Morgunblaðið - 12.01.2019, Blaðsíða 9

FRÉTTIR 9Innlent
MORGUNBLAÐIÐ LAUGARDAGUR 12. JANÚAR 2019
Verðmætasköpun
og þjóðarhagur
Orkumarkaðir í mótun:
Hilton Reykjavík Nordica
Þriðjudagur 15. janúar
kl. 8:30-10:00 (morgunkaffi hefst kl. 8:00).
Verið öll velkomin
Skráning á www.landsvirkjun.is.
Dagskrá
Magnús Árni Skúlason hagfræðingur hjá Reykjavík Economics
og Gunnar Haraldsson hagfræðingur hjá Intellecon kynna nýja
skýrslu; „Orkuauðlindir Íslendinga og hagsæld til framtíðar.“
Skýrslan verður aðgengileg á Landsvirkjun.is.
Valur Ægisson og Dagný Ósk Ragnarsdóttir hjá viðskipta-
greiningu Landsvirkjunar fjalla um raforkuviðskipti
stórnotenda og tækifæri Íslands.
Pallborðsumræður
Magnús Árni Skúlason, Gunnar Haraldsson og
Stefanía G. Halldórsdóttir, framkvæmdastjóri markaðs-
og viðskiptaþróunar hjá Landsvirkjun.
Kristrún Frostadóttir, aðalhagfræðingur Kviku, stýrir pallborði.
Fundarstjóri er Signý Sif Sigurðardóttir, forstöðumaður
fjárstýringar.
Hvernig fást sem mest verðmæti úr
orkuauðlindum Íslands?
Hvar stendur íslenskur raforkumarkaður
í alþjóðlegum samanburði?
Hvernig er viðskiptum með raforku til stórnotenda
háttað og hver eru tækifærin til framtíðar?
Íslenska kalkþörungafélagið hefur
endurnýjað raforkusamning sinn
við Orku náttúrunnar; ON. Nýr
samningur, sem var undirritaður á
dögunum, er til fimm ára í stað
tveggja eins og fyrri samningur og
tók samningurinn gildi 1. janúar.
Eins og áður annast Orkubú Vest-
fjarða dreifingu raforkunnar.
Á ársgrundvelli kaupir Kalkþör-
ungafélagið um 29 gígavattstundir
og er fyrirtækið langstærsti við-
skiptavinur ON á Vestfjörðum.
Að sögn Halldórs Halldórssonar,
forstjóra Íslenska kalkþörunga-
félagsins, dótturfélags Marigot hér
á landi, hefur raforkunotkun í
starfseminni á Bíldudal aukist und-
anfarin misseri samfara aukinni
framleiðslu. „Við lok fyrri samn-
ings, sem rann út um áramótin,
töldum við ekki ástæðu til annars
en að framlengja það með nýjum og
lengri samningi, sem tryggir okkur
alla þá raforku sem við munum
þurfa á að halda á samningstím-
anum, raforku sem er auk þess ein-
göngu vottuð og framleidd með um-
hverfisvænu vatnsafli eða
gufuaflsvirkjunum,“ segir Halldór.
Endurnýja
samning
við ON
 Kalkþörungafé-
lagið kaupir 29 GWh
Bíldudalur Íslenska kalkþörunga-
félagið er við höfnina í bænum.
Mikil uppbygging er fyrirhuguð á
lóðinni Suðurlandsbraut 34 / Ár-
múla 31, sem er í eigu Reita fast-
eignafélags. Gert er ráð fyrir að
lóðin geti rúmað 4-500 íbúðir ásamt
húsnæði fyrir atvinnustarfsemi.
Iðnaðarhúsnæði sem fyrir er við
Ármúla mun víkja fyrir þessari
uppbyggingu, en gert er ráð fyrir
að Orkuhúsið svokallaða muni
standa áfram.
Dagur B. Eggertsson borgar-
stjóri og Guðjón Auðunsson, for-
stjóri Reita, skrifuðu undir vilja-
yfirlýsingu um samstarfið í gær á
þaki Orkuhússins, með yfirsýn yfir
byggingarsvæðið. Greint var frá
áformunum í Morgunblaðinu sl.
fimmtudag.
Í viljayfirlýsingu kemur fram að
deiliskipulag fyrir svæðið verði
endurskoðað í samræmi við aðal-
skipulag Reykjavíkur 2010-2030 og
verða þrjár arkitektastofur fengn-
ar til að vinna hugmyndir að
breyttu skipulagi. Gert er ráð fyrir
að lóðin verði minnkuð við Suður-
landsbraut vegna fyrirhugaðrar
legu borgarlínu. Áform sem voru
kynnt í borgarráði í desember miða
við blandaða byggð og að heildar-
byggingarmagn á lóðinni verði að
lágmarki 45.000 fermetrar, íbúðir
verði 400 til 500 talsins og atvinnu-
húsnæði 5-6.000 fermetrar.
Þegar deiliskipulagshugmynd
liggur fyrir verður uppbyggingin
útfærð nánar og tímasett.
Gert er ráð fyrir að fram-
kvæmdir geti hafist innan tveggja
ára frá því nýtt deiliskipulag hefur
verið samþykkt. athi@mbl.is
500 íbúðir við Orkuhúsið
Morgunblaðið/Eggert
Orkuhúsið Dagur B. Eggertsson og Guðjón Auðunsson, forstjóri Reita.
 Borgin og Reitir sömdu í gær um uppbyggingu svæðisins
Landsréttur hefur staðfest úrskurð
Héraðsdóms Reykjaness um að
karlmaður frá Pakistan sæti far-
banni til 6. febrúar.
Fram kemur í úrskurði héraðs-
dóms að lögreglan telji að rök-
studdur grunur sé um að maðurinn
stundi mansal hér á landi, skipulagt
smygl á fólki til og frá landinu,
skjalabrot, fjársvik og peninga-
þvætti þar sem hann nýti sér nauð-
ung erlendra ríkisborgara í hagn-
aðarskyni með því að útvega fölsuð
skilríki og/eða skilríki annarra og út-
vegi þeim starf með ólögmætum
hætti. „Varnaraðili er erlendur ríkis-
borgari og má ætla að hann muni
reyna að komast úr landi eða leyn-
ast, ellegar koma sér með öðrum
hætti undan málsókn eða fullnustu
refsingar verði honum ekki gert að
sæta farbanni,“ segir í úrskurði
Landsréttar.
Sætir farbanni
vegna gruns
um mansal