Gerðir kirkjuþings - 01.01.2017, Qupperneq 72

7372
II. kafli. Málsmeðferð.
Upphaf máls
4. gr.
■Kæra til úrskurðarnefndar þjóðkirkjunnar skal vera undirrituð og málsmeðferð fyrir
nefndinni að jafnaði skrifleg. Í kæru skal koma fram hver sé kærandi, hvert kæruefnið sé,
kröfur kæranda og rök fyrir kæru. Úrskurðarnefndinni er heimilt að ákveða að kæra skuli
borin fram á sérstöku eyðublaði á vefsíðu. Formaður, eftir atvikum varaformaður, stýrir
störfum nefndarinnar við umfjöllun máls. Um málsmeðferðina gilda stjórnsýslulög, nr.
37/1993, eftir því sem við á.
□Nú berst úrskurðarnefndinni kæra og metur nefndin þá annars vegar hvort kæruefnið heyri
und ir hana, sbr. 1. gr. og hins vegar hvort kærandi teljist eiga hagsmuna að gæta, sbr. 2. gr.
□Telji nefndin að aðild máls og kæruefnið uppfylli skilyrði laga þessara tekur hún málið til
meðferðar og tilkynnir öllum hlutaðeigandi þegar í stað um þá ákvörðun sína.
□Telji nefndin að aðild máls eða kæruefnið uppfylli ekki skilyrði laga þessara vísar hún
málinu frá.
Leyfi frá embætti eða starfi
5. gr.
■Varði kærumál meint siðferðis- eða agabrot prests, djákna eða annars starfsmanns
þjóðkirkjunnar skal úrskurðarnefndin, eftir að tekin hefur verið ákvörðun skv. 3. mgr.
4. gr., meta, hvort rétt sé að nefndin leggi til við hlutaðeigandi stjórnvöld þjóðkirkjunnar
að þeim sem kæran beinist gegn verði veitt leyfi frá embætti eða starfi meðan málið er til
meðferðar hjá nefndinni.

Sættir
6. gr.
■Úrskurðarefnd kannar á þessu stigi hvort grundvöllur er til sátta. Telji nefndin sættir
koma til greina eða að nauðsynlegt sé að reyna sættir kveður hún málsaðila, saman eða
hvorn í sínu lagi, á sinn fund.
Frestir
7. gr.
■Takist ekki að ná sáttum og úrskurðarnefnd telur gögn þau sem henni bárust með beiðni
um úrlausn máls ekki fullnægjandi skal hún gefa kæranda kost á að senda frekari gögn
og greinargerð um málið. Kæranda skal veittur frestur til að skila þessum gögnum og
greinargerð og skal sá frestur að jafnaði ekki vera lengri en fjórar vikur. Veita má þó lengri
frest þegar sérstaklega stendur á. Gefa skal gagnaðila kost á að skila gögnum að liðnum
sama fresti.
□Sinni kærandi ekki tilmælum nefndarinnar skv. 1. mgr. innan tilgreinds frests skulu þau
ítrekuð með nýjum fresti sem skal að jafnaði ekki vera lengri en tvær vikur. Ef kærandi
sinnir enn ekki tilmælum nefndarinnar er henni heimilt að synja um úrlausn máls. Synjun
um úrlausn máls skal vera skrifleg og afrit sent gagnaðila.