Morgunblaðið - 23.11.2018, Síða 32

32 FRÉTTIRInnlent
MORGUNBLAÐIÐ FÖSTUDAGUR 23. NÓVEMBER 2018
VIÐTAL
Höskuldur Daði Magnússon
hdm@mbl.is
„Útkoman er eitt en ferðalagið var
annað,“ segir Valgeir Valgeirsson,
bruggmeistari hjá RVK Brewing
sem blandar sér í jólabjórflóðið í
fyrsta sinn í ár. Þetta unga brugghús
sendir frá sér jólabjórinn Eitthvað
fallegt? sem er léttur ipa-bjór. Er
hann væntanlegur í Vínbúðina öðrum
hvorum megin við helgina.
Valgeir segir í samtali við Morgun-
blaðið að hann og aðrir aðstandendur
brugghússins séu hæstánægðir með
útkomuna en ýmislegt hafi gengið á
við framleiðslu bjórsins.
„Bjórinn er stórskemmtilegur en
það var ekkert auðvelt að brugga
hann. Við notuðum heilt jólatré í
hverja suðu og gommu af mandar-
ínum, sumar með negulnöglum í. Svo
settum við loftkökur, vanilluhringi og
piparkökur út í og lokahnykkurinn
var ein dolla af Macintosh. Þetta eru
ekta íslensk jól þarna sem leika
ákveðið hlutverk í bakgrunninum.“
20 bjórtegundir á hálfu ári
RVK Brewing Co var stofnað á
bjórdaginn í fyrra en framleiðsla
hófst í maí á þessu ári. Brugghúsið er
til húsa í bakhúsi í Skipholti 31 og þar
er einnig rekin bruggstofa þar sem
hægt er að setjast niður og bragða á
því allra ferskasta af tönkum hússins
hverju sinni.
Valgeir segir að RVK Brewing
hafi sent frá sér um 20 bjórtegundir
frá því framleiðsla hófst. Þær eru
seldar í bruggstofunni en margar
hafa ratað í sölu á öðrum börum og
veitingahúsum við góðan orðstír.
„Eitthvað fallegt? verður fyrsta
varan okkar í neytendaumbúðum og
það verður gaman að sjá hver við-
brögðin verða nú þegar fjölbreyttari
hópur getur nálgast bjórinn. Við
stefnum á að setja fleiri tegundir í
sölu í Vínbúðunum í framtíðinni en
það verður væntanlega bundið við
þennan árstíðabundna bjór. Þess á
milli höldum við áfram að gera nýjar
tegundir sem seldar verða á krana. Á
þessum markaði sem við keppum á
þarf alltaf að vera eitthvað nýtt og
spennandi í boði. Hinn almenni bjór-
nörd drekkur sjaldnast sama bjórinn
tvisvar.“
Kynna bjór í Danmörku
Bjór RVK Brewing verður í fyrsta
sinn fáanlegur utan landsteinanna í
næstu viku. Þá ferðast Valgeir og
Sigurður Pétur Snorrason, einn eig-
enda brugghússins, til Kaupmanna-
hafnar og kynna bjórinn Co&Co á
hinum þekkta handverksbar Himme-
riget á þriðjudaginn. Eins og frægt
er orðið notuðu bruggararnir kanil-
snúða frá bakaríinu Brauði & co. við
gerð hans.
„Þetta verður smáviðburður og við
ætlum að taka líka með okkur hinn
jólabjórinn, Ákaflega gaman þá. Við
munum líka nýta ferðina í ýmislegt
annað. Ég ætla að brugga með góð-
um vinum mínum í Flying Couch-
brugghúsinu og svo leggjum við von-
andi grunninn að einhverju öðru fyr-
ir framtíðina.“
Margt breyst á tíu árum
Valgeir gekk til liðs við RVK
Brewing í haust eftir að hafa starfað
um árabil hjá Borg brugghúsi sem
tilheyrir Ölgerðinni. Hann segir það
vissulega viðbrigði að fara þaðan og í
nýtt brugghús á markaði.
„Hér er maður að framleiða mun
minna magn hverju sinni svo það er
auðveldara að gera tilraunir. En ég
hef svosem prófað það áður að vera í
litlu brugghúsi. Ég var í Ölvisholti
þegar það byrjaði.
Aðstæður á markaði í dag eru allt
aðrar en þá; nú er markaður fyrir
ýmsa bjórstíla. Hann var ekki fyrir
hendi árið 2007 þegar við vorum að
byrja í þessu. Og svo kom auðvitað
hrunið líka.“
Tróð heilu jólatré í suðupottinn
 RVK Brewing eitt af nýjum brugghúsum sem blanda sér í jólabjórflóðið  Finna má bragð af ekta
íslenskum jólum í bjórnum  Reka bruggstofu í Skipholti  Gróska í gerð handverksbjóra hér
Sala á jólabjór hófst í Vínbúðunum
fyrir rúmri viku. Úrvalið hefur aldrei
verið meira og áhugasamir geta valið
úr rúmlega sextíu tegundum að
þessu sinni. Salan fór af stað með lát-
um og á fyrsta degi seldist 17,5%
meira í ár en í fyrra. Að minnsta
kosti ein tegund er þegar uppseld,
Jólakisi frá Malbyggi.
En hvaða jólabjór er bestur í ár?
Því miður hefur enginn fjölmiðill
tekið sig til og látið dómnefnd meta
alla bjórana sem í boði eru en í grein
á Vínótek.is er farið yfir um fjörutíu
tegundir.
Sex manns smökkuðu bjórana
blint og gáfu þeim einkunn. Niður-
stöðurnar voru á þá leið að Leppur
frá Brothers Brewery væri bjór árs-
ins í hópi léttari bjóra og að Jólahuml
frá Víkingi bæri af í flokki léttari,
ljósra bjóra.
Hvað „stærri“ og flóknari bjóra
áhrærði var niðurstaðan líka skýr.
Jólakisi og Delirium Christmas
þóttu vera jólabjórarnir í ár.
Sérstök meðmæli voru svo lögð
fyrir þá sem teljast til hóps bjór-
nörda. Þeir ættu að kynna sér Skyr-
jarm frá Borg brugghúsi auk bjór-
anna frá RVK Brewing, Eitthvað
fallegt og Ákaflega gaman þá.
Morgunblaðið/Eggert
Jólabjór Úrvalið fjölbreytt en hvaða bjór er bestur að þessu sinni?
Hverjir eru bestu
jólabjórarnir í ár?
 Úrvalið aldrei verið meira en nú
Valgeir segir að það hafi gefist
vel að reka bruggstofu við hlið
brugghússins í Skipholti. Mörg-
um þyki forvitnilegt að reka inn
nefið og kynna sér þetta fyrir-
bæri, sem er þekkt víða erlendis
og hefur verið að ryðja sér til
rúms á Íslandi.
„Það hefur verið ágætis
streymi af fólki og við erum
smátt og smátt að byggja upp
okkar markað. Ferðamenn hafa
verið stór hluti gesta og margir
þeirra hafa áður flett okkur upp
á netinu og koma gagngert til
að prófa bjórinn. Svo spyrst
þetta smám saman út.“
Bruggstofan er til húsa í
Skipholti 31 og er opin milli 16
og 20 fimm daga vikunnar.
Ferðamenn
áhugasamir
BRUGGSTOFA Í SKIPHOLTI
Morgunblaðið/Kristinn Magnússon
Í bruggstofunni Valgeir Valgeirsson og Sigurður Pétur Snorrason bjóða upp á forvitnilegan bjór í Skipholti.
Jólin Heilt jólatré var notað í hverja suðu við gerð jólabjórsins Eitthvað fal-
legt? sem kemur í sölu í Vínbúðunum öðrum hvorum megin við helgina.
skartgripirogur.is
Black Friday
Allan daginn 23. nóvember
20%
afsláttur
af öllum vörum
*nema tilboðsvörum
Bankastræti 12,
sími 551 4007