Gerðir kirkjuþings - 01.01.2017, Side 43

43
Kirkjuþing afgreiddi skýrslu kirkjuráðs með eftirfarandi
þingsályktun:
Kirkjuþing 2017 ályktar um mikilvægi þess að bæta stöðu kynningar- og upplýsingamála
þjóðkirkjunnar.
Kirkjuþing ályktar að tímabært sé að auka samstarf og sameiningu sókna, jafnt í þéttbýli
sem dreifýli og tekur undir það að jöfnunarsjóður sókna veiti sóknum sem sameinast
fjárstyrki vegna þess.
Kirkjuþing ályktar að starfshópur um skírnarfræðslu, sbr. áfangaskýrslu á fylgiskjali
með skýrslu kirkjuráðs, sem lögð hefur verið fram á kirkjuþingi til kynningar, haldi
áfram störfum og leggi fyrir næsta kirkjuþing tillögur sínar í samræmi við framangreinda
áfangaskýrslu.
Lagt til að veitt verði í verkefnið ein milljón króna.
Kirkjuþing fagnar framkomnum hugmyndum á kirkjuþingi unga fólksins um vilja þess
til aukinnar þátttöku í almennu kirkjustarfi og stjórnun, jafnframt áhuga og framlag að
láta til sín taka á sviði umhverfismála.
Kirkjuþing ályktar að fundin verði lausn á fjármálum Skálholtsstaðar vegna brýnna
viðhaldsverkefna og uppbyggingar staðarins.
Kirkjuþing ályktar um starf fastanefnda að á milli þeirra ríki jafnara álag og ábyrgð
þannig að ein nefndanna þurfi ekki að vinna óslitið milli þinga. Á meðan eru aðrar nefndir
aldrei kallaðar saman til skoðunar eða undirbúnings mála fyrir kirkjuþing, sbr. mál nr. 4
„Tillaga til þingsályktunar um frumvarp til þjóðkirkjulaga“.