Dagblaðið Vísir - DV - 21.08.2019, Side 102

FÓKUS 21. ágúst 2019102
YFIRHEYRSLAN
Unnur Magna starfar sem tímarita-
ljósmyndari hjá Birtíngi ásamt því að
mynda brúðkaup og aðra viðburði
fyrir fólk og fyrirtæki. Við fengum
Unni í yfirheyrslu helgarinnar.
Hvar líður þér best?
Á flandri með myndavélina mína, helst einhvers staðar sem ég hef
ekki verið áður, og enga skipulagða dagskrá. Ef ég þarf að
núllstilla orkuna mína þá fer ég og hlusta á sjóinn eða kíki í
jógatíma.
Hvað óttastu mest?
Innilokun í litlu rými.
Hvert er þitt mesta afrek?
Að sjálfsögðu börnin mín tvö, en ætli það sé ekki líka
að stíga út úr þægindarammanum og elta drauminn.
Ég hætti sem þjónustustjóri í flutningabransanum
eftir langa viðveru þar, settist aftur á skólabekk
og lauk ljósmyndanámi með prýði. Núna vinn ég
við það sem mér finnst skemmtilegast að gera og
kynnist í leiðinni alls konar frábæru fólki.
Furðulegasta starf sem þú hefur
tekið að þér?
Ég vann einu sinni við það að rafvæða
verðbréf hjá Lánasýslu ríkisins, ætli það
sé ekki með því skrítnasta sem ég hef
starfað. Það var hins vegar mjög
tímabundið enda lítið andrými til
að vera skapandi í því starfi.
Hver væri titillinn á
ævisögu þinni?
„Andvökunætur“ eða „Stúlkan
með þriðja augað“.
Hvernig væri bjórinn
Unnur?
Dulrænn, ævintýralegur
galdrabjór, eftirminnilegur
við fyrsta sopa. Kryddaður og
bragðmikill en líka svalandi
með sætu eftirbragði. Hann
væri í túrkísblárri flösku og
það væri listaverk eftir Flóka á
miðanum.
Besta ráð sem þú hefur
fengið?
Ætli það sé ekki það að lifa lífinu fordóma-
laus og koma fram við fólk sem verður á
vegi mínum af vinsemd og virðingu, því
það er svo mikilvægt að öll samskipti skilji
eftir sig eitthvað gott. Já, og líka ráðið frá
pabba um að borga alltaf alla reikninga
strax.
Hvert er leiðinlegasta
húsverkið?
Ohh, ég er svo þakklát henni Josephine
Cochrane fyrir að hafa fundið upp
uppþvottavélina árið 1858 og Miele
fyrir að hafa síðar gert uppfinninguna
mótordrifna. En skúringar finnst mér
samt leiðinlegri en að vaska upp og ég
á mjög erfitt með að hreinsa niðurföll.
Besta bíómynd allra tíma?
Shawshank Redemption.
Hvaða hæfileika myndir þú vilja búa yfir?
Þegar ég var unglingur þá dreymdi mig oft framhalds-
draum þar sem ég gat flogið. Það var alveg ótrúlega
skemmtilegt, svo ég væri alveg til í að geta það
því þá gæti ég ferðast meira án þess að þurfa að
pæla í kostnaði.
Hver er mesta áhætta sem þú
hefur tekið?
Ég tók ágætis áhættu um síðustu áramót
þegar ég skellti mér ein í sex vikna ferðalag
um Kambódíu og Mjanmar með lítinn farangur
og arkaði ótroðnar slóðir burt frá almenn-
um túrisma með myndavélar dinglandi á
mjöðmunum.
Hvaða frasi eða orð fer
mest í taugarnar á þér?
Ég bara læt ekki svoleiðis
smámuni fara í taugarnar
á mér. Ég er líka gædd
þeim eiginleika að heyra
bara það sem mig langar
að heyra og sía burt það
sem mig langar ekki að
heyra.
Hvaða getur þú
sjaldnast staðist
eða ert góð í að
réttlæta að
veita þér?
Nýtt húðflúr, flotta
hálsklúta, og gott
sjampó.
Hvað er á
döfinni hjá þér?
Sumar brúðkaupin eiga
hug minn allan þessa dagana
ásamt tímaritaljósmyndun,
en ég vona að ég komist í eins
og eina útilegu í ágústlok
með góðum vinkonum og
börnunum okkar áður en
haustbrúðkaupin taka við
og skólarnir byrja. Reyndar
þarf ég líka að dytta að
húsinu mínu og svo er ég að
gæla við þá hugmynd að taka
mótorhjólapróf sem verður
vonandi að veruleika einhvern
tímann og hver veit nema ég
skelli mér í ljósmyndaferð með
jógaívafi með góðri vinkonu til
Gvatemala áður en langt um
líður. n
Unnur
Magna
Þ
að var aldeilis nóg um
barnatengd tíðindi í vik-
unni sem leið og greini-
legt að frjósemi Íslendinga
er í hámarki um þessar mundir.
Jóhanna Margrét Gísladóttir, dag-
skrárstjóri Stöðvar 2, tilkynnti á
Facebook að hún ætti von á sínu
öðru barni með eiginmannin-
um, Ólafi Sigurgeirssyni. Fyrra
barn þeirra, drengur, fæddist árið
2016. Þá eiga Frosti Jón Runólfs-
son, handritshöfundur og kvik-
myndaleikstjóri, og Hrafnhild-
ur Hólmgeirsdóttir stílisti von á
barni í lok árs. Enn fremur eiga
dansarahjónin Hanna Rún Bazev
Óladóttir og Nikita Bazev von á
sínu öðru barni. Fyrir eiga þau
soninn Vladimir, sem er nýorðinn
fimm ára, en nú er von á stelpu.
Einnig var eitthvað um
útungun því leikkonan Svandís
Dóra Einarsdóttir og skáldið Sig-
tryggur Magnason eignuðust sitt
fyrsta barn saman, dreng, fyrir
stuttu. Sigtryggur lýsti fæðingunni
á Facebook með tilþrifum og sagði
hana hafa minnt mest á ameríska
bíómynd. Önnur áhugaverð
fæðingartilkynning kom frá ofur-
hjónunum Ingileif Friðriksdóttur
og Maríu Rut Kristinsdóttur sem
eignuðust dreng í síðustu viku.
Þær eiga fyrir einn son, Þorgeir,
sem María átti úr fyrra sambandi,
en með fæðingartilkynningunni
fylgdi falleg fæðingarsaga. n
DV óskar öllum innilega til
hamingju með barnalánið.
Barnavikan mikla
Hanna Rún og Nikita.
Sigtryggur og Svandís Dóra.
Ingileif og María
ásamt syninum
Þorgeiri.
Mynd:Hanna
Afgreiðum HÁDEGISMAT Í BÖKKUM
alla daga ársins til fyrirtækja og stofnana
GÆÐA BAKKAMATUR
Mismunandi réttir
ALLA DAGA VIKUNNAR
Hólshraun 3, 220 Hafnarfjörður / S 555 18 10 og 565 1810 / veislulist@veislulist.is / veislulist.is
HRINGDU OG PANTAÐU Í SÍMA 555 1810