Morgunblaðið - 21.06.2018, Qupperneq 30

30
MORGUNBLAÐIÐ FIMMTUDAGUR 21. JÚNÍ 2018
annars vegar og hins vegar í smá-
bænum Puzla, sem er um 350 km
austan við Syktyvkar. Sögunarmylla
Norwood sagar árlega um 100 þús-
und rúmmetra af timbri. Komiles er
fyrst og fremst í skógarhöggi en sag-
ar líka um 25 þús. rúmmetra af
timbri á ári.
Selja mikið til Lettlands
Jón Helgi segir Komiles selja
mikið af við til pappírsframleiðsu.
Salan til Bergs Timber hafi ekki
áhrif á starfsemina í Rússlandi.
„Norwood verður áfram með við-
skiptasamning við Bergs Timber.
Norwood er einn af stærstu birgjum
Byko Lat, sem er nú dótturfélag
Bergs Timber. Norwood selur því
mikið af söguðu timbri til Byko Lat í
Lettlandi. Þá er Norwood einnig að
selja timbur til Ikea í Rússlandi og
allnokkuð af timbri til Aserbaídsjan
og Írans. Stærsti hlutinn fer í járn-
brautarlestum suður til Lettlands.
Timbrið fer sagað suður eftir og er
svo unnið frekar; flokkað, þurrkað,
heflað og gagnvarið, og svo sent á
hina ýmsu markaði frá Lettlandi,“
segir Jón Helgi um framleiðsluna.
Iðnaðurinn var vanþróaður
Syktyvkar er höfuðborg Komi-
fylkis sem er á stærð við Frakkland
og þekur skógur um 87% af flatar-
málinu, mikill meirihluti fura og
greni. Starfsmenn Norwood í Syk-
tyvkar eru nú að vinna upp lager af
sögunarbolum frá síðasta skógar-
höggstímabili. Vegna rigninga í
vetur var aðgengi að skógarhöggs-
svæðinu í Puzla takmarkað. Skógar-
vegir urðu ófærir. Aðgengið er betra
á veturna þegar frost er í jörðu.
Spurður hvers vegna Norvik valdi
að vera með framleiðsluna í Syk-
tyvkar í Rússlandi bendir Jón Helgi
á skógarauð svæðisins.
„Við völdum þessa staðsetningu á
sínum tíma af því hún er nokkuð
austarlega en þó vestan við Úralfjöll.
Syktyvkar er í Komi-fylki í Rúss-
landi, sem er á stærð við Frakkland.
Það er mjög skógríkt en á sínum
tíma, þegar við hófum starfsemina,
var þar ekki mjög þróaður skógar-
iðnaður. Heimamenn voru nettó
útflytjendur sögunarbola. Finnar
voru hins vegar búnir að hasla sér
völl í héruðunum sem eru vestar.
Finnar voru að sækja hráefni á slóð-
um sem liggja þeim nær, á borð við
Karelíu. Við völdum því þessa stað-
setningu og sjáum ekki eftir því. Hér
er mjög skógríkt og reyndar er
svæðið með fallegasta greni sem völ
er á. Ég hugsa að fáir staðir í heim-
inum séu með jafn vel vaxið greni.
Það hefur komið sér mjög vel við
vinnsluna í Lettlandi,“ segir hann.
Um 150 manns starfa við timbur-
vinnsluna hjá Norvik í Syktyvkar.
Fyrirhugað er að beita sjálfvirkni til
að auka framleiðsluna enn frekar.
Fer mikið eftir veðurfari
Jón Helgi segir veðurfarið geta
haft mikil áhrif á starfsemina.
„Syktykvar er nokkuð stór borg,
með á þriðja hundrað þúsund íbúa.
Hún er höfuðborg Komi-fylkis. Þar
búa um 900 þúsund manns. Auðvitað
erum við háð náttúruöflunum. Það
fer mikið eftir veðurfari hvernig
okkur gengur að komast í skógana.
Ef það rignir mikið eigum við bágt
með að komast í skógana. Á vorin
lokast vegirnir alltaf. Þá þurfum við
að vera búin að safna eins miklu hrá-
efni til verksmiðjunnar og kostur er
til að brúa bilið. Svæðið lokast þegar
frost fer úr jörðu. Þá verða skóg-
arvegirnir ófærir. Sama gerist á
haustin. Þá koma tímabil þar sem er
erfitt að fara út í skógana. Það fer
svolítið eftir veðurfari hvað slík
tímabil eru löng. Það var til dæmis
lengi mjög blautt í vor eins og víða
um Evrópu.
Svo er það efnahagsumhverfið.
Rúblan hefur sveiflast upp og niður
og heldur verið að veikjast undanfar-
ið. Á móti hafa orðið innlendar
kostnaðarhækkanir í Rússlandi.
Laun og allur annar kostnaður í
þeirra mynt hefur aukist.“
Beðið eftir nýjum reglum
Jón Helgi segir von á nýjum
reglum um úthlutun skógarréttinda í
Rússlandi í júlí.
„Við erum að bíða eftir þeim til að
geta betur ákveðið okkar framtíð.
Svona er Rússland. Það er oft mikil
óvissa um framtíðina. Umhverfið er
ekki stöðugt. Við getum ekki ákveðið
okkar framtíð almennilega fyrr en
við vitum hvernig við getum tryggt
okkur hráefni til vinnslunnar.
Skógarhöggsréttindin eru hluti af
því. Það er mjög mikilvægt,“ segir
Jón Helgi Guðmundsson.
Selja timbrið um allan heim
 Forstjóri Norvik segir tekjur aukast með hækkandi timburverði  Takmarkað framboð takmarkar
framleiðsluna í rússnesku borginni Syktyvkar  Sameiningin við Bergs Timber er gengin um garð
Morgunblaðið/Baldur
Athafnamaður Jón Helgi Guðmundsson varð sjötugur í fyrra. Hann er með umsvif í mörgum löndum.
Bolirnir flokkaðir Starfsmaður Norwood fylgist með flokkun trjábola.
Breiður Trjábolir þekja at-
hafnasvæði Norwood SM.
Hér er horft af þaki stærstu
byggingarinnar á svæðinu.
VIÐTAL
Baldur Arnarson
baldura@mbl.is
Fjöll af trjábolum bar við himin við
sögunarmyllu Norwood SM í rúss-
nesku borginni Syktyvkar þegar
Morgunblaðið kom þar við í síðustu
viku. Trjábolir runnu eftir færibönd-
um í flokkunar- og sögunarvélar og
urðu að plönkum og sagi. Hluti timb-
ursins fer á Rússlandsmarkað en
bróðurparturinn er fluttur með járn-
brautarlestum á erlenda markaði.
Um tvo tíma tekur að fljúga frá
Moskvu til Syktvykar. Flogið er í
austur í átt til Asíu. Íslenskum gest-
um var boðið að skoða safn um jarð-
fræði svæðisins. Þar er að finna
mikil auðæfi í jörðu. Virðist stór hluti
þeirra vera ósnertur.
Þau tíðindi urðu hjá Norvik hf. um
mánaðamótin að sala félagsins á
flestum dótturfélaga sinna til
sænska félagsins Bergs Timber
gekk í gegn. Nokkur óvissa er um
skógarhöggskvóta félagsins í Rúss-
landi. Eftirspurn hefur aukist meira
en framboð og hefur það leitt til
verðhækkana á timbri undanfarið.
Jón Helgi Guðmundsson, forstjóri
og stjórnarformaður Norvik, segir
öll timburfyrirtækin nema þau rúss-
nesku komin inn í Bergs Timber.
„Með sölunni erum við orðin 65%
hluthafar í Bergs Timber sem er
skráð á sænska hlutabréfamarkaðn-
um. Síðan er ætlun okkar að selja
eitthvað af hlut okkar í Bergs Tim-
ber,“ segir Jón Helgi. Sú sala hafi
ekki verið tímasett.
Félög í nokkrum löndum
Dótturfélögin sem fóru undir
Bergs Timber voru rekin undir
merkjum Norvik hf. í Lettlandi,
Eistlandi og Bretlandi. Félögin í
Lettlandi heita Byko Lat og Vika
Wood. Þá eru tvö félaganna í Eist-
landi, Laesti og fasteignafélagið
EWP. Loks fylgdi með félagið
Continental Wood í Bretlandi með
öllum sínum dótturfélögum.
Rússnesk dótturfélög Norvik
heita Norwood SM og Komiles
business. Þau eru með aðsetur í
borginni Syktyvkar í Komi-fylki
Norvik í Rússlandi