Morgunblaðið - 12.01.2019, Blaðsíða 27

27
MORGUNBLAÐIÐ LAUGARDAGUR 12. JANÚAR 2019
Gangbrautarvarsla Vörður fylgist með vegfarendum á gangbraut yfir Hringbraut við Meistaravelli í Reykjavík. Borgaryfirvöld hafa ákveðið að setja upp gangbrautarvörslu fyrir skólabörn við
gangbrautina vegna slysa sem hafa orðið þar. Gæslan hefst við upphaf hvers skóladags og er gert ráð fyrir því að hún standi fram á vor, að því er fram kemur á vef Reykjavíkurborgar.
Eggert
Loksins
þagna radd-
irnar í útvarp-
inu sem skýra
frá því að Vík-
urskarð sé
ófært. Loksins
hætta okkur að
berast fréttir af
því að björg-
unarsveitir hafi
farið á Víkur-
skarð að vetrar-
lagi til að losa bíla og fólk úr
hremmingum í þessari miklu
snjóakistu. Loksins loksins
hafa verið opnuð göng í
gegnum Vaðlaheiðina sem
greiða leið á milli tveggja
stærstu þéttbýlisstaða Norð-
urlands.
Með opnun Vaðlaheiðar-
ganga er stigið stórt skref í
þá átt að stórbæta sam-
göngur hringinn um Ísland.
Hér eftir keyrum við í gegn-
um heiðina. Hvílík breyting –
hvílík bylting í samgöngum
Norðlendinga og um leið
allra Íslendinga.
Hér hefur verið unnið
þarft og gott verk sem hefur
mikla þýðingu fyrir íslenskt
samfélag. Allar vegabætur,
hvar sem er á landinu, eru í
þágu allra Íslendinga og
þjóðinni til heilla.
Allt orkar tvímælis þá
gjört er. Menn lyfta varla
skóflu við vegabætur hér-
lendis öðruvísi en að það sé
gagnrýnt. Vaðlaheiðargöngin
hafa svo sannarlega ekki far-
ið varhluta af því. Það varð
ekki hjá því komist að það
tæki sinn tíma og kostaði
skildinginn að grafa í gegn-
um heiðina. Hins vegar er ég
þess fullviss að gagnrýnis-
raddirnar þagna þegar fólk
upplifir sjálft þessa stórkost-
legu samgöngubót og ég veit
líka að þær erfiðu hindranir
sem varð að yfir-
stíga við verkið
gleymast fljótt.
Samgöngu-
bætur skipta
gríðarmiklu máli
þegar kemur að
því að efla og
styrkja innviði
samfélagsins.
Þær eru grunn-
urinn, upphaf og
endir allar upp-
byggingar.
Vaðlaheiðar-
göngin auka umferðaröryggi,
bæta samstarf sveitarfélaga
á Norðurlandi, stækka og
styrkja okkur sem eitt at-
vinnusvæði og eitt þjón-
ustusvæði (og sannarlega
bæta þau aðgengi Húsvík-
inga að Græna hattinum og
tónleikum Ljótu hálfvitanna
þar).
Við verðum að muna að við
erum ein þjóð í þessu landi.
Við verðum einnig að muna
að við eigum allt undir því að
samtakamáttur okkar er það
afl sem tryggir velferð okkar
og sjálfstæði, varðveitir
menningu okkar og stuðlar
að bjartri framtíð. Með sam-
takamætti okkar getum við
tryggt bættar samgöngur um
allt land með öruggu vega-
kerfi.
Megi gæfan fylgja öllum
vegfarendum sem fara um
Vaðlaheiðargöngin og megi
allar góðar vættir vaka yfir
byggðum Norðurlands. Til
hamingju!
Eftir Ásthildi
Sturludóttur
»Hér hefur verið
unnið þarft og
gott verk sem hefur
mikla þýðingu fyrir
íslenskt samfélag.
Ásthildur
Sturludóttir
Höfundur er bæjarstjóri
á Akureyri.
Til hamingju
Nú þegar nýtt ár er
gengið í garð með öllum
þeim væntingum sem jafn-
an eru í hugum fólks við slík
tímamót er við hæfi að líta
yfir farinn veg á liðnu ári.
Þjóðvegur til Eyja
Á vorþingi lagði ég fram
frumvarp um að skilgreina
betur ferjuleiðir við landið
og að þjónusta við þessar
leiðir yrði lögð að jöfnu við
þjóðvegi landsins. Ég nefndi þær þjóð-
ferjuleiðir í frumvarpi til breytinga á
vegalögum. Í haust lagði ég frumvarpið
aftur fram og nú með tilstyrk fleiri þing-
manna úr Suðurkjördæmi. Þarna var ég
að efna loforð við kjósendur í Eyjum sem
kallað höfðu árum saman eftir bættri
skilgreiningu á ferjuleiðinni til Eyja.
Skýstrókar og aðrar
náttúruhamfarir
Höfundur lagði fram frumvarp um
breytingu á lögum um Náttúruhamfara-
tryggingu Íslands í tilefni af því að í lok
ágúst sl. gengu skýstrókar yfir bæ í
Álftaveri. Nær einsdæmi er hér á landi að
skýstrókar valdi umfangsmiklu tjóni og
hafa þeir hingað til ekki verið skilgreindir
með þeim hamförum sem tryggingin nær
yfir. Hugsanlegt er að þær loftslags-
breytingar sem nú gætir kalli á breyttan
viðbúnað í þessum efnum. Þar mætti til-
taka nýlegar aurskriður sem og skógar-
og gróðurelda, allt hamfarir sem við gæt-
um þurft að takast á við í meira mæli en
áður.
Viðskiptaþvinganir
gagnvart Rússlandi
Í lok árs fékk höfundur svar við fyr-
irspurn til utanríkisráðherra um áhrif,
ástæður og markmið viðskiptaþvingana
gagnvart Rússlandi. Í svari ráðherra
kemur fram að þvingunaraðferðir Vest-
urlanda beinist fyrst og fremst gegn völd-
um einstaklingum, fyrirtækjum þeirra og
fjármunum, en gagnaðgerðir rússneskra
stjórnvalda sem tóku gildi gagnvart Ís-
lendingum í september 2015 felast hins
vegar í eiginlegu innflutningsbanni. Í
svarinu kemur fram að
samdráttur í heildarútflutn-
ingi til Rússlands hafi num-
ið nálægt 90% á árunum
2016-17 samanborið við árin
2012-14. Tjón útflutnings-
fyrirtækja af völdum
bannsins er verulegt og
mest og greinilegust hafa
áhrifin orðið í þeim bæj-
arfélögum á Íslandi þar sem
vinnsla uppsjávartegunda
er burðarás atvinnulífsins.
Greinilegt er að afleiðingar
þvingunaraðgerða Vest-
urlanda gegn Rússlandi
hafa haft mikil áhrif á íslenska útflutn-
ingshagsmuni og mun meiri en flestra
annarra þátttökulanda. Þess vegna er
mikilvægt að þátttaka okkar í þeim verði
endurskoðuð reglulega með það fyrir
augum að verja íslenska hagsmuni.
Sala Íslendinga á uppruna-
ábyrgðum raforku
Í haust lagði ég fram fyrirspurn til iðn-
aðarráðherra um sölu á upprunaábyrgð-
um raforku. Sem kunnugt er hefur verið
sett spurningarmerki við að í orkubók-
haldi Íslendinga virðist vera sem uppruni
orkunotkunar innanlands sé mestmegnis
úr kolum og kjarnorku. Farið var fram á
að upplýst yrði um fjölda þessara
ábyrgða, hverjir væru seljendur og kaup-
endur síðustu sjö árin og hvort og hvern-
ig þessi sala kunni að hafa áhrif á alþjóð-
legar skuldbindingar Íslendinga í
loftslagsmálum. Einnig að ráðherra meti
hvort þessi sala geti haft áhrif á þróun
raforkuverðs hér innanlands og hvort
hann telji þessa sölu þjóna íslenskum
hagsmunum og loks hvort ráðherra ætli
að beita sér fyrir því að breyta þessu fyr-
irkomulagi hvað varðar orkufyrirtæki í
eigu hins opinbera.
Vandi drengja
Höfundur stóð fyrir sérstakri umræðu
á Alþingi um stöðu og vandamál drengja
og ungra karlmanna sem allt of margir
virðast eiga í erfiðri tilvistarkreppu. Birt-
ist þetta í meiri notkun hegðunarlyfja
stráka á grunnskólaaldri, brottfalli pilta
úr framhaldsskólum og óviðunandi sjálfs-
vígstíðni meðal ungra karla. Einnig stór-
fækkun karlmanna í háskólanámi og nú
er svo komið að einungis 30% meist-
aranema úr háskólum eru karlar. Hér
þarf að grafast betur fyrir um ástæður
þess að allt of margir ungir menn og
drengir finna til óyndis í skólakerfinu og
lenda utangarðs þegar skólagöngu lýkur.
Það þarf að ræða málefni drengja með
opinskáum, hugmyndaríkum og lausna-
miðuðum hætti.
Brottrekstur
Síðla í nóvember, eftir að ég hafði lokið
þátttöku minni við aðra umræðu fjárlaga,
sat ég undir orðræðu sem spannst í hópi
samstarfsmanna og ratað hefur í fjöl-
miðla. Ég hef beðist afsökunar á þeim
mistökum að sitja of lengi undir þessum
umræðum.
Einhverjir hafa staldrað við ummæli
mín við þetta tækifæri um hæfileika for-
manns Flokks fólksins til að leiða stjórn-
málaflokk. Örskömmu síðar rak stjórn
flokksins mig við annan mann úr flokkn-
um. Þessa gagnrýni hafði ég, á því ári
sem ég hef verið í flokknum, margítrekað
látið í ljósi beint við formanninn, meðal
annars á vettvangi þingflokksins og í
stjórn flokksins, þar sem ég var kjörinn
með flestum atkvæðum allra stjórn-
armanna á landsfundi flokksins í sept-
ember sl.
Ég tel ekki forsvaranlegt að formaður
stjórnmálaflokks sitji yfir fjárreiðum
hans með því að vera jafnframt prókúru-
hafi og gjaldkeri flokksins. Þá get ég
heldur ekki sætt mig við að opinberu fé sé
varið til launagreiðslna í þágu nánustu
fjölskyldumeðlima stjórnmálaleiðtoga.
Landslög kveða skýrt á um vandaða með-
ferð þeirra fjármuna sem stjórn-
málaflokkar þiggja úr almannasjóðum og
er mikilvægt að eftir þeim sé farið.
Lesendum Morgunblaðsins og lands-
mönnum öllum óska ég árs og friðar.
Eftir Karl Gauta
Hjaltason ȃg tel ekki forsvar-
anlegt að formaður
stjórnmálaflokks sitji yfir
fjárreiðum hans með því að
vera jafnframt prókúruhafi
og gjaldkeri flokksins.
Karl Gauti
Hjaltason
Höfundur er alþingismaður utan flokka.
Erilsamt ár að baki