Jökull - 01.01.2005, Side 176

Magnús T. Guðmundsson
áfangi að þetta tímamótarit í jöklafræði, þar sem settar
voru fram hugmyndir um skrið jökla sem voru langt
á undan sínum samtíma, skuli komið út á alþjóðleg-
um vettvangi. Oddur Sigurðsson og Richie Williams
þýddu ritið yfir á ensku.
STEFNUMÓTUNARNEFND
Nokkuð var unnið að samantekt um stöðu og starfsemi
en þó hefur verkið tafist nokkuð vegna ýmissa óvið-
ráðanlegra aðstæðna. Unnið verður áfram í málinu og
gerir nefndin ráð fyrir að ljúka verki sínu í haust.
LOKAORÐ
Steinunn Jakobsdóttir hefur nú ákveðið að láta af
störfum í stjórninni og gaf ekki kost á sér til endur-
kjörs. Steinunn var kosin í stjórn félagsins 1998 og
hefur gengt starfi ritara, varaformanns og gjaldkera á
því tímabili. Þá hefur hún séð um erlenda áskrift Jök-
uls. Það er mikil eftirsjá að Steinunni úr stjórninni
enda hefur hún unnið þar af dugnaði og heilindum.
Hún ætlar þó að halda umsjón með erlendum áskrift-
um eitthvað áfram og sitja áfram í rannsóknanefnd.
Vil ég þakka henni vel unnin störf.
Á árinu létust tveir heiðursfélagar JÖRFÍ, þeir
Gunnar Guðmundsson og Þórarinn Björnsson. Báðir
voru lykilmenn í félaginu og voru gerðir að heiðurs-
félögum á 30 ára afmæli þess 1980. Gunnar var um
áratugaskeið formaður bílanefndar auk þess sem hann
studdi félagið með því að kosta, þó lágt færi, stóran
hluta viðhalds snjóbíla félagsins um áraraðir. Gunnar
átti við vanheilsu að stríða síðustu árin. Þórarinn var
elsti félagsmaður JÖRFÍ og 95 ára þegar hann lést á
jóladag. Hann var einn af frumkvöðlum ferðalaga um
hálendið og skíðamaður með afbrigðum góður. Þór-
arinn var lengi bakjarl skálabygginga félagsins. Hann
átti og rak Timburverslun Árna Jónssonar um áratugi
og þau kjör sem félagið naut þar réðu baggamuninn
um fjármögnun sumra húsanna.
Hinir látnu heiðursfélagar og sú kynslóð sem þeir
tilheyrðu byggðu upp félagið. Hjá þeirri kynslóð urðu
til þær hefðir og venjur sem okkur eru kærar. En eng-
inn fær stöðvað nið tímans. Mikilvægt er að horfa til
framtíðar og laða ungt fólk til starfa í félaginu, bæði
vísindamenn og áhugafólk. Stjórnin mun leggja sér-
staka áherslu á það verk á næstu misserum.
Magnús Tumi Guðmundsson
176 JÖKULL No. 55, 2005