Gerðir kirkjuþings - 01.01.2017, Side 59

59
6. mál kirkjuþings 2017
Flutt af kirkjuráði
Starfsreglur
um kirkjutónlist á vegum þjóðkirkjunnar
Stefna þjóðkirkjunnar í kirkjutónlistarmálum
1. gr.
■Á vegum þjóðkirkjunnar skal staðið að kirkjutónlistarmálum með hliðsjón af og í
samræmi við tónlistarstefnu þjóðkirkjunnar sem kirkjuþing samþykkir.
□Meginviðfangsefni kirkjutónlistarstefnu eru söngur og tónlistarflutningur við helgi at-
hafnir kirkjunnar, almenn fræðsla, menntun og símenntun starfsmanna í kirkjutónlist.
Framkvæmd kirkjutónlistarstefnu og umsjón með kirkjutónlistarmálum
2. gr.
■Biskup Íslands ábyrgist framkvæmd tónlistarstefnu Þjóðkirkjunnar í samræmi við
starfsreglur þessar. Biskup skipar söngmálastjóra þjóðkirkjunnar til að framfylgja kirkju-
tónlistarstefnunni og hafa umsjón með framkvæmd hennar. Biskup setur söngmálastjóra
þjóðkirkjunnar erindisbréf.
3. gr.
■Söngmálastjóri þjóðkirkjunnar gerir árlega starfs- og rekstraráætlun í samráði við
Kirkjutónlistarráð og leggur fyrir kirkjuráð til samþykktar. Hann skilar ársskýrslu og ber
ábyrgð á gerð ársreiknings sem lagður er fyrir kirkjuráð.
Menntun
4. gr.
■Framkvæmd og umsjón kirkjutónlistarstefnu skal einkum felast í því að
a) veita organistum, prestum, kórstjórum, kirkjukórum, barnakórum og öðrum sem
að kirkjulegu tónlistarstarfi koma ráðgjöf, fræðslu, aðstoð og stuðning.
b) mennta organista og annað tónlistarfólk til starfa innan kirkjunnar.
c) bjóða upp á símenntun í kirkjutónlist, sálmafræði og lítúrgískum fræðum.
5. gr.
■Kirkjan starfrækir Tónskóla þjóðkirkjunnar sem annast um menntun organista og
kirkju tón listarfræðslu þeirra og annars tónlistarfólks innan kirkjunnar, sbr. 4. grein, liði
b og c. Tónskólinn heyrir undir kirkjuráð. Skólinn starfar eftir námsskrá sem kirkjuráð
samþykkir.
6. gr.
■Kirkjuráð skipar þriggja manna kirkjutónlistarráð sem er stjórn Tónskóla þjóðkirkjunnar
og fagráð í kirkjutónlistarmálum. Það starfar í samráði við verkefnisstjóra kirkjutónlistar.