Jökull - 01.01.2016, Síða 102

Bergur Einarsson
Frekari lýsing á sporðinum og aðstæðum fylgdi
einnig:
„Sporðurinn verður sífellt flatari. Hopið mælist
7 m frá 20.9.2014. Örlítill vetrarsnjór var við sporð-
inn og nokkur snjór eftir í fjöllum fyrir norðan. Kalt
sumar og þokugjarnt, þar af 20 þokudagar samfellt í
júlí. Frekar snjóléttur vetur á láglendi á Hornströndum
s.l. vetur en meiri snjór til fjalla. Ragnar Jakobsson
sem var í Reykjarfirði í um þrjár vikur í júlí upplifði
tímabilið sem eitt af þeim verstu og sagði mér að eftir
fyrstu vikuna hefði hann haldið að hitamælirinn í veð-
urstöðinni væri bilaður, fastur í 6◦C. Jökuláin ekki til
vandræða í sumar. Berjaspretta engin enda tíðarfarið í
sumar kalt og sólarlítið. Heitustu dagarnir hafa í raun
verið nú í september.
Við fengum ágætt veður, hlýtt og vel bjart og nán-
ast úrkomulaust. Töluvert vatn var í Reykjafjarðarós
og greinilega nokkuð mikil leysing enn í gangi. Við
komumst á vetrarsnjóinn í 550 m hæð upp af Háls-
bungu. Kaldalónsmegin skíðuðum við í 450 m hæð
við jaðar jökulsins ofan Jökulholta. Skaflinn yfir Ein-
angursá fyrir neðan neðsta klettabeltið niður undir
láglendi í Kaldalóni á gömlu gönguleiðinni var tölu-
vert minni nú en í fyrra.“
Norðurlandsjöklar
Deildardalsjökull – Ekki var hægt að mæla sporðinn
vegna snjóa en samkvæmt skýrslu Skafta Brynjólfs-
sonar bendir þó allt til að jökullinn hafi staðið í stað
eða að breytingar hafi verið mjög litlar síðan 2010
þegar seinast var mælt.
Kaldalónsjökull ásamt vörðu á Votubjargaöldu sunnan Mórillu. Varðan er notuð sem viðmiðunarmerki fyrir
sporðamælingar á jöklinum. Snjó tók ekki upp við jökulsporðinn haustið 2015 enda sumarið kalt. – Kalda-
lónsj̄ökull outlet glacier from the Drangajökull icecap in the autumn of 2015. The cairn in the foreground is
used as a reference point for the measurements of the glacier front. Snow was still present at the glacier snout
at the end of the summer of 2015 due to a cold summer. Ljósm./Photo: Viðar Már Matthíasson, 11. sept, 2015.
102 JÖKULL No. 66, 2016