Morgunblaðið - 06.12.2018, Síða 70

70 MENNING
MORGUNBLAÐIÐ FIMMTUDAGUR 6. DESEMBER 2018
DUXIANA Reykjavik | Ármuli 10 | Reykjavik | +354 5 68 99 50 | www.duxiana.is
DUX PASCAL SYSTEM
Sérsniðna gormakaerfið
Líkamar allra eru einstakir.
Þess vegna býður Pascal de Luxe yfirdýnan upp á sérsniðin
þægindasvæði sem gerir tveimur einstaklingum kleift að velja fullkomnu
stillinguna fyrir axlirnar, neðra bakið og fótleggina þeirra.
Pascal kerfið er í boði fyrir öll DUX rúm, annað hvort
sem fellt inn í rúmið eða sem sérstök yfirdýna.
Valgerður Þ. Jónsdóttir
vjon@mbl.is
Kona í síðum, rauðum kjól með um
áttatíu karla prúðbúna í svart og
hvítt í bakgrunni. Kertaljós í hverj-
um kima. Hallgrímskirkja í allri
sinni dýrð. Hversu jólaleg getur
stemningin orðið mörgum dögum
áður en hátíð ljóss og friðar gengur
í garð? Mögulegt svar væri sú
stund þegar Karlakór Reykjavíkur
hefur upp raust sína og konan í
rauða kjólnum syngur „Ave Maria“,
„Ó helga nótt“ og önnur sígild jóla-
lög í áðurnefndri kirkju. Sú stund
rennur upp á árlegum aðventu-
tónleikum Karlakórs Reykjavíkur
kl. 17 á laugardaginn kemur, 8.
desember. Tónleikarnir verða
endurteknir kl. 17 og 20, sunnudag-
inn 9. desember. Þetta er 25. árið í
röð sem Karlakór Reykjavíkur
heldur sína árlegu aðventutónleika
og var hann fyrstur kóra hér á
landi til að taka upp þá hefð.
Konan í rauða kjólnum er Sigríð-
ur Ósk Kristjánsdóttir mezzósópr-
an, aðalgestur kórsins þetta árið.
Hún hefur sungið fjölmörg óperu-
hlutverk hér heima og erlendis og
fengist við fjölbreyttar efnisskrár í
áranna rás, allt frá lágstemmdum
ljóðasöng til umfangsmikilla óra-
tóría.
Trúarlegir lagatextar
„Ég hef sungið með karlakórum í
ýmsum kirkjuathöfnum, en aldrei
áður á svona stórum tónleikum.
Það er eitthvað alveg sérstakt við
karlakóra, hljómurinn er ein-
staklega flottur. Mér finnst mjög
spennandi og jafnframt mikill heið-
ur að vera boðið að syngja með
eins glæsilegum kór og Karlakór
Reykjavíkur er og hikaði auðvitað
ekki við að þiggja boðið,“ segir Sig-
ríður Ósk og leynir ekki tilhlökkun
sinni. Æfingarnar hafa gengið ljóm-
andi vel og hún kveðst þakklát fyr-
ir að fá tækifæri til að syngja með
svona samstilltum og kröftugum
kór.
Að vanda verður mikið í lagt og
hefur kórinn einnig kallað til fasta-
gesti sína frá fyrri árum sér til full-
tingis. Þau eru organistinn Lenka
Mátéová, trompetleikararnir Eirík-
ur Örn Pálsson og Guðmundur
Hafsteinsson og pákuleikarinn
Eggert Pálsson.
Sigríður Ósk er hæstánægð með
lögin sem hún syngur og þau Frið-
rik S. Kristinsson kórstjóri völdu í
sameiningu. „Ég syng sex lög, þar
af tvö „Ave Maria“, annars vegar
eftir spænska tónskáldið William
Gomez og hins vegar Sigvalda
Kaldalóns. Hin lögin sem ég tek
eru „Nóttin var sú ágæt ein“, „Ó
helga nótt“, „Panis Angelicus“ og
„Heims um ból“ í lokin. Flestir
þekkja þessi lög, sem eru afar gríp-
andi og falleg og gaman að syngja,
“ segir Sigríður Ósk og viðurkennir
að þótt „Ave Maríurnar“ séu marg-
ar fallegar og hún eigi erfitt með
að gera upp á milli þeirra, haldi
hún mest upp á „Ave Mariu“ hans
Gomez. „Annars hrífst ég ekki að-
eins af fögrum tónum og hátíðlegu
umhverfi tónleikanna. Hinn sterki
trúarlegi boðskapur í textum lag-
anna höfðar sterkt til mín og tón-
arnir ýta undir áhrifin.“
Spurð hvort henni finnist áskor-
un að syngja einsöng með eins
stórum kór og Karlakór Reykjavík-
ur segir hún svo ekki vera í sjálfu
sér. Kannski er spurningin líka út í
hött í ljósi þess að hún er enginn
nýgræðingur í að syngja með fjöl-
skrúðugum tónlistarhópum og
standa á sviði fyrir framan fullan
sal af fólki.
Í essinu sínu
Sigríður Ósk er vön að bregða
sér í alls konar hlutverk þegar
söngur og tónlist eru annars vegar.
Á aðventutónleiknum Karlakórs
Reykjavíkur er hún þó einfaldlega í
hlutverki sjálfrar sín, mezzósópran-
söngkonunnar Sigríðar Óskar. „Ég
er mikið jólabarn og nýt mín vel á
þessum árstíma þegar nóg er að
gera í söngnum og ég fæ að upplifa
jólastemninguna með fjögurra ára
dóttur minni. Síðustu tvö árin hef
ég sjálf staðið fyrir jólatónleikunum
Sígild jól. Um liðna helgi söng ég á
jólatónleikum Kristjáns Jóhanns-
sonar í Eldborg í Hörpu, svo það
hefur verið nóg að gera hjá mér,“
segir Sigríður Ósk.
Hún hefur nokkrum sinnum
sungið í Hallgrímskirkju, til dæmis
í óratoríum með Mótettukórnum
undir stjórn Harðar Áskelssonar og
Dómkórnum undir stjórn Kára
Þormars og segir hljómburðinn ein-
staklega góðan. „Tilhlökkunarefni
að syngja þar aftur,“ segir hún.
Stærsta óperuhlutverk Sigríðar
Óskar á Íslandi til þessa er Rosina
í Rakaranum frá Sevilla eftir Ross-
ini í Íslensku óperunni árið 2015.
Eftir jól verður hún í hlutverki
Floru í La traviata eftir Verdi,
einnig í uppfærslu Íslensku óp-
erunnar. Dagskráin framundan er
býsna þétt. „Ég var þó nokkurn
tíma að finna út hvernig hægt er að
lifa á listinni á Íslandi. Hér er ekki
hægt að sækja um fast starf sem
söngvari og því er maður í ýmsum
verkefnum sem bjóðast eða maður
vinnur að sjálfur. Auk þess hef ég
kennt söng við Söngskólann í
Reykjavík frá því í haust og kenni
einnig krökkum á píanó. Að fá að
vinna við að flytja tónlist með frá-
bæru tónlistarfólki er mikil gjöf.
Þegar áheyrendur mæta á tónleika-
stað eða í leikhús og vel tekst til
skapast stundum töfrastundir sem
lifa lengi með flytjanda og áheyr-
endum og gera það þess virði að
vera tónlistarkona,“ segir Sigríður
Ósk. Trúlega verður upplifunin á
aðventutónleikum Karlakórs
Reykjavíkur með þeim hætti.
„Hljómurinn einstaklega flottur“
 Sigríður Ósk Kristjánsdóttir mezzósópran er aðalgesturinn á 25. aðventutónleikum Karlakórs
Reykjavíkur  Þrennir aðventutónleikar kórsins í Hallgrímskirkju um helgina  Sígild jólalög
Morgunblaðið/Kristinn Magnússon
Jólabarn „Ég er mikið jólabarn og nýt mín vel á þessum árstíma þegar nóg er að gera í söngnum,“ segir Sigríður Ósk Kristjánsdóttir mezzósópran.
Eftir nám í óperusöng við Royal
College of Music í London árið
2009 var Sigríður Ósk á svolitlu
flakki, en starfaði aðallega á Eng-
landi. Hún hefur verið búsett á Ís-
landi frá því hún eignaðist dóttur
sína árið 2014. Þar ytra söng hún
m.a. óperuhlutverk með Bresku
þjóðaróperunni og Glyndebourne-
óperunni, kom fram í tónleikasöl-
um eins og Royal Albert Hall og
Cadogan Hall þar sem hún söng
ásamt Dame Emmu Kirkby. Þá
söng hún inn á diskinn Engel
Lund Book of Folk Songs auk
þess sem hún söng í beinni út-
sendingu BBC 3 fyrir hönd Classi-
cal Opera Company.
Margt fleira mætti tína til, enda
er hún er enn á ferð og flugi til að
taka þátt í ýmsum söngverk-
efnum á Englandi, Norðurlöndum
og víðar. „Mér finnst gaman að
búa til verkefni með öðrum og er
meðal annars í barokkhljómsveit-
inni Symphonia Angelica, sem ég
stofnaði ásamt Sigurði Halldórs-
syni sellóleikara. Hljómsveitin tók
nýlega þátt í samnorrænu verk-
efni, Viking Barokk Concerto
Grosso, þar sem komu saman
barokkhljómsveitir frá öllum
Norðurlöndum á stórum tón-
leikum í Osló og Helsinki. Á dag-
skránni hjá okkur var barokk og
íslensk þjóðlög með arabísku
ívafi,“ nefnir Sigríður Ósk sem
dæmi um það sem hún hefur ver-
ið að fást við undanfarið. Arab-
íska ívafið segir hún sprottið af
þeirri hugmynd að þeir sem komu
heim eftir Tyrkjaránið hafi ef til
vill haft hér einhver menningarleg
áhrif.
Á ferð og flugi
FJÖLBREYTT VERKEFNI