Jökull - 01.01.2005, Page 179

Vorferð Jöklarannsóknafélags Íslands 2005
Farartæki leiðangursins við Vestari Svíahnúk á leið á Eystri Svíahnúk þann 4. júní. – The 2004 Spring Expedi-
tion by Western Svíahnúkur. Öræfajökull in the distance. Ljósm./Photo. Magnús T. Guðmundsson.
3. GPS landmælingar til að fylgjast með kvikusöfnun
voru gerðar í Grímsvötnum. Var í því skyni stillt upp
tækjum í Jökulheimum, á Hamrinum og Grímsfjalli.
4. Gerðar voru þyngdarmælingar á fastpunktum á
Haldi við Tungnaá, í Jökulheimum og á Grímsfjalli
til að kanna hvort breytingar hafi orðið vegna tilfærslu
massa í iðrum jarðar á Grímsvatnasvæðinu samfara
gosinu í nóvember.
5. Gerðar voru mælingar með bæði kinematískri GPS
og DGPS mælingu til að kortleggja Grímsvatnasvæð-
ið. Einkum voru skoðaðar breytingar eftir gosið 2004.
M.a. var nýi gígurinn mældur nákvæmlega.
6. Sýni voru tekin á gosstöðvunum frá 1998, til að
kanna hvort merki finnist um móbergsmyndun. Vest-
urbarmur gígsins er nú mjög hruninn og horfinn, en sá
eystri hefur haldist vel. Þar eru lítil merki um hita en
meiri vestan megin.
7. Viðamiklar rannsóknir fóru fram á gosstöðvunum
2004. Þær voru kortlagðar nákvæmlega eins og áð-
ur sagði. Einnig var hitastig í gjóskunni mælt á sniði
langsum eftir sigkatlinum. Tekin voru allmörg sýni af
gjósku og gjóskulagasnið til að greina í sundur gos-
fasa. Þá var þykkt gjóskunnar næst gígnum mæld á
mörgum stöðum, einkum í jökulsprungum.
8. Hópur vann að því allan tímann að mæla þykkt og
útbreiðslu gjóskulagsins frá í nóvember 2004. Var í
því skyni farið um jökulinn norður frá Grímsvötnum,
yfir á Bárðarbungu og Dyngjujökul. Náðust sýni og
þykktarmælingar á um 40 mismunandi stöðum.
9. Jökulyfirborðið í Gjálp var kortlagt eins og undan-
farin ár, til að fylgjast með breytingum. Þá voru settar
upp um 50 ísskriðsstikur í sama skyni.
10. Mælingar voru gerðar á ísskriði inn að Skaftár-
kötlum til að kanna hegðun þeirra og samspil ísskriðs
og jökulhlaupa.
11. Gerðar voru GPS-landmælingar á eldri fastmerkj-
um á Pálsfjalli og Kerlingum. Jafnframt var sett upp
nýtt merki á aðgengilegum stað við Kerlingar. Kann-
JÖKULL No. 55, 2005 179