Morgunblaðið - 23.11.2018, Blaðsíða 63

Smásímaforrit geta sannarlega létt
manni lífið, þau geta reynst hag-
nýt, en það má líka finna öpp, eða
smásímaforrit sem hafa lítinn eða
engan tilgang, annan en að auka
skemmtanagildi símans. Sumir
hlaða niður smásímaforritum oft í
viku og þótti forvitnilegt að heyra
hvað er nýjasta nýtt í þeim efnum
hjá landanum. Hera Björk Þórhalls-
dóttir var til svara því í aðdrag-
anda jóla heldur hún 19 tónleika
um allt land. Þeim lék því forvitni
á að heyra hvort nýjasta appið hafi
verið skipulags- eða slökunar for-
rit, já eða allt annað.
„Þetta heldur utan um daginn
fyrir mig,“ segir Hera sem nýverið
hlóð niður „Wunderlist“-appinu.
Hún segir vinkonu sína hafa mælt
með þessu appi og því hafi hún
ákveðið að prófa forritið með sam-
starfskonu sinni sem heldur utan
um tónleikaröðina. Þannig geta
þær nú deilt tékklistanum og unnið
í honum samtímis. Notkunin vatt
upp á sig og nú notar hún Wunder-
list einnig sem innkaupalista og
fleira.
Þar síðasta appið, sem söngdívan
hlóð niður, heitir svo „Mood-meter“
en það kortleggur skapferli ein-
staklings, segir Hera Björk sem er
að vinna í Key-Habits prógrammi
og þannig segist hún þurfa að skrá
allar skapsveiflur þessa dagana,
enda gleymast þær eins og annað í
þessu lífi á milli daga.
Síðdegisþáttur Loga og Huldu er
á dagskrá alla virka daga á K100
milli kl. 16 og 18. Morgunblaðið/Valli
Appið Hera Björk Þór-
hallsdóttir fasteignasali og
söngkona er með mörg
járn í eldinum í aðdrag-
anda jólanna enda með
nítján tónleika á dagskrá í
nóvember og desember.
Nýjasta app Heru
Bjarkar er tékklisti
Margir myndu segja að síminn sé þarfasti þjónninn og til þess að nýta hann til
fulls þá geta ólík smásímaforrit, eða öpp, verið hinn mesti stuðningur við eig-
andann. Logi og Hulda, í síðdegisþættinum á K100, ætla í vetur að forvitnast
um nýjustu öppin, enda úrvalið orðið fjölbreytt.
Ný tegund smáforrita hefur skotið
upp kollinum og valdið bæði usla
og áhyggjum meðal Japana. For-
ritin eru þannig uppbyggð að þú
býrð þér til kærustu eða kærasta
eftir þínu höfði. Þannig geta not-
endur ákveðið útlit, skapferli og
aðra eiginleika þess sem þeir vilja
elska í gegnum símann sinn. Kær-
astann eða kærustuna geymir þú
svo í símanum þínum og átt sam-
skipti við hann eða hana þar.
Þáttarstjórnendum Ísland vakn-
ar er fátt óviðkomandi og fengu
Kristínu Tinnu Aradóttur til að
kynna sér málið. „Þar sem ég er
vel giftur hefði það líklega valdið
talsverðum usla á heimilinu ef ég
hefði hlaðið appinu sjálfur niður,“
sagði Jón Axel, dagskrárgerðar-
maður á K100, um ástæðu þess að
Kristín var fengin í verkefnið og
bætti svo við: „Hver hefur ekki
lent í slíku?“
„Ég náði mér í appið, bjó mér til
gervikærasta þarna inni og gaf
honum nafnið Jón Axel,“ sagði
Kristín í viðtali við Ísland vaknar á
dögunum og uppskar mikinn hlát-
ur. Aðspurð sagði hún þó að sér
þætti þetta fyrirkomulag ekki
spennandi hugmynd og því hefði
hún ákveðið að segja Jóni Axeli
upp. „Það fer ekki hjá því að mað-
ur upplifi ákveðna höfnun,“ voru
viðbrögð Jóns við þeirri staðreynd
að nafna hans hefði verið sagt upp
með jafn kaldranalegum hætti.
Eins og áður segir hafa þessi
smáforrit slegið í gegn og eru mý-
mörg dæmi um að japanskir menn
kjósi gervikærsturnar í stað þess
að slá sér upp í raunheimum. Jap-
anir munu hafa af þessu talsverðar
áhyggjur, ekki síst í ljósi þess að
þjóðin er hætt að fjölga sér nóg til
að viðhalda stofninum. „Félagarnir
hittast á kaffihúsum eða börum og
eru með kærusturnar í símanum,“
sagði Kristín Tinna meðal annars
um þetta nýja æði. Nauðsynlegt er
að eiga regluleg samskipti við
kærustuna/kærastann því annars
gæti smáforritið orðið þér frá-
hverft og þá þarf að bregðast við
því, til dæmis með því að fjárfesta
í gerviblómvendi og gefa viðkom-
andi. „Það er ekki einu sinni
ókeypis að eiga gervi-kærustu/
kærasta. Þar fór það,“ sagði Jón
Axel undir lok viðtalsins og and-
varpaði þungt en bætti svo við að
hann þekkti marga sem hefðu ver-
ið til í að nýta slíkt forrit sem
þjálfun áður en þeir stigu sín
fyrstu skref á vandrötuðum vegi
samskipta kynjanna.
islandvaknar@k100.is
Gervikærustur
og gervikærastar
Morgunþáttarteymi K100 vildi fá úr því skorið hvort
gervimaka smásímaforrit væri raunverulega eitt-
hvað sem einhleypum gæti hugnast. Niðurstaðan
var áhugaverð.
Gervi Þú býrð þér til
kærustu eða kærasta
í símanum, geymir
þau og átt við þau
samskipti þar.
Askalind 4 | Kópavogi | Sími 564 1864 | vetrarsol.is
Einstök gæði frá
40 ár
á Íslandi
Sterkir og
notendavænir
sláttutraktorar
Vagnhöfði 7, 110 Reykjavík | Sími: 517 5000 | stalogstansar.is
Ekki bara jeppar
2013
- 2017
DRIFSKÖFT
LAGFÆRUM – SMÍÐUM
JAFNVÆGISSTILLUM
OG SELJUM NÝ
Hjöruliðir og íhlutir í flestar gerðir bifreiða