Morgunblaðið - 12.01.2019, Blaðsíða 2

2 FRÉTTIRInnlent
MORGUNBLAÐIÐ LAUGARDAGUR 12. JANÚAR 2019
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Hólmfríður Bjarnadóttir, eða Hófý eins
og við flest þekkjum hana, verður á
skrifstofu Bændaferða 14. - 18.
janúar milli kl. 11:00 - 16:00.
Kíktu við í kaffi og fáðu upplýsingar
um ferðir ársins frá einum vinsælasta
fararstjóra Bændaferða.
Hófý, fararstjóri Bændaferða
verður á skrifstofunni 14. - 18. janúar
Bókaðu núna á baendaferdir.is
Sími 570 2790 | bokun@baendaferdir.is | Síðumúla 2, 108 RVK sp
ör
eh
f.
Baldur Arnarson
Gunnlaugur Snær Ólafsson
Reglur um meðferð tölvupósta opin-
berra starfsmanna eru í mótun.
Meðal annars bíður Þjóðskjalasafn
Íslands eftir viðbrögðum mennta-
málaráðuneytisins í þessu efni.
Meðferð tölvupósta hefur verið til
umræðu í tengslum við braggamálið,
eins og rakið er hér til hliðar.
Eyðing tölvupósta getur varðað
við lög um opinber skjalasöfn frá
2014. Samkvæmt 23. grein laganna
skal Þjóðskjalasafn Íslands setja
reglur um hvernig skjalastjórn og
skjalavörslu í stjórnsýslu ríkis og
sveitarfélaga og afhendingarskyldra
aðila skuli hagað. Samkvæmt 47.
grein laganna geta brot á lögunum
varðað allt að þriggja ára fangelsi.
Helgi Bernódusson, skrifstofu-
stjóri Alþingis, segir þingmenn fá af-
rit af tölvupóstum sínum þegar þing-
setu þeirra lýkur. Tölvupóstarnir
séu álitnir eign þingmanna. Alþingi
varðveiti ekki tölvupósta þingmanna
eftir að þeir hverfa af þingi. Póst-
fanginu sé lokað og frumritum póst-
anna eytt.
Hvað varðar starfsmenn Alþingis
sé meginreglan sú að varðveisla
þeirra sé á ábyrgð starfsmannsins
og yfirmanns hans. Starfsmenn eigi
að færa yfir í skjalastjórnunarkerfið
öll tölvupóstssamskipti sem hafi þýð-
ingu við afgreiðslu mála á skrifstof-
unni. Þegar starfsmaður hætti fái
hann afrit af pósthólfi sínu en því sé
yfirleitt lokað innan þriggja mánaða.
Í framhaldi af því sé póstum starfs-
manna eytt nema beðið sé um annað.
Alþingi varðveiti yfirleitt ekki
tölvupósta starfsfólks nema þá sem
fara inn í skjalakerfið.
„Við erum einmitt að vinna að
endurskoðun á þessum reglum um
þessar mundir,“ segir Helgi.
Þarf sérstaka heimild
Eiríkur G. Guðmundsson, þjóð-
skjalavörður, segir tölvupósta opin-
berra starfsmanna vera opinber
gögn. Óheimilt sé að eyða slíkum
póstum nema að fenginni sérstakri
heimild. „Tölvupóstar sem varða mál
sem eru til umfjöllunar, og hafa áhrif
á þau, ættu að vera málsgögn og
varðveitast í skjalavörslukerfunum.
Það er óheimilt að eyða slíkum tölvu-
póstum nema á grundvelli beiðna
sem Þjóðskjalasafn hefur samþykkt.
Við höfum gert tillögur að almennum
reglum um meðferð tölvupósta.
Þ.e.a.s. að þegar tölvupóstar sem
varða afgreiðslu mála eru komnir í
málakerfið geti menn eytt öðrum
póstum eftir ákveðinn tíma.“
Sumt ber ekki að varðveita
Með öðrum póstum á Eiríkur við
ruslpóst og tölvupósta um til dæmis
fundatíma og annað slíkt sem ekki á
heima í málaskrá.
„Slíkir póstar eru geymdir til
væntanlegrar eyðingar í framtíðinni
þegar búið er að setja slíkar reglur. Í
febrúar 2017 sendum við mennta- og
menningarmálaráðuneytinu tillögur
okkar að reglum um tölvupósta. Nú
eru lögin þannig að Þjóðskjalasafn á
að setja reglur um skjalamál og
skjalastjórn. Þetta er ein af þeim
reglum sem við höfum gert tillögu
um til ráðuneytisins um að verði
settar. Ráðuneytið hefur þær enn til
meðferðar. Með reglunum viljum við
skýra hvernig fara skal með tölvu-
pósta og gera stofnunum kleift að
vista pósta sem skipta máli og eyða
þeim póstum sem ekki skipta máli,
án þess að þurfa að sækja um heim-
ild í hvert skipti.“
Eiríkur segir aðspurður það geta
verið matskennt í hvorn flokkinn
tölvupóstarnir eru flokkaðir.
„Það er þó ekki matskenndara en
önnur gögn sem menn nota í málum.
Það þarf alltaf að meta hvort póst-
arnir varða málið. Það getur til
dæmis verið matsatriði hvað telst til
vinnugagna. Slíkt almennt mat á þó
ekki að verða til vandræða við slíka
flokkun,“ segir Eiríkur.
Lilja D. Alfreðsdóttir, mennta- og
menningarmálaráðherra, tók við
fyrirspurn um málið. Svarið var enn í
vinnslu í gærkvöldi.
Reglur um tölvupósta í mótun
 Þjóðskjalasafn Íslands bíður viðbragða menntamálaráðuneytisins  Þingmenn eiga sinn tölvupóst
 Þjóðskjalavörður segir að varðveita beri tölvupósta er varða afgreiðslu mála hjá hinu opinbera
Helgi
Bernódusson
Eiríkur G.
Guðmundsson
„Það er með öllu óheimilt að eyða svona gögnum og þarna var meira að
segja afritunum eytt,“ sagði Eyþór Arnalds, oddviti sjálfstæðismanna í
Reykjavík, um hugsanleg lögbrot vegna meðferðar skjala í svonefndu
braggamáli. Í skýrslu innri endurskoðunar sé fullyrt að lög um meðferð
skjala hafi verið brotin. „Við höfum óskað eftir því að borgarskjalavörður
kæmi inn á fund borgarráðs og kynnti málin,“ sagði Eyþór, en tillögu um
að Svanhildur Bogadóttir, borgarskjalavörður, kæmi á fund borgarráðs
var hafnað á fundi ráðsins.
„Við leggjum áherslu á að borgarskjalasafnið finni út úr því hvernig
stendur á því að skjöl voru ekki til og þeim eytt. Þegar það liggur fyrir þá
verða menn að taka afstöðu til þess hvað er gert,“ svarar Eyþór spurður
hvort vísa beri málinu til sakamálarannsóknar ef grunur er um lögbrot.
Ótímabært sé að ræða það. Áður þurfi að upplýsa málið frekar.
Vilja rannsaka braggapóstana
BORGARSKJALAVÖRÐUR SKOÐI LÖGBROT
Guðni Einarsson
gudni@mbl.is
Samninganefndir iðnaðarmanna og
Samtaka atvinnulífsins (SA) hittast á
viðræðufundi fyrir hádegi í dag og
eftir hádegið munu samninganefndir
Starfsgreinasambandsins (SGS) og
SA halda áfram viðræðum. Síðan
verður samningafundur Landssam-
bands verslunarmanna og SA á
mánudagsmorgun, að sögn Halldórs
Benjamíns Þorbergssonar, fram-
kvæmdastjóra SA. SGS og SA hitt-
ust á samningafundi í gær og tíminn
eftir hádegi fór í „heimavinnuna“ að
sögn Halldórs. Þá er unnið að út-
reikningum. Hann sagði að þessir
vinnufundir væru mikilvægir og ljóst
að þetta yrði ekki fríhelgi hjá þeim
sem eru í kjaraviðræðum.
Eftir að ræða launamálin
Björn Snæbjörnsson, formaður
SGS, sagði að fundurinn með SA í
gær hefði verið ágætur. „Þetta er
búið að vera jákvætt í vikunni en það
er ekki farið að ræða stærstu málin,“
sagði Björn. Hann sagði að menn
hefðu verið að tína út það sem búið
var að ræða í undirhópunum. Þeir
fjalla um einstakar starfsstéttir, t.d.
byggingaverkamenn, hópferðabíl-
stjóra, fiskvinnslufólk og ræstinga-
fólk. Tekist hefur að þoka þeirri
vinnu áfram og eru einhver mál þeg-
ar frágengin, að sögn Björns. Efling
hefur tekið þátt í vinnu undirhóp-
anna um einstakar starfsgreinar.
Björn sagði að staðan gagnvart
framhaldinu yrði metin eftir fundinn
í dag. Hann kvaðst ekki þora að spá
neinu um hvenær kjaraviðræðunum
lyki.
„Við erum bara í þessari vinnu og
þó að það sé jákvæður tónn og annað
þá er svo mikið eftir,“ sagði Björn.
„Við eigum eftir að fara í gegnum
alla umræðuna um launin og það sem
þeim fylgir. Ég á ekki von á að við
klárum þetta í janúar, ég er ekki
bjartsýnn á það þó að þetta gangi
ágætlega. Þetta er svo mikil vinna.“
Innan raða SGS eru 19 stéttar-
félög og í þeim rúmlega 57 þúsund
félagsmenn um allt land. Hvert félag
fer með samningsumboð fyrir sína
félagsmenn en þau hafa oft falið
sameiginlegri samninganefnd SGS
að fara með umboðið. Sem kunnugt
er hafa Efling og Verkalýðsfélag
Akraness afturkallað samningsum-
boð sín frá SGS í þessum viðræðum.
Morgunblaðið/Eggert
Kjaraviðræður Samninganefndir Samtaka atvinnulífsins og Starfsgreinasambandsins héldu viðræðufund í gær.
Samninganefndirnar ætla að hittast aftur eftir hádegið í dag. Vinna undirhópa hefur gengið vel það sem af er.
Mikil vinna er eftir
vegna kjaraviðræðna
 SA hittir iðnaðarmenn og SGS í dag  Jákvæðir fundir
„Menn fundu leiðir til þess að fjár-
magna starfsemi Hafrannsókna-
stofnunar á þann máta að hún stæði
á svipuðum slóðum og hún gerði í
störfum sínum á árinu 2018,“ segir
Kristján Þór Júlíusson, sjávar-
útvegs- og landbúnaðarráðherra.
Í tilkynningu frá Hafrannsókna-
stofnun í gærkvöld kom fram að
dregið hefði verið úr fyrirhuguðum
niðurskurði hjá stofnuninni í kjölfar
stífra fundarhalda sjávarútvegs-
ráðherra með starfsfólki atvinnu-
vega- og nýsköpunarráðuneytis.
„Ég hafði aldrei heyrt á það
minnst fyrr en í fjölmiðlum að menn
væru að ræða það að segja upp tutt-
ugu manns og leggja einu skipi,“
segir Kristján. Hann segir að alltaf
hafi staðið til að finna leiðir til að
bæta úr breytingum sem urðu á fjár-
mögnun Hafrannsóknastofnunar.
Laga þurfi fjármögnun stofnunar-
innar þannig að það sé ekki verið að
fjármagna varanleg verkefni með
tekjustofnum sem fara upp eða nið-
ur milli ára. thor@mbl.is
Minna skorið niður í
hafrannsóknum
 Fundu leiðir til að fjármagna Hafró
Morgunblaðið/Ómar
Hafrannsóknir Stofnunin fylgist
með hafinu og fiskstofnum.