Morgunblaðið - 13.12.2018, Page 52

vinna með frábærum innrétt-
ingasmiðum og öðrum iðnaðar-
mönnum sem hjálpa mér að útfæra
nýjar hugmyndir, en hér á landi höf-
um við innanhússarkitektar greiðan
aðgang að frábærum iðnaðarmönn-
um og sérfræðingum hverjum á sínu
sviði. Hér er allt við höndina,“ segir
hún og bætir við:
„Ég hef einnig brennandi áhuga á
litum og litasamsetningum því mér
finnst svo mikið hægt að gera með
því einu. Auðvitað þarf allt að spila
saman, ekki bara litirnir á veggjum
og loftum, heldur einnig gólfefni, inn-
réttingar, húsgögn og fylgihlutir. Ég
veit ekki hversu margar litaprufur ég
er búin að gera með málningu frá
Sérefnum síðustu mánuði. Þær
skipta mörgum tugum! Oft þarf ég að
berjast töluvert fyrir því að koma
„nýjum“ málningarlitum að hjá við-
skiptavinum mínum því þeir vilja oft
fara „örugga“ leið og mála eins og
þegar hefur verið gert. Þetta hefur
gert það að verkum að ég hef málað
heimili mitt og vinnustofu miklu oftar
en ég hefði annars gert bara til að
geta sýnt kúnnunum. Þegar ég byrj-
aði að prófa mig áfram með gráa tóna
fyrir 10 árum þótti það ansi djarft og
það var ekki fyrr en ég var búin að
mála sjálf þannig heima hjá mér að
kúnnarnir fóru að taka við sér,“ segir
hún.
Rut er með vinnustofu heima og
tekur á móti kúnnunum á heimili
sínu. Þeir sem hafa komið heim til
hennar nýlega hafa rekið augun í al-
veg nýjar víddir þegar notkun á
málningu er annars vegar.
„Síðustu tilraunir mínar hafa verið
meira út í tóna eins og rústrauða,
græna og jafnvel karrígulbrúna, sem
mér finnst koma mjög skemmtilega
út. Þá lét ég í sumar mála loftin
heima hjá mér í möttum svörtum lit.
Það eru kannski ekki allir að kaupa
þennan lit í fyrstu en hver veit hvað
gerist á næstu misserum. Ég er að
minnsta kosti ánægð með svörtu loft-
in hjá mér. Þau skapa mikla dýpt og
dramatík og öfugt við það sem ég átti
von á finnst mér þau stækka rýmið
frekar en hitt,“ segir hún.
Persónuleg heimili fallegust
„Ég held að flestir innanhúss-
arkitektar reyni að greina smekk og
þarfir hvers viðskiptavinar í stað
þess að reyna að steypa alla í sama
mót. Ef einhver elskar appelsínugult
eða getur ekki unnið í opnu eldhúsi,
þá tekur maður að sjálfsögðu tillit til
þess og útfærir það á faglegan hátt.
Þetta samstarf er mjög mikilvægt til
þess að heimilin verði sem persónu-
legust og uppfylli þær þarfir sem leit-
að er eftir. Um leið pössum við upp á
að heimilið verði ekki eins og illa
skreytt jólatré eða skál af smartís í
öllum regnbogans litum,“ segir hún.
Ljósmyndir/Gunnar Sverrisson
Fallegt
umhverfi
Rut segir að
það spari fólki
mikla peninga
að ráða sér
innanhúss-
arkitekt. Það
sé nefnilega
dýrt að gera
mistök.
Leikur að litum Rut segir nauðsynlegt að gera tilraunir
á sínu eigin heimili eins og hún hefur gert hér.
Horft inn í stofu Hér sést
hvað það breytir miklu að
mála í dökkum litum.
52
MORGUNBLAÐIÐ FIMMTUDAGUR 13. DESEMBER 2018