Gerðir kirkjuþings - 01.01.2017, Page 38

38 39
kirkjuráð hafði lýst yfir stuðningi við verkefnið og óskað eftir nákvæmari kostnaðaráætlun.
Áætlunin gerir ráð fyrir að heildarrekstrarkostnaður verði um 1,9 m.kr. á mánuði.
Á (2)69. fundi var lagt fram yfirlit um rekstur samstæðu kirkjunnar fyrir fyrri árshluta 2017.
Það samanstóð af samstæðuyfirliti og rekstraryfirliti fyrir biskupsstofu, sjóði og stofnanir
þjóðkirkjunnar, þ.e. kirkjumálasjóð, Kristnisjóð, Jöfnunarsjóð sókna, Skálholtsstað,
Strandarkirkju og Tónskóla þjóðkirkjunnar. Samkvæmt yfirlitinu var 45,4 m.kr. afgangur
af fjárheimildum eftir fyrri árshluta ársins 2017. Kirkjuráð fól framkvæmdastjóra og
fjármálahópi kirkjuráðs að yfirfara yfirlitið og gera tillögu að breytingum á einstökum
liðum fjárhagsáætlana þar sem ákvarðanir ráðsins eða breyttar forsendur kalla á breytingar.
Tillagan verði lögð fyrir næsta fund kirkjuráðs til afgreiðslu. Þá var lögð fram umsókn um
styrk úr Kristnisjóði vegna ráðstefnu áhugahóps um guðfræðiráðstefnur. Umsóknin hafði
komið fram innan tilskilins frests en hafði ekki hlotið efnislega meðferð vegna misvísandi
upplýsinga. Kirkjuráð samþykkti að veita til verkefnisins 400 þúsund krónum gegn því að
nemendur í starfsþjálfun djákna- og guðfræðinema ásamt hópi starfsfólks biskupsstofu
fengju aðgang að ráðstefnunni. Fjárhagsáætlun Kristnisjóðs verði breytt til samræmis við
samþykktina. Þá var tekinn fyrir samningur um útgáfustyrk vegna ritsins Kirkjur Íslands
og samþykkt að flytja til þessa árs ónýtta fjárheimild frá fyrra ári vegna samningsins að
fjárhæð 1,5 m.kr.
Á (2)70. fundi voru kynntar tillögur fjármálahóps kirkjuráðs um úthlutun styrkja úr
Jöfnunarsjóði sókna, kirkjumálasjóði og Kristnisjóði 2018. Farið var yfir tillögurnar og
kirkjuráð ályktaði að vísa þeim til annarrar umræðu í fjármálahópi og næsta fundar
kirkjuráðs.
Á (2)71. fundi var til umfjöllunar fjárhagsáætlun biskupsstofu. Þá var jafnframt til
umfjöllunar fundargerð fjármálahóps kirkjuráðs ásamt tillögum um fjárhagsáætlanir
Jöfnunarsjóðs sókna, kirkjumálasjóðs, Kristnisjóðs og Tónskóla þjóðkirkjunnar 2018.
Málefni Jöfnunarsjóðs höfðu verið til umfjöllunar á (2)60., (2)62. og (2)65. fundi þar sem
rætt hafði verið um hugmyndir fjármálahópsins um sameiningardeild Jöfnunarsjóðs en
fjármálahópurinn tók í raun að sér verkefni starfshóps þess sem kirkjuþing hafði ályktað
að stofnaður yrði til að ræða aðkomu Jöfnunarsjóðs sókna að sameiningum. Á (2)65. fundi
kirkjuráðs var síðan samþykkt ályktun sú sem fjármálahópurinn hafði gert tillögu um.
Önnur verkefni en þau er varða fjármál og fasteignir
Málefni Skálholts
Málefni Skálholts voru til umfjöllunar með einum eða öðrum hætti á tíu fundum kirkjuráðs
á kirkjuþingsárinu.
Á (2)57. fundi fól kirkjuráð forseta sínum að undirbúa ákvörðun ráðsins um kjördag í
vígslubiskupskosningum og leggja fyrir næsta fund.
Á (2)58. fundi var því frestað og á (2)59. fundi kom fram að í ljósi komandi
framhaldskirkjuþings 25. febrúar hefði starfsreglur um biskupskjör á dagskrá sinni væri
rétt að bíða ákvörðunar kirkjuþings áður en kjördagur væri ákveðinn.