Gerðir kirkjuþings - 01.01.2017, Side 53

53
11. gr.
■Forseti kirkjuþings kallar þingið saman, stýrir því og ber ábyrgð á starfsemi þess. Hann
undirbýr þinghaldið í samráði við kirkjuráð. Með sama hætti fylgir hann eftir samþykktum
kirkjuþings.
□Forseti kirkjuþings skal birta starfsreglur frá kirkjuþingi innan fjögurra vikna frá samþykkt
þeirra í B-deild Stjórnartíðinda. Hafi ekki verið á annan veg mælt í starfsreglunum öðlast
þær gildi við birtingu.
12. gr.
■Kirkjuþing hefur að jafnaði frumkvæði að frumvörpum til laga um málefni þjóðkirkjunnar
og beinir tilmælum til ráðherra um að þau verði flutt á Alþingi.
□Ráðherra leitar umsagnar og tillagna kirkjuþings um lagafrumvörp um kirkjuleg málefni
er hann hyggst flytja á Alþingi.
V. kafli.
Kirkjuráð.
13. gr.
■Kirkjuráð fer með framkvæmdarvald í þeim málefnum þjóðkirkjunnar sem ekki heyra
undir önnur stjórnvöld kirkjunnar. Kirkjuráð starfar í umboði kirkjuþings og ber ábyrgð
gagnvart því.
□Kirkjuþing setur starfsreglur um skipan kirkjuráðs, kosningu til þess, stöðu og starfshætti
ráðsins.
VI. kafli.
Prestar, prófastar, djáknar, prestastefna o.fl.
14. gr.
■Þjónandi prestur þjóðkirkjunnar er hver sá sem gegnir prestsþjónustu í kirkjunni á
grundvelli köllunar og vígslu og eftir því sem lög og starfsreglur segja til um. Þjónandi
prestar og djáknar lúta tilsjón biskups Íslands. Jafnframt lúta þeir ákvörðunum kirkjulegra
stjórnvalda í kirkjulegum efnum eftir því sem við getur átt.
□Biskup Íslands skipar sóknarpresta og aðra presta til fimm ára í senn, sbr. 23. gr. laga um
rétt indi og skyldur starfs manna ríkisins, nr. 70/1996. Í hverju prestakalli skal vera einn sóknar-
prest ur. Nú er prests setur í presta kalli og er þá sóknar presti skylt að hafa þar lög heimili. Sér-
þjón ustu prestar skulu kallaðir til starfa þar sem almennri prestsþjónustu verður ekki komið við.
□Þegar prestakall eða prestsembætti losnar eða nýtt prestakall er stofnað auglýsir biskup
Íslands embættið með fjögurra vikna umsóknarfresti hið skemmsta.
□Kirkjuþing setur nánari ákvæði í starfsreglur um störf og starfsskyldur sóknarpresta,
annarra presta í söfnuði og héraðspresta. Sama gildir um sérþjónustupresta skv. 2. mgr.
□Prestar í föstu prestsembætti í þjóðkirkjunni fá greiddan skilgreindan rekstrarkostnað
embætta sinna mánaðarlega í samræmi við starfsreglur kirkjuþings þar um.
□Reglur um kjör á sóknarprestum og prestum innan safnaða skal setja í starfsreglur
kirkjuþings þar sem m.a. koma fram hver skilyrði skuli vera ef söfnuður ákveður að fram
fari almennar kosningar um embættið.