Morgunblaðið - 12.01.2019, Blaðsíða 14

14 FRÉTTIRInnlent
MORGUNBLAÐIÐ LAUGARDAGUR 12. JANÚAR 2019
Smiðjuvegur 68, Kópavogi | S. 587 1350 | bifreidaverkstaedi.is
Höfum sérhæft okkur í Toyota viðgerðum síðan 1995
Fljót, örugg og persónuleg þjónusta
Allar almennar bílaviðgerðir
Nýtt
Strefen 16,2 mg/ml munnholsúði, lausn inniheldur flurbiprofen. Strefen er notað sem skammtímameðferð til að draga úr einkennum bráðra hálssærinda hjá fullorðnum.
Einn skammtur (3 úðaskammtar) aftast í hálsinn á 3-6 klst. fresti eftir þörfum, upp að hámarki 5 skammtar á 24 klst. tímabili. Ráðlagt er að nota lyfið að hámarki í þrjá daga.
Lesið vandlega upplýsingar á umbúðum og fylgiseðli fyrir notkun lyfsins. Leitið til læknis eða lyfjafræðings sé þörf á frekari upplýsingum um áhættu og aukaverkanir.
Sjá nánari upplýsingar um lyfið á www.serlyfjaskra.is.
ERT ÞÚ MEÐ
HÁLSBÓLGU?
Bólgueyðandi og
verkjastillandi munnúði
við særindum í hálsi
Sigtryggur Sigtryggsson
sisi@mbl.is
Nú hillir undir langþráðar vegabæt-
ur í Bláskógabyggð því á þessu ári
verður byrjað að leggja bundið slit-
lag á Reykjaveg (355), milli Laug-
arvatnsvegar og Biskupstungna-
brautar.
Bæði heimamenn og sumarhúsa-
eigendur á svæðinu hafa kvartað
undan ástandi vegarins um árabil
enda er þetta í dag malarvegur með
slæmri hæðar- og planlegu og ein-
breiðri brú, að sögn Svans G.
Bjarnasonar, svæðisstjóra Vega-
gerðarinnar á Suðurlandi. Svanur
segir að þessi vegur hafi verið þung-
ur í þjónustu hjá Vegagerðinni.
Tilboð voru opnuð hjá Vegagerð-
inni 8. janúar sl. í breikkun og end-
urgerð Reykjavegar (355) í Blá-
skógabyggð ásamt byggingu nýrrar
20 metra langrar eftirspenntrar brú-
ar yfir Fullsæl. Brúin verður tví-
breið. Lengd kaflans auk tengivega
er 8 kílómetrar. Innifalið í verkinu
er einnig efnisvinnsla í námum,
ræsalögn, girðingarvinna og útlögn
klæðingar. Hún verður tvöföld, alls
68 þúsund fermetrar.
Sex tilboð bárust í vegagerðina.
Borgarvirki ehf. og GT verktakar
ehf., Hafnarfirði áttu lægsta tilboðið,
535,4 milljónir króna sem var 88,5%
af kostnaðaráætlun sem hljóðaði
upp á 605 milljónir króna. Önnur til-
boð voru svohljóðandi: Þjótandi ehf.,
Hellu 575,2 milljónir, Borgarverk
ehf., Borgarnesi 577,7 milljónir, Suð-
urverk hf., Kópavogi 623 milljónir,
Mjölnir, vörubílstjórafélag, Selfossi
679,3 milljónir og Magnús Jónsson
ehf., Selfossi 998,4 milljónir.
Áfanga 1 í verkinu (3,5 km full-
gerður vegur) skal ljúka fyrir 1.
september 2019. Verkinu skal vera
að fullu lokið 1. september 2020.
Vegagerðin er nú að yfirfara til-
boðin og meta bjóðendur. Það skýr-
ist væntanlega í næstu viku við
hvern verður samið, að sögn Svans.
Sveitarstjórn Bláskógabyggðar
hefur í gegnum árin hvatt fjárveit-
ingavaldið til að tryggja fjármagn til
úrbóta á Reykjavegi. Staða þessa
máls gagnvart íbúum Bláskóga-
byggðar sé óviðunandi. „Sveitar-
stjórn Bláskógabyggðar leggur
þunga áherslu á að uppbyggingu á
þessum vegi verði tryggt brautar-
gengi, enda samgönguæð milli
Reykholts og Laugarvatns og auk
þess mikilvægur gagnvart þjónustu
við íbúa, s.s. við skólaakstur, og að
endingu mikilvægur fyrir ferðaþjón-
ustu á svæðinu,“ sagði í ályktun
2015.
Vegagerðin sótti um fram-
kvæmdaleyfi til Bláskógabyggðar
14. febrúar 2017. Leyfið var veitt
enda er framkvæmdin í samræmi við
gildandi aðalskipulag.
Ljósmynd/Vegagerðin
Reykjavegur Erfiður og holóttur vegur en mikið ekinn allan ársins hring. Á þurrrum sumardögum þyrlast rykið.
Bundið slitlag verður
lagt á Reykjaveginn
 Langþráðar vegabætur á slæmum kafla í Bláskógabyggð
Ko
rt
ag
ru
nn
ur
: O
pe
nS
tr
ee
tM
ap
Apavatn
Laugarvatn 355
35
37
Endurgerð Reykjavegar í Bláskógabyggð
Geysir/Gullfoss
Þi
ng
ve
lli
r
Laugarvatn
Fyrirhuguð breikkun og endur-
gerð 8 km kafla Reykjavegar
Ný 20 m löng
brú yfir Fullsæl
Árlegur viðbótarkostnaður ríkis-
sjóðs við almannatryggingakerfið
næmi rúmum 48 milljörðum króna ef
ákveðið yrði að hækka mánaðar-
legar ellilífeyrisgreiðslur um 120.000
kr. Þetta kemur fram í svörum Ás-
mundar Einars Daðasonar félags-
málaráðherra við fyrirspurn Helga
Hrafns Gunnarssonar, þingmanns
Pírata, um kostnað við hækkun elli-
lífeyris.
Helgi Hrafn spurði hver árlegur
viðbótarkostnaður ríkissjóðs við al-
mannatryggingakerfið yrði ef ellilíf-
eyrir væri hækkaður þannig að sam-
tala ellilífeyris og heimilisuppbótar
til ellilífeyrisþega næmi 420.000 kr.
Í dag er ellilífeyrir 239.484 kr. og
heimilisuppbótin 60.516 kr. Í út-
reikningum vegna svars við fyrir-
spurn Helga Hrafns er gert ráð fyrir
að ellilífeyririnn hækki um 120.000
kr. og sé 359.484, en heimilis-
uppbótin haldist óbreytt.
„Viðbótarkostnaður ríkissjóðs við
þessa breytingu er áætlaður 48.459
millj. kr. á ári og er þá ekki gert ráð
fyrir breytingum á frítekjumörkum
eða skerðingarhlutföllum vegna
framangreindra bótaflokka,“ segir í
svari ráðherra.
Tekið er fram í svarinu að í reikn-
ingsdæminu sé einungis um að ræða
kostnaðarauka vegna þeirra ellilíf-
eyrisþega sem þegar hafa sótt um,
eða fá greiddan ellilífeyri hjá Trygg-
ingastofnun ríkisins. Í dag séu hins
vegar um 6.000 einstaklingar, 67 ára
og eldri, sem búsettir eru á Íslandi,
sem ekki hafa sótt um ellilífeyri frá
Tryggingastofnun.
„Reikna má með að hluti þessa
hóps hafi ekki sótt um ellilífeyri
vegna þess að tekjur þeirra séu of
háar til að þeir eigi rétt á ellilífeyri
frá almannatryggingum. Ef fjárhæð
ellilífeyris yrði hækkuð en aðrar
reglur héldust óbreyttar þá leiddi
það til hækkunar þeirra tekna sem
valda því að bótaréttur fellur niður
vegna tekna. Það gæti haft þau áhrif
að einhverjir úr þessum hópi sem
ekki eiga rétt á ellilífeyri núna vegna
tekna mundu öðlast rétt til
greiðslna,“ segir í svarinu og að erf-
itt sé að áætla hversu hár sá viðbót-
arkostnaður yrði. annaei@mbl.is
48 milljarða kostar
að hækka lífeyri
 Félagsmálaráðherra svarar til um
áhrif hækkunar ellilífeyrisgreiðslna
Morgunblaðið/Ómar
Eldri borgarar Í dag er ellilífeyrir
239.484 kr. auk heimilisuppbótar.