölgaði
milli febrúarmánaða 2017 og 2018
um 700, eða 3%. Þrátt fyrir fjölgun
hefur dregið verulega úr henni
miðað við fyrri ár. Þetta kemur
fram í nýbirtum tölum Hagstofu
Íslands. Samkvæmt þeim fjölgaði
launþegum í ferðaþjónustu milli
febrúarmánaða 2016 og 2017 um
17% og milli sömu mánaða 2015 og
2016 um 21%.
Mest fjölgaði launþegum í bygg-
ingarstarfsemi og mannvirkjagerð
milli síðastliðins febrúarmánaðar
og sama mánaðar í fyrra eða um
13%. Hins vegar varð töluverður
samdráttur í fjölda launþega í
skapandi greinum. Reyndust þeir
600 færri en í sama mánuði í fyrra,
eða 8.700 talsins, og nam fækkunin
6%.
Launþeg-
um fjölgar
 Í ferðaþjónustu
fjölgar hægar en áður
● Tekjur Marel á fyrsta ársfjórðungi
námu 288 milljónum evra, jafnvirði
35,3 milljarða króna, samanborið við
253 milljónir evra á sama fjórðungi árs-
ins 2017. Nemur vöxturinn um 14%. Þá
reyndist hagnaðurinn á fjórðungnum
28 milljónir evra, jafnvirði 3,4 milljarða,
samanborið við 21 milljón evra á sama
tíma í fyrra. Þá námu pantanir á fyrsta
fjórðungi 329 milljónum evra, jafnvirði
40,4 milljarða króna, samanborið við
293 milljónir evra, jafnvirði 36 milljarða,
á fyrsta fjórðungi 2017. Þá stóð pant-
anabók félagsins í 529 milljónum evra í
lok fyrsta fjórðungs, jafnvirði 65 millj-
arða króna, samanborið við 472 millj-
ónir evra, eða 58 milljarða, í lok sama
fjórðungs í fyrra.
Hagnaður Marel á fyrsta
fjórðungi eykst milli ára
STUTT
VERTOnet ætlar að halda svokallaðan hvatningardag að norskri fyr-
irmynd, einu sinni á ári, sem er þá einskonar uppskeruhátíð. Linda segir
að þar verði þau upplýsingatæknifyrirtæki sem sýna að þau séu að reyna
að breyta kynjahlutföllum og auka vægi kvenna innan greinarinnar, verð-
launuð. „Þar má nefna aukið vægi kvenna í stjórnunarstöðum, að laða að
fleiri konur í fyrirtækið, að gera konur sýnilegri, og styðja við hluti sem
konur eru að gera innan fyrirtækisins. Það geta verið ýmsir ólíkir hlutir
sem sýna fram á að fyrirtæki skari fram úr á þessu sviði.“
Linda segir að inni í myndinni sé að fulltrúar samtakanna íslensku fari
á hvatningardag Oda-Nettverk nú í maí, og muni þar segja frá því helsta
sem áorkast hefur hér á landi.
Oda-Nettverk voru stofnuð árið 2006 og meðlimir eru 11 þúsund.
Halda hvatningardag árlega
FYRIRTÆKI VERÐLAUNUÐ FYRIR AÐ SKARA FRAM ÚR
Inga Steinunn
Björgvinsdóttir
Linda
Stefánsdóttir