Morgunblaðið - 08.05.2019, Side 33

ÍÞRÓTTIR 33
MORGUNBLAÐIÐ MIÐVIKUDAGUR 8. MAÍ 2019
Opið virka daga 10.00-18.15, laugardaga 11.00-14.00 | Gnoðarvogi 44, 104 Reykjavík | Sími 588 8686
Gómsætir og girnilegir réttir
í fiskborði beint í ofninn
Glæný stórlúða
Glæný smálúða
Stór humar
Túnfiskur
Klausturbleikja
Humarsúpa
Ég hef horft á nokkrar upp-
tökur af því þegar Heimi Óla
Heimissyni, leikmanni Hauka, og
Eyjamanninum Kára Kristjáni
Kristjánssyni laust saman í ann-
arri viðureign liðanna í undan-
úrslitum Íslandsmótsins í hand-
knattleik í síðustu viku.
Hreint út sagt er mér ómögu-
legt að greina hvað olli því að þeir
féllu í gólfið með braki og brest-
um. Ekki veit ég hvort þeir skipt-
ust á orðum áður eður ei. Eitt er
víst að eitthvað gekk á. Greinilegt
er þó að ekki stóðu þeir eins og
fermingardrengir fyrir framan
altari þegar þeir féllu um koll.
Ef marka má eina af þessum
ófullkomnu upptökum virðist
annar dómari leiksins hafa ágætt
sjónarhorn á atvikið. Þar með
hlýtur hans andartaks upplifun
hafa ráðið miklu um hvað fór í
skýrsluna til aganefndar HSÍ.
Ekki var hægt að notast við Var-
sjána þar sem sjónvarps-
upptakan var ófullkomin. Dóm-
ararnir gátu þar af leiðandi ekki
litið á upptöku af atvikinu í al-
mennilegum gæðum frá fleiri en
einu sjónarhorni væru þeir í vafa.
Nefndin úrskurðaði Kára
Kristján í þriggja leikja leikbann
eins og vart hefur farið framhjá
handknattleiksáhugamönnum.
Þriggja leikja bann í úrslitakeppni
á að vera neyðarúrræði sem
þurfa að fylgja mjög sterk rök
sem tekin eru samkvæmt nýjustu
upplýsingum á þeim tíma sem
ákvörðun er tekin. Mönnum ber
einnig að fara mildilega með vald
sitt.
Þessi úrskurður hefur
skyggt á síðustu daga í úr-
slitakeppninni. Bæði lið telja sig
vera fórnarlömbin í málinu. Von-
andi verður þessu þvargi ýtt til
hliðar og íþróttin fær að njóta sín
í Vestmannaeyjum í kvöld þegar
ÍBV og Haukar mætast fjórða
sinni.
BAKVÖRÐUR
Ívar Benediktsson
iben@mbl.is
HANDBOLTI
Ívar Benediktsson
iben@mbl.is
Taugaspennan sem ríkir í rimmu
Hauka og ÍBV nær væntanlega
ákveðnu hámarki í kvöld þegar lið
félaganna leiða saman hesta sína í
fjórða sinn í undanúrslitum Íslands-
móts karla í handknattleik í íþrótta-
miðstöðinni í Vestmannaeyjum.
Flautað verður til leiks klukkan
18.30. Mikið hefur gengið á síðan í
annarri viðureign liðanna í Eyjum í
síðustu viku þar sem ofhitnaði í kol-
unum með þeim afleiðingum að fjór-
ir leikmenn fengu rautt spjald. Víst
er að úrskurður aganefndar HSÍ
síðasta laugardag hefur dregið dilk
á eftir sér og síst orðið til að bera
klæði á vopnin í vopnaskaki leik-
manna og stuðningsmanna þeirra.
Kári Kristján Kristjánsson, leik-
maður ÍBV, tekur út annan leik af
þremur í leikbanni í kvöld eftir nið-
urstöðu aganefndar HSÍ um við-
skipti hans og Heimis Óla Heim-
issonar á síðustu sekúndum leiksins.
Úrskurður aganefndar lagðist afar
illa í Vestmannaeyinga og stuðn-
ingsmenn ÍBV-liðsins svo ekki sé
dýpra í árinni tekið. Ljóst er hins-
vegar að honum verður ekki breytt.
Högg á efri hluta hálsins
Á þessum vettvangi á mánudag-
inn var sagt að e.t.v. hefði Heimir
Óli hlotið heilahristing við bræðra-
byltu þeirra félaga. Sú var sem bet-
ur fer ekki raunin eins og skýrt kom
fram í tölvupósti sem barst frá
sjúkraþjálfara Hauka-liðsins Elísi
Þór Rafnssyni. Þar segir m.a., með
leyfi Elísar: „Hið sanna er að Heim-
ir fékk mikið högg á efri hluta háls-
ins (sem er mikill hausverkjavaldur)
og olli það honum miklum einkenn-
um upp í höfuð. Á föstudagsmorgni
var hann ekki með nein einkenni
heilahristings en mikla verki og
hreyfiskerðingu upp í hálsi og hægri
hluta höfuðs/kjálka. Um framvind-
una nenni ég ekki að rita hér, en það
var ekki ljóst fyrr en í upphitun að
hann væri laus við einkennin.“
Eyjamenn verða að bíta í súra
eplið og einbeita sér að leiknum í
kvöld og beina kröftum sínum að
honum. Vonandi bera leikmenn
beggja liða gæfu til þess. Adam
Haukur Baumruk kemur einnig til
liðs við samherja sína í Hauka-liðinu
eftir að hafa tekið út leikbann í við-
ureign liðanna í Hafnarfirði á
sunnudaginn eins og Róbert. Darri
Aronsson, Haukamaður, tekur að
þessu sinni út seinna leikbann sitt af
tveimur sem hann hlaut í kjölfar
hitaleiksins í Vestmannaeyjum á
fimmtudagskvöldið.
Ljóst er að vopn Haukaliðsins
verða beittari með endurkomu
Adams Hauks. Hann skoraði 18
mörk í tveimur fyrstu leikjum lið-
anna. Auk þess að leika stórt hlut-
verk í sókninni þá styrkir Adam öfl-
uga vörn Hauka til viðbótar sem
hann er með betri leikmönnum liðs-
ins við að „bera upp“ boltann í
seinni bylgju og hraðaupphlaupum.
Styrkir verulega vörnina
Sannarlega eykur það einnig á
breiddina í hópnum hjá ÍBV að fá
Róbert inn aftur. Fyrst og síðast er
Róbert sterkur varnarmaður. Með
Róbert innanborðs tekst liðinu
væntanlega betur að loka þeim leið-
um sem Haukar nýttu sér mjög vel í
fyrri hluta síðari hálfleiks í þriðju
viðureign liðanna á sunnudaginn. Á
þeim kafla treystu Haukar forskot
sitt sem varð til þess að þeir gerðu
út um leikinn með vinningi.
Eins og fyrri daginn skiptir
markvarslan einnig miklu máli. Í
þeim þætti leiksins standa Haukar
ívið betur að vígi eftir þrjá leiki.
Markverðir Hauka eru með 37,1%
hlutfallsmarkvörslu en kollegar
þeirra hjá ÍBV eru með 34,2%. Í
jöfnum leikjum skiptir hvert varið
skot máli.
Tapi ÍBV leiknum í kvöld er liðið
komið í sumarleyfi. Tapi Haukar
viðureigninni kemur til oddaleiks
um réttinn til þess að mæta Selfossi
í úrslitaleikjum. Oddaleikurinn færi
þá fram á heimavelli Hauka á laug-
ardaginn.
Verður framhald á stíma-
braki og vopnaskaki?
 Róbert og Adam mæta til leiks á ný  Sigur fleytir Haukum í úrslitin
Ljósmynd/Sigfús Gunnar
Í banni Það hefur verið hart tekist á í einvígi ÍBV og Hauka og deilt um leikbann Kára Kristjáns Kristjánssonar.
Fyrir aðeins tveimur árum hafði ís-
lenskur kylfingur aldrei leikið á
risamóti í golfi. Sumarið 2017 varð
Ólafía Þórunn Kristinsdóttir hins
vegar fyrst til þess þegar hún
komst inn á PGA-meistaramótið í
fyrsta sinn. Ólafía tryggði sér í
fyrrinótt sæti á sínu sjöunda risa-
móti á ferlinum, en auk hennar
hafa Valdís Þóra Jónsdóttir og Har-
aldur Franklín Magnús nú spilað á
risamóti í golfi, ein Íslendinga.
Sjöunda risamót Ólafíu verður
US Open sem fram fer í Charleston
í Suður-Karólínufylki á austur-
strönd Bandaríkjanna, 30. maí til 2.
júní. Þetta verður í annað sinn sem
Ólafía keppir á US Open en fyrir
ári síðan var hún í harðri baráttu
um að komast í gegnum nið-
urskurðinn og endaði aðeins einu
höggi fyrir neðan niðurskurðarlín-
una eftir fyrri tvo keppnisdagana.
Ólafía náði ekki inn á ANA In-
spiration, fyrsta risamót þessa árs
nú í apríl. Hún komst hins vegar inn
á US Open með því að vinna úrtöku-
mót í Kaliforníu þar sem hún lék
hringina tvo á samtals -5 höggum,
höggi betur en næsti kylfingur. Að-
eins eitt sæti var í boði:
„Ég fór inn í mótið með þvílíkt
góða tilfinningu. Á lokasprettinum
vissi ég að ég yrði nálægt takmark-
inu en ég náði að einbeita mér mjög
vel að því sem ég var að gera. Missti
mig ekki í að hugsa um niðurstöð-
una. Ég var mjög róleg og með
sjálfstraust. Ég púttaði ótrúlega vel
og var með mörg vipp og einpútt til
að bjarga pari,“ sagði Ólafía við
mbl.is í gær. Hún hefur keppt á öll-
um fimm risamótunum sem leikið
er á í golfi kvenna, tvisvar á PGA-
meistaramótinu. sindris@mbl.is
Ólafía komst inn á
sitt sjöunda risamót
Ljósmynd/@olafiakri
Hamingja Ólafía Þórunn glaðbeitt
eftir að hafa náð sæti á US Open.