Morgunblaðið - 12.01.2019, Blaðsíða 31

UMRÆÐAN 31
MORGUNBLAÐIÐ LAUGARDAGUR 12. JANÚAR 2019
Viðhorf okkar ræður
því hvernig við lítum á
heiminn. Þegar við velj-
um að finnast rigning
leiðinleg upplifum við
slæman dag þegar það
rignir. Sumir sjá alltaf
sólina í gegnum skýin á
meðan aðrir sjá dökku
hliðarnar á þessu eina
skýi á himninum. Flest-
ir eru kannski einhvers
staðar mitt á milli. Hér fyrir neðan
eru þrjár leiðir sem geta gagnast við
að þróa með sér jákvæðara viðhorf:
Hættu að bera þig
saman við aðra
Við höfum mörg tilhneigingu til að
bera okkur saman við aðra. Slíkur fé-
lagslegur samanburður hefur oft þær
afleiðingar að við verðum pirruð eða
of upptekin af okkur sjálfum. Þetta á
sérstaklega við þegar samanburð-
urinn er neikvæður þ.e.a.s. þegar við
berum hæfileika annarra saman við
eigin veikleika eða þegar við berum
glansmynd af lífi annarra á Facebook
saman við hversdaginn hjá okkur
sjálfum. Þessi ójafni samanburður
hefur neikvæð áhrif á sjálfsmyndina
og líðan okkar. Við græðum ekkert á
því að bera okkur saman við aðra á
þáttum sem við eigum sjálf erfitt með
en sem þeir skara fram úr í. Mundu
að enginn er fullkominn
og að það skiptast á
skin og skúrir hjá flest-
um. Verum sátt með
okkar.
Samfagnaðu vel-
gengni annarra
Stundum fyllumst við
öfund þegar einhver
annar nær árangri. Þá
er eins og okkur finnist
afrek viðkomandi
standa í vegi fyrir að við
getum sjálf náð að af-
reka. Öfund hefur neikvæð áhrif á
eigin heilsu, sjálfsvirðingu og ham-
ingju. Hér eru nokkur góð ráð til að
beita næst þegar öfund gerir vart við
sig:
 Veittu því athygli sem viðkom-
andi lagði á sig til að ná árangri. Af-
rek gerast ekki af sjálfu sér, maður
þarf að leggja eitthvað á sig til að af-
reka.
 Minntu þig á að árangur ein-
hvers annars tengist ekki þínum ár-
angri og dregur ekki úr líkum þess að
þú njótir velgengni.
 Finndu fyrir stolti, aðdáun og
hamingju fyrir hönd viðkomandi.
Óskaðu honum/hennar einlæglega til
hamingju. Að samgleðjast öðrum er
frelsandi tilfinning. Þú munt fyllast
innblæstri til að ná árangri sjálf(ur).
Breyttu vanþakklátum
hugsunum
Öll upplifum við vanþakklæti ann-
að slagið. Slíkar hugsanir færa okkur
tækifæri til að þróa með okkur þakk-
látt viðhorf. Taktu eftir því næst þeg-
ar vanþakklæti gerir vart við sig og
skrifaðu hugsunina niður í smáat-
riðum þannig að þú náir kjarna henn-
ar. Snúðu síðan hugsuninni við og
veltu fyrir þér hvað þú getur verið
þakklát(ur) fyrir í staðinn fyrir hvað
þú gætir verið að kvarta yfir. Skrif-
aðu þakklætishugsunina niður einnig.
Ef maki þinn gleymdi t.d. að gera
eitthvað sem þú baðst hann um og
skiptir þig verulegu máli, hugsaðu þá
um hversu þakklát(ur) þú getur verið
að vera í góðu og heilbrigðu sam-
bandi. Þessi æfing afsakar ekki né af-
neitar því sem kom þér í uppnám
heldur virkar sem nokkurs konar
jafnvægisafl gegn vanþakklætinu.
Þakklætið er undirstaða sáttar og
vellíðanar.
Þrjár leiðir að jákvæðara viðhorfi
Eftir Ingrid
Kuhlman
» Viðhorf okkar ræður
því hvernig við lítum
á heiminn. Þegar við
veljum að finnast rign-
ing leiðinleg upplifum
við slæman dag þegar
það rignir.
Ingrid Kuhlman
Höfundur er framkvæmdastjóri
Þekkingarmiðlunar.
ingrid@thekkingarmidlun.is
Vantar þig
ráðleggingar
við sölu eignar
þinnar?
s 893 6001
Kópavogi | Selfossi | s 893 6001 | beggi@fasteignasalan.is
Guðbergur
Guðbergsson
Löggiltur fasteignasali
og leigumiðlari
Vínlandsleið 16
Grafarholti
urdarapotek.is
Sími 577 1770
Opið virka daga kl. 09.00-18.30
og laugardaga kl. 12.00-16.00
VELKOMIN Í
URÐARAPÓTEK
Góð viðbrögð voru við myndagátu
Morgunblaðsins og barst mikill
fjöldi lausna. Rétt lausn er:
„Kuldatíð og klausturblaður settu
svip sinn á aldarafmæli fullveldis.
Framundan eru erfiðar viðræður
vinnumarkaðarins.“ Dregið hefur
verið úr réttum lausnum. Fyrstu
verðlaun, bókina Jöklar eftir
Ragnar Axelsson, hlýtur
Ása Ragnarsdóttir
Bröttugötu 6
101 Reykjavík.
Önnur verðlaun, bókina Flóra
Íslands, hlýtur
Gerður Pálsdóttir
Lækjarási 13
110 Reykjavík
Þriðju verðlaun, Ísland - Allt
sem er, eftir Max Milligan hlýtur
Stefán Smári Jónsson
Borgarhlíð 3a
603 Akureyri
Vinningshafar geta vitjað bók-
anna í móttöku Morgunblaðsins í
Hádegismóum 2 eða hringt í 569-
1100 og fengið þær sendar heim.
Morgunblaðið þakkar góða
þátttöku og óskar vinningshöf-
unum til hamingju.
Lausn jólamyndagátu
„Framlög til vega-
gerðar of lág“. Þetta
eru orð samgöngu-
ráðherra á Facebook-
síðu sinni 30. desem-
ber sl. og eru orð að
sönnu.
Þar kemur fram að
undanfarin ár hafa um
70% af tekjum ríkisins
af umferðinni farið til
vegagerðar og því um
30% af tekjunum farið til velferð-
armála. Því er eðlilegt að bifreiðaeig-
endur spyrji hvort réttlátt sé að þeir
séu skattlagðir sérstaklega umfram
aðra til að fjármagna velferðarkerfið.
Áætlaðar tekjur af umferðinni árið
2019 eru um 49 milljarðar króna, en á
sama tíma er áætlað að 31,3 millj-
arðar fari til vegagerðar á ári að
meðaltali næstu fimm árin. Sam-
kvæmt þessu eru bifreiðaeigendur
skattlagðir sérstaklega umfram aðra
skattgreiðendur sem nemur tæpum
18 milljörðum króna á ári.
Í ljósi þessara staðreynda er eðli-
legt að bifreiðaeigendur séu ekki
sáttir við fyrirhugaða vegtolla sem á
að innheimta aðallega á þremur
helstu vegtengingum höfuðborg-
arinnar, þ.e. á Reykjanesbraut, Vest-
urlandsvegi og Suðurlandsvegi. Ein-
mitt á þessum vegum
hefur undanfarin ár
myndast meirihluti
tekna ríkisins af um-
ferðinni og hafa þær
tekjur verið notaðar til
vegaframkvæmda um
allt land og því ósann-
gjarnt að skattleggja
þessa umferð sér-
staklega til samgöngu-
bóta þessara vegkafla.
Og ef vegtollar koma
til má spyrja hvort þeir
greiði mest sem græða
mest á samgöngubótunum.
Þeir sem keyra daglega í vinnuna
þegar umferðin er ekki þung borga
oftast vegtollinn og hafa lítinn ávinn-
ing af betri vegum.
Og hverjir borga sjaldan vegtoll-
inn og hafa mesta ávinninginn af
betri vegum? Það er helgarumferðin
yfir sumarið og er þar um að ræða fá-
ar ferðir hjá hinum almenna bifreiða-
eiganda miðað við daglega ferð hins
vinnandi manns. Samkvæmt þessu
eru þeir að borga minnst í vegtolla
sem hagnast mest á betri sam-
göngum.
Fyrirhugaðir vegtollar leysa þar
fyrir utan ekki aðalúrlausnarverk-
efnið varðandi gjaldtöku af umferð-
inni núna þegar rafbílavæðingin er í
gangi.
Rafbílar eru nú um 6% af bílaflot-
anum og er áætlað að þeim fjölgi um
ca. 2% á ári. Þessir bílar eru ekki að
greiða fyrir afnot af vegunum og
gengur það ekki til lengdar.
Hér er því mælt með því að breyta
innheimtunni á akstursgjöldum
þannig að greitt verði eftir aksturs-
lengd hvers bíls á ári og eftir þyngd
hans og væru þá öll gjöld nema kol-
efnisgjald tekin út úr lítraverði á
bensíni og díselolíu.
Með því að auka framlög til vega-
gerðar samanber ábendingu sam-
gönguráðherra, t.d. þannig að 80% af
tekjum umferðarinnar fari til vega-
gerðar og með því að hefja innheimtu
akstursgjalda á rafbílum fást auknar
tekjur af umferðinni þannig að ráða-
menn ættu að geta gleymt fyrirhug-
uðum vegtollum en haldið sig við að
hefja átak í bættum vegum á öllu
landinu.
„Framlög til vegagerðar of lág“
Eftir Bjarna
Gunnarsson » Því er eðlilegt að bif-
reiðaeigendur spyrji
hvort réttlátt sé að þeir
séu skattlagðir sér-
staklega umfram aðra
til að fjármagna
velferðarkerfið.
Bjarni Gunnarsson
Höfundur er umferðarverkfræðingur.