Morgunblaðið - 12.01.2019, Blaðsíða 18

18 FRÉTTIRInnlent
MORGUNBLAÐIÐ LAUGARDAGUR 12. JANÚAR 2019
Mjög rúmgóð og falleg 4ra herbergja íbúð á 3. hæð í nýlegu fjölbýli í
Dalshverfi í Reykjanesbæ. Staðsett í göngufæri frá nýjum gunnskóla.
Stærð 120,7 m2
Verð kr. 34.900.000
Bjarkardalur 33, 260 Reykjanesbæ
Nánari upplýsingar á skrifstofu s. 420 6070 eða eignasala@eignasala.is
Eltak sérhæfir sig í sölu
og þjónustu á vogum
Bjóðum MESTA úrval
á Íslandi af smáum
og stórum vogum
Landsréttur staðfesti sl. miðvikudag
mánaðarlangan nálgunarbannsúr-
skurð Héraðsdóms Reykjavíkur yfir
karlmanni sem er bannað að nálgast
ólögráða stúlku.
Maðurinn og stúlkan, sem bæði
eru í neyslu, hafa verið par og hefur
maðurinn aðstoðað stúlkuna við að
strjúka af heimili sínu. Segir í kæru
lögreglu að maðurinn hafi hlotið dóm
fyrir að aðstoða aðra stúlku við að
strjúka árið 2017.
Það var móðir stúlkunnar sem fór
fram á að lögregla bannaði mann-
inum að hafa samband við stúlkuna.
Leitarbeiðni var send út í þrígang
vegna stúlkunnar í lok síðasta mán-
aðar, en hún hafði þá nýlega lokið
langtímameðferð.
Sækja í hvort annað
Fram kemur í úrskurði héraðs-
dóms að stúlkan og maðurinn sæki í
félagsskap hvort annars og að þeim
verði ekki haldið hvoru frá öðru,
nema manninum verði bannað að
nálgast stúlkuna þar sem hún sé enn
barn að aldri. Telur dómurinn enn
fremur að haldi samskipti þeirra
áfram þá verði meira en smávægi-
legur ami af því bæði fyrir stúlkuna
og foreldra hennar og með því verði
brotið enn frekar gegn friðhelgi
einkalífs þeirra.
Samkvæmt nálgunarbanninu er
manninum bannað að koma á eða í
námunda við heimili stúlkunnar og á
svæði sem afmarkast við 50 metra
radíus umhverfis það. Ennfremur er
honum bannað að veita henni eftir-
för, nálgast hana á almannafæri eða
hafa samband við hana með öðrum
hætti, meðal annars símleiðis og á
samfélagsmiðlum. annaei@mbl.is
Má ekki nálgast
ólögráða stúlku
 Landsréttur staðfesti nálgunarbann
Morgunblaðið/Hanna
Landsréttur Staðfesti úrskurð hér-
aðsdóms um nálgunarbannið.
Úthlutunarnefndir launasjóðs lista-
manna hafa lokið störfum og út-
hlutað samtals 1.600 mán-
aðarlaunum. Um er að ræða
launasjóð hönnuða, myndlist-
armanna, rithöfunda, sviðs-
listafólks, tónlistarflytjenda og tón-
skálda.
Alls bárust 890 umsóknir um
starfslaun frá einstaklingum og
hópum. Umsækjendur voru samtals
1.543. Úthlutun fá 358 listamenn.
Starfslaun listamanna eru 392.498
krónur á mánuði samkvæmt fjár-
lögum 2019. Um verktakagreiðslur
er að ræða.
358 listamenn
fá starfslaun í ár
Helgi Bjarnason
helgi@mbl.is
Markmið endurskoðaðs samnings
um starfsskilyrði sauðfjárræktar-
innar er meðal annars að stuðla að
jafnvægi framboðs og eftirspurnar á
markaði og auka frelsi sauðfjár-
bænda til að nýta önnur tækifæri.
Stefnt er að fækkun sauðfjár með
ýmsum aðgerðum, þó ekki meira en
um 10% sem svarar til 47 þúsund
vetrarfóðraðra kinda.
Aðlögun að markaði
Sauðfjárræktin hefur glímt við
erfið vandamál síðustu árin. Fram-
leiðslan hefur verið mikið umfram
innanlandsmarkað og lágt verð feng-
ist fyrir stóran hluta þess kjöts sem
flutt hefur verið á erlenda markaði. Í
kjölfarið lækkaði verð á kjöti sem
bændur leggja inn í afurðastöðvar.
Unnið verður að fækkun sauðfjár
og aðlögun framleiðslu að innan-
landsmarkaði með ýmsum hætti.
Gerðir verða samningar við bænd-
ur sem áhuga hafa á að draga úr eða
hætta framleiðslu. Bóndinn fær
áfram stuðningsgreiðslur sam-
kvæmt búvörusamningi þótt hann
snúi sér að annarri starfsemi sem
hann gerir út frá býli sínu. Greiðsl-
urnar fær hann í allt að fjögur ár.
Heildarstuðningur er óbreyttur
frá núverandi samningi en breyt-
ingar gerðar á fyrirkomulagi bein-
greiðslna. Markmiðið er að draga úr
vægi greiðslna sem tengdar eru við
framleitt kjötmagn eða gripafjölda
en áhersla lögð á stuðning sem er
síður hvetjandi til offramleiðslu.
Hluti stuðningsgreiðslna verður
notaður til að efla markaðsstarf og
fækka fé. Sett verður á svokölluð
innanlandsvog. Hún felur í sér að
Matvælastofnun áætlar sölu á kinda-
kjöti á ári og munu álagsgreiðslur
vegna gæðastýringar skiptast á
þann hluta heildarframleiðslunnar
sem ætlaður er til innanlandsmark-
aðar.
Oddný Steina Valsdóttir, formað-
ur Landssamtaka sauðfjárbænda,
telur mikilvægt að með sam-
komulaginu komi til ferlar til að tak-
ast á við sveiflur í rekstrarumhverfi
sauðfjárræktarinnar. Þá sé áfram
stefnt að því að jafna stöðu sauð-
fjárbænda, meðal annars með því að
hafa þá bændur í forgangi við ráð-
stöfun kvóta sem lítinn stuðning fá,
og draga úr kostnaði.
Hún telur að aðlögun framleiðsl-
unnar að markaði gerist tiltölulega
fljótt. Segir að nokkur fækkun hafi
nú þegar orðið. Þá séu jákvæð tákn á
lofti í umhverfinu þannig að mark-
miðið nálgist.
Aukið frelsi til athafna
„Samningurinn býður bændum
aukið frelsi til athafna með þeim ráð-
stöfunum sem felast í aðlög-
unarsamningum að breyttum bú-
skaparháttum,“ segir Kristján Þór
Júlíusson landbúnaðarráðherra.
Hann vonast til að aðlögun fram-
leiðslu að markaði bæti hag atvinnu-
greinarinnar. „Það að stilla fram-
leiðsluna og stuðninginn við
innanlandsneyslu ætti að geta skilað
sér í því að þeir bændur sem halda
áfram geti aukið verðmæti fram-
leiðslu sinnar,“ segir Kristján um
leið og hann bendir á að ástandið á
markaði sé betra en það var á síð-
asta ári.
Sauðfjársamningur bænda og rík-
isins gildir til ársins 2026. Gert er
ráð fyrir annarri endurskoðun á
árinu 2023.
Fé fækkað um allt að 10%
Morgunblaðið/Árni Sæberg
Áfangagil Bændur draga fé af Landmannaafrétti í sundur við Áfangagil. Gangi áætlanir eftir verður víða færra fé í
réttum á næstu árum. Gert er ráð fyrir því að bændur geti nýtt önnur tækifæri á jörðum sínum og búið þar áfram.
 Hvati í endurskoðuðum sauðfjársamningi til að laga framleiðslu að markaði
 Sauðfjárbændur geta snúið sér að öðru en haldið greiðslum á aðlögunartíma
Morgunblaðið/Eggert
Undirritun Unnur Brá Konráðsdóttir verkefnisstjóri, Bjarni Benediktsson,
Kristján Þór Júlíusson, Sindri Sigurgeirsson, formaður Bændasamtakanna,
og Oddný Steina Valsdóttir skrifuðu undir samninginn í gær.