Morgunblaðið - 29.06.2019, Blaðsíða 16

16 FRÉTTIRInnlent
MORGUNBLAÐIÐ LAUGARDAGUR 29. JÚNÍ 2019
Líney Sigurðardóttir
Kópasker
Sólstöðuhátíð var haldin um síðustu
helgi á Kópaskeri og var fjölbreytt
dagskrá á svæðinu af því tilefni, m.a.
vígsla fuglaskýla, tónleikar, listsýn-
ing, dansleikur auk fleiri viðburða.
Skammt frá Kópaskeri stendur
Bragginn Yst sem er stúdíó og sýn-
ingaraðstaða listakonunnar Yst Ing-
unnar St. Svavarsdóttur, málaður á
listrænan hátt í glaðlegum litum og
setur svip á umhverfið.
Í Bragganum Yst fagnaði hópur
listakvenna sólstöðunum á listrænan
hátt en þar var Traust samsýning
Súpunnar. Í Súpunni sitja listakon-
urnar Björg Eiríksdóttir, Edda Þór-
ey Kristfinnsdóttir, Jóna Bergdal
Jakobsdóttir, Unnur Óttarsdóttir og
Yst.
Traust mennskunni mikilvægt
Sýningin var í björtu rými Bragg-
ans Yst og samanstóð af myndlist og
innsetningum, gagnvirkum sem sýn-
ingargestir tóku virkan þátt í með
mikilli ánægju og lifðu sig inn í verk-
in. Hughrif sem sýningargestir upp-
lifðu á sýningunni voru jákvæðni, los-
un neikvæðra tilfinninga, mikilvægi
trausts, gleði og hreinleiki svo sýn-
ingargestir kvöddu Braggann Yst og
gestgjafa þar léttir í lund.
Sýningin Traust er sjöunda sam-
sýning listakvennanna fimm í Súp-
unni, sem fyrst var löguð árið 2003 og
hefur verið haldið heitri síðan, segja
listakonurnar sem allar voru á sínum
tíma í Myndlistaskólanum á Ak-
ureyri.
Bragginn í Núpasveit er af amer-
ískri gerð og var byggður árið 1964
sem útigöngufjárhús og hlaða og
gegndi því hlutverki til aldamóta-
ársins 2000 þegar endurbygging hans
hófst fyrir nýja hlutverkið. Hann hef-
ur staðist jarðskjálfta að styrkleika
6,2 eða meira og fé átti þar góða vist á
sínum tíma. Í dag er í Bragganum all-
stórt sýningarrými auk vinnustofu og
annarra vistarvera fyrir fjölskylduna
en listakonan Yst dvelur þar löngum
stundum við listsköpun.
Kríur tóku á móti gestum
Algengustu viðfangsefni hennar
eru mannlegar tilfinningar í öllum
sínum fjölbreytileika. Verkin eru oft
abstrakt og í tengslum við náttúruna,
bæði innan dyra sem og útilistaverk
auk innsetninga en Yst hefur haldið
allmargar sýningar, bæði sam- og
einkasýningar og hefur hlotið menn-
ingarstyrki.
Þegar sýningargesti bar að Bragg-
anum Yst tóku herskáar og aðgangs-
harðar kríur á móti þeim enda ung-
arnir rétt skriðnir úr eggjunum.
Útilistaverkið Flug eftir Yst sem
stendur rétt við Braggann er því í
góðum tengslum við náttúruna og
hefur kríuherinn eflaust orðið lista-
konunni innblástur að því verki.
Útilistaverkið Dans eftir Yst vekur
einnig athygli en það ber hátt við án-
ingarstað við Presthólalón hjá þjóð-
veginum skammt frá Kópaskeri og er
þar staðarprýði.
Morgunblaðið/Líney Sigurðardóttir
Brugðið á leik Útilistaverkið Dans eftir Yst vekur einnig athygli en það ber hátt við áningarstað við Presthólalón.
Traust samsýning Súp-
unnar í Bragganum Yst
 Sólstöðuhátíð á Kópaskeri  Listakonur sitja í Súpunni
Listakona Yst, Ingunn St. Svavarsdóttir, fyrir framan sín verk sín.
Helgi Bjarnason
helgi@mbl.is
Vatnajökulsþjóðgarður hefur gert
samning við fjögur ferðafélög um að
nýta aðstöðu í skálum félaganna
innan þjóðgarðsins og um sameig-
inleg verkefni. Jafnframt var skrif-
að undir viljayfirlýsingu um sam-
starf til lengri tíma.
Framkvæmdastjóri Ferðafélags Ís-
lands fagnar góðri samvinnu við
þjóðgarðinn.
Samningarnir eru við Ferðafélag
Íslands sem á og rekur skála í
Nýjadal, Ferðafélag Akureyrar sem
á skálann Dreka í Drekagili og Þor-
steinsskála í Herðubreiðarlindum
og Ferðafélag Fljótsdalshéraðs og
Ferðafélag Húsavíkur sem reka
saman Sigurðarskála í Kverk-
fjöllum.
Horft lengra fram í tímann
„Við erum mjög ánægð með
samninginn og viljayfirlýsinguna
sem koma samskiptunum í fastara
form og gera okkur kleift að horfa
lengra fram á veginn. Við fögnum
samstarfi við þjóðgarðinn sem okk-
ur þykir öllum vænt um,“ segir Páll
Guðmundsson, framkvæmdastjóri
Ferðafélags Íslands.
Í samningunum felst að ferða-
félögin leigja Vatnajökulsþjóðgarði
aðstöðu í skálunum. Samstarf er um
landvörslu og öryggismál, fræðslu
og leiðsögn, samstarf um viðhald,
merkingu og skráningu upplýsinga
um gönguleiðir og um skráningu ör-
nefna og útgáfu korta.
Páll segir að kveðið sé á um
reglulega stöðufundi og upplýs-
ingagjöf. Telur hann að sam-
komulagið skapi aukið traust, sam-
vinnu og góðan anda á svæðunum
og styrki þá innviði sem þar eru.
Betri rekstrargrundvöllur
Samstarfið treystir rekstrar-
grundvöll skála ferðafélaganna en
rekstur skála á afskekktum stöðum
er almennt þungur. Segir Páll að
aðstæður skapist til að byggja upp
til framtíðar. Þannig muni Ferða-
félagið ráðast í framkvæmdir í
Nýjadal en þar varð tjón á skála
sem þarf að lagfæra.
Þjóðgarður semur við ferðafélög
 Betri grundvöllur skapast til rekst-
urs skálanna í Vatnajökulsþjóðgarði
Morgunblaðið/Sigurður Bogi
Nýidalur Skáli Ferðafélags Íslands á Sprengisandi er einn þeirra skála sem
samningurinn við Vatnajökulsþjóðgarð tekur til og þjóðgarðurinn nýtir.
Sigurður Bogi Sævarsson
sbs@mbl.is
Bæjarráð Akureyrar hefur óskað
eftir því við menntamálaráðuneytið
að ríkið mæti kostnaði bæjarins sem
hlýst af skylduskilum á öllu prent-
uðu efni til Amtsbókasafnsins. Á Ís-
landi gildir sú regla að allt prentmál
skal fara í fjórum eintökum á söfn;
þrjú til Landsbókasafnsins og það
fjórða á Akureyri. Er þetta sam-
kvæmt lögum frá árinu 2002 en
fyrstu lög um þetta efni voru sett
seint á 19. öldinni.
Kostar 40 millj. kr. árlega
Eins og staðan er nú ber Amts-
bókasafnið og þar með Akureyrar-
bær allan kostnað við skylduskilin.
Þar að baki eru laun bókasafnsfræð-
inga og ófaglærðs starfsmanns og
svo annar tilfallandi kostnaður, til
dæmis vegna húsnæðis. Alls eru
þetta um 40 milljónir og vilja Ak-
ureyringar að ríkissjóður mæti
þessu að einhverju leyti.
Mögulegt er að skylduskilaein-
tökum verði fækkað um eitt með
lagabreytingu og Landsbókasafn
verði eini viðtakandi skylduskilanna.
Miklar breytingar eru á lögum um
skylduskil í nágrannalöndum okkar
og aukin áhersla lögð á skil á staf-
rænum fremur en prentuðum út-
gáfum, segir Hólmkell Hreinsson
amtsbókavörður í samtali við Morg-
unblaðið.
Bækur og dægurprent
„Okkur berst á ári hverju mikið
af allskonar prentmáli sem við
skráum og varðveitum. Eru þetta
bækur, blöð og tímarit og það sem
við köllum dægurprent, það er til
dæmis ýmsir auglýsingabæklingar
og slíkt,“ segir Hólmkell. Til fram-
tíðar litið segir hann mega endur-
skoða sitthvað í tengslum við
skylduskilin, sbr. að notkun þeirra
hafi minnkað mikið undanfarin ár
með bættu aðgengi að gögnum og
upplýsingum á stafrænu formi.
Nægi þar að nefna þá byltingu sem
varð við stafræna endurgerð ritaðs
máls í gegnum vefinn timarit.is, en
efnið sem þar er nú aðgengilegt var
að hluta til myndað og unnið á
Amtsbókasafninu.
„Notkun skylduskila sem nú eru
aðgengileg á netinu eykst stöðugt,
en færri sækja í prentgripina sem
eru hér í húsi. Samt sem áður tel ég
æskilegt fyrir samfélagið hér á
Akureyri að skylduskil á prentformi
verði áfram aðgengileg, hvort sem
er fyrir nemendur á efri skólastig-
um eða almenning,“ segir Hólmkell.
Ríkið styðji
skylduskilin
 Amtsbókasafnið fær allt prentmál
Morgunblaðið/Sigurður Bogi
Safnamenn Hólmkell Hreinsson amtsbókavörður og Sigurður Helgi Árna-
son glugga í bæklinga og blöð sem eru varðveitt í skylduskilum.
Amtið Áberandi hús á Akureyri.