Breiðfirðingur - 01.04.1996, Qupperneq 67

65
NÁMSFERÐ UM NORÐURLÖND
biskupa og konungborinna. í Vesturási skoðuðum við líka
mikið og merkilegt fornminjasafn. Síðan fórum við á gufu-
skipi (lystibáti) eftir Málaren, fyrst með suðurströndinni og
gistum svo í Lindö, það er stór herragarður. Þar lágum við yfir
100 stúlkur og 6 kennslukonur í stórri hlöðu. Hitt var víst í
húsinu. í hlöðunni var nú heldur fjörugt um kvöldið.
Það er ekki ofsögum sagt að Svíar séu fjörugir.
Daginn eftir héldum við áfram til Strengness. Þar skoðuð-
um við líka fagra og eldgamla dómkirkju sem er um leið leg-
staður margra Svíakonunga. Næst komum við til Gripsholm.
Þar er merkileg og gömul stór höll sem Svíakonungar bjuggu í
hver eftir annan, áður en Stokkhólmur varð höfuðborg og
jafnvel eftir það. Þar bjó Gústaf Vasa og margir fleiri sem of
langt er upp að telja í bréfi. Þar gengum við um öll herbergi
hátt og lágt og settumst jafnvel í þessa konunglegu stóla.
Aldrei hef ég séð slíkt skraut og dýrð fyrr. Dýrindis silkihús-
gögn og speglar og borð sem greipt eru í gull og silfur. Vegg-
imir fóðraðir með fínu silki. Það var svo mikið að sjá þar að
ég get ekki talið það allt upp. Við dvöldum þarna í nokkrar
klukkustundir og héldum svo til eyjar einnar sem heitir
Björnö. Þar hefur postula Norðurlanda verið reistur minnis-
varði. Ansgar prédikaði þar fyrstur kristniboða í Svíþjóð 829.
Þar var höfuðborg Svíþjóðar þá.
Síðan héldum við aftur heim með norðurströnd Málarens,
böðuðum okkur í vatninu og dáðumst að allri þeirri fegurð
sem þar er. Ein eyjan heitir Grönö (Græney). Þar komum við í
land og gengum kringum stóra greifahöll og sungum. Frúin í
höllinni var veik svo að rektor vildi ekki fara inn þó boðið
væri. Garðurinn kringum höllina er hreint það fallegasta sem
ég hefi séð. Trén mynda hátt laufþak og sumstaðar eru svo
sléttar hliðar trjánna og vel hirtar að það er eins og vel hlaðinn
veggur. Og svo blómskrúð á milli.
Á bátnum höfðum við mat og allt sem við þurftum og hann
var svo hraðskreiður að ég er hissa að sjá það á kortinu hvað
langt við höfum farið á svo stuttum tíma. Við komum til
Vesturáss kl. 12 um kvöldið. Bílarnir stóðu tilbúnir við höfn-