Gerðir kirkjuþings - 01.01.2017, Side 48

48 49
Nefndarálit fjárhagsnefndar
14. nóvember 2017
Fjárhagsnefnd kirkjuþings hefur farið yfir ársreikning þjóðkirkjunnar 06-701 fyrir árið
2016 frá Fjársýslu ríkisins eins og hann er birtur í ríkisreikningi og leggur til að hann
verði samþykktur. Fjárhagsnefnd hefur einnig farið yfir endurskoðaða ársreikninga
Jöfnunarsjóðs sókna og Kristnisjóðs fyrir árið 2016 og leggur til að að þeir verði samþykktir.
Fjárhagsnefnd er kunnugt um að endurskoðun ársreiknings Kirkjumálasjóðs er ekki lokið
og því er ekki unnt að taka afstöðu til hans. Nefndin mun taka hann fyrir þegar hann er
tilbúinn.
Fulltrúi Ríkisendurskoðunar var boðaður á fund nefndarinnar en gat ekki séð sér
fært að verða við því boði. Því var haldinn símafundur með honum og þar kom fram að
endurskoðunarskýrslur væru ekki tilbúnar. Fundur með honum verður haldinn að því
loknu, eða við fyrsta tækifæri.
Fjárhagsnefndin hefur kynnt sér fjárhagsáætlanir Biskupsstofu, Kirkjumálasjóðs,
Jöfnunarsjóðs sókna og Kristnisjóðs fyrir árið 2018.
Nefndarálit fjárhagsnefndar
9. mars 2018
Fjárhagsnefnd kirkjuþings hefur farið yfir ársreikning Kirkjumálasjóðs fyrir árið 2016 og
leggur til að hann verði samþykktur með ályktun á þskj. 66
Nefndin hefur kynnt sér endurskoðunarskýrslur Ríkisendurskoðunar og gengið
úr skugga um að vinna við að bæta úr þeim atriðum sem Ríkisendurskoðun gerir
athugasemdir við er í eðlilegum farvegi.