Morgunblaðið - 29.06.2019, Blaðsíða 28
28 UMRÆÐAN
MORGUNBLAÐIÐ LAUGARDAGUR 29. JÚNÍ 2019
Vantar þig
ráðleggingar
við sölu eignar
þinnar?
s 893 6001
Kópavogi | Selfossi | s 893 6001 | beggi@fasteignasalan.is
Guðbergur
Guðbergsson
Löggiltur fasteignasali
og leigumiðlari
Við fjölskyldan lent-
um í fremur leiðinlegu
fjársvikamáli af hálfu
bílaleigu á Spáni og vilj-
um því vara fólk við að
eiga viðskipti við við-
komandi fyrirtæki.
Reyndar eru ótal við-
varanir gagnvart þessu
fyrirtæki á netinu frá
öðrum sem lent hafa í
svipuðum hremm-
ingum. Við sáum þær
hins vegar ekki fyrr en eftir á og telj-
um því ekki vanþörf á að vekja betur
athygli á þessu.
Forsagan er sú að við leigðum bíl
gegnum Dohop hjá bílaleigunni
Rhodium í Alicante á Spáni, sem er
greinilega undirfyrirtæki bílaleig-
unnar Goldcar.
Þegar við tókum bílinn upplifðum
við mikla pressu og jafnvel hótanir til
að kaupa viðbótartryggingu þó við
værum með fullkomnar tryggingar
fyrir, en við létum ekki undan því. Á
bílnum voru 18 rispur og eftir á að
hyggja hefðum við átt að neita að
taka við bíl sem var
svona mikið rispaður og
skemmdur. Einnig
hefðum við átt að skoða
„review“ um bílaleiguna
þar sem svindli er lýst í
mörgum færslum (t.d.
https://www.trustpi-
lot.com/review/
rhodiumcar.es) – en það
er auðvelt að vera vitur
eftir á! Við lentum ekki í
neinum óhöppum í dvöl-
inni á Spáni og þar vor-
um við með bílinn í af-
lokuðu einkastæði allan
tímann nema á keyrslu til og frá flug-
velli. Því var ekki möguleiki á neinum
rispum frá öðrum bílum í bílastæðum.
Þegar við skiluðum bílnum sögðu þeir
hjá bílaleigunni að allt væri í lagi og
við treystum því, en gættum þess
ekki að fá það skriflegt enda verulega
tímabundin. Við hefðum líka átt að
taka myndir en bíllinn var í mjög illa
upplýstri bílageymslu og lítið hefði
sést á þeim. Bíllinn var líka verulega
skemmdur fyrir og erfitt að sjá hugs-
anlegar viðbætur á rispum og dæld-
um. Tveimur dögum eftir að við skil-
uðum bílnum kom krafa um nær 100
þ. kr. í viðgerðarkostnað vegna upp-
loginna skemmda. Myndir sem
fylgdu kröfunni voru m.a. af stórri
rispu sem var á bílnum þegar við tók-
um við honum. Aðrar myndir sem
eiga að vera af nýjum rispum eru
teknar svo nálægt að það er með eng-
um hætti hægt að greina hvar á bíln-
um er verið að mynda, eða hvort
myndirnar eru yfirhöfuð af þessum
bíl. Ein myndin er svo óskýr að það
sem er á myndinni er meira eins og
skítur en skemmd. Bíllinn var reynd-
ar svo rispaður fyrir að erfitt hefði
verið að sjá einhverja viðbót. Einnig
er nokkuð undarlegt að borga eigi
fyrir dýra viðgerð á bíl sem þeir
greinilega ætla ekki að gera við (hafa
ekki gert það hingað til) og verðið er
algjörlega ákveðið af þeim. Gold-
car/Rhodium fyrirtækin hafa ekki lát-
ið segjast við andmælum okkar, en
svo virðist sem Goldcar sé aðalfyr-
irtækið, en noti Rhodium sem ódýr-
ara skúffufyrirtæki, líklega til að
leigja út lélegri bíla og stunda fjár-
kúganir. Við kvörtuðum líka til Do-
hop, sem harmaði atvikið en taldi sig
ekki geta hætt viðskiptum við Gold-
car þar sem þeir væru miðlarar fyrir
annað fyrirtæki sem réði hvaða bíla-
leigur væru inni í tilboðum. Málið er
nú í höndum banka og trygging-
arfélaga sem vonandi geta með að-
stoð lögreglu stöðvað ólöglega starf-
semi þessa fyrirtækja.
Við viljum allavega hvetja aðra
ferðalanga til að vera á varðbergi
gagnvart þessum fyrirtækjum. Við
hefðum átt að skoða betur umsagnir á
netinu þar sem fram kemur að svona
fjársvik virðast vera daglegt brauð
hjá þeim Rhodium og Goldcar bíla-
leigunum. Einnig má spyrja sig hvort
Dohop sé vandað fyrirtæki, sem miðl-
ar viðskiptum við svona glæpafyr-
irtæki?
Eftir Hrefnu
Kristmannsdóttur » Við viljum hvetja
ferðalanga til að
vera á varðbergi gagn-
vart Rhodium og Gold-
car bílaleigunum. Svona
fjársvik virðist vera
daglegt brauð hjá þeim.
Hrefna
Kristmannsdóttir
Höfundur er prófessor emeritus.
hkristmannsdottir@gmail.com
Viðvörun vegna glæpsamlegrar bílaleigu
Þann 23. júní ár
hvert er haldið upp á
Ólympíudaginn í 206
löndum sem eru með
Ólympíunefndir. Al-
þjóðaólympíunefndin
ákvað á fundi sínum
1948 í Sorbonne í
París að halda skyldi
árlega Ólympíudag
um allan heim til að
minnast samþykktar
sem gerð var 23. júní
1894 um endurvakningu nútíma
Óympíuleika í Grikklandi 1896.
Markmiðið með deginum er að
hvetja til þátttöku í íþróttum um
allan heim óháð aldri, kyni eða
íþróttalegri getu.
Undanfarna áratugi hafa Ólymp-
íudagarnir hjálpað til að kynna ól-
ympíuhugsjónina um allan heim
með ólíkum viðburðum á sviði
íþrótta, menningar, lista og mennt-
unar. Ólympíuhlaupið er sér-
staklega vinsælt þennan dag. Sein-
ustu árin hafa Ólympíudagarnir
þróast meir og meir í átt að al-
mennri hreyfingu, lærdómi og ný-
sköpun. Þannig hafa Ólympíu-
nefndir í mörgum löndum skipulagt
Ólympíudagana í nánu samstarfi
við bæjarfélög, íþróttafélög og
skóla víða um landið þar sem ungt
fólk hittir afreksíþróttafólk landa
sinna.
Á Íslandi skipuleggur Íþrótta- og
Ólympíusamband Íslands (ÍSÍ)
þennan dag í samstarfi
við Samtök íslenskra
ólympíufara (SÍÓ) en
einnig er hægt að
halda upp á daginn á
öðrum dögum, sem
verður gert á Íslandi í
ár eins og golfkeppni í
september fyrir ólymp-
íufara og fjölskyldur
þeirra í samstarfi við
Golfsamband Íslands
og Golfklúbb Ness á
Seltjarnarnesi. SÍÓ og
ÍSÍ eru áhugasöm um
að fjölga Ólympíu-
dögum ár hvert í samstarfi við bæj-
arfélög, íþróttafélög og skóla um
land allt og hvetja áhugasama aðila
að hafa samband. ÍSÍ og SÍÓ eru
þegar í samstarfi við Frjáls-
íþróttaráð Reykjavíkur um að gera
Grunnskólamótið í frjálsum í sept-
ember að Ólympíudegi sem vonandi
verður fastur viðburður.
Á heimsþingi ólympíufara sem
haldið var í Lausannae í Sviss 14.-
18. apríl voru rædd mörg sam-
félagsleg verkefni sem ólympíu-
farar voru hvattir til að styðja.
Samtök íslenskra ólympíufara
kynntu á þinginu þá hugmynd að
ólympíufarar um allan heim hvetji
þróunarsamvinnustofnanir viðkom-
andi landa til að bæta eflingu
skipulagðrar íþróttastarfsemi við
almennan stuðning þeirra við bygg-
ingu skóla, heilsugæsla, o.fl. í þró-
unarlöndum. Fulltrúum Afríkuríkja
leist vel á þessa hugmynd okkar Ís-
lendinga. SÍÓ hefur hafið viðræður
við utanríkisráðuneytið um slík
verkefni. Það fyrsta er að stofna
íþróttafélag við skóla í þorpinu Got
Agulu við Viktoríuvatnið í Kenía
sem byggður hefur verið af íslensk-
um fjölskyldum og félagasamtökum
í samstarfi við kennara og nem-
endur Versló. Sem lið í stofnun
þessa íþróttafélags í Got Agulu þá
tekur SÍO þátt með mörgum öðrum
félagasamtökum, fyrirtækjum og
einstaklingum í að bjóða fótboltaliði
skólans til Íslands á ReyCup 2019.
Samtök íslenskra ólympíufara
(SÍÓ) voru stofnuð 1995 og eru allir
þeir Íslendingar sem keppt hafa á
Ólympíuleikum félagar. Samtals
hafa 305 Íslendingar keppt á Ól-
ympíuleikum síðan í London 1908,
en 57 þeirra eru látnir. SÍÓ er aðili
að Alþjóðasamtökum ólympíufara
(WOA; World Olympians Associa-
tion) en samtals hafa um 100.000
einstaklingar frá 206 löndum keppt
á sumar- og vetrarólympíuleikum
frá upphafi.
Ólympíuhugsjónin kynnt um allan heim
Eftir Jón Hjaltalín
Magnússon
Jón Hjaltalín
Magnússon
» SÍÓ og ÍSÍ ætla að
fjölga Ólympíu-
dögum ár hvert í sam-
starfi við bæjarfélög,
íþróttafélög og skóla um
land allt og hvetja áhuga-
sama að hafa samband.
Höfundur er formaður Samtaka
íslenskra ólympíufara.
jhm@simnet.is
Ljósmynd/Paul Ramses
Íþróttafélag Fótboltalið Versló-skólans í Got Agulu, Kenía.
Ég var að hlusta á útvarpsþáttinn
Sprengisand á Bylgjunni þann 16. júní
2019. Þar voru fjórir alþingismenn
m.a. að ræða þriðja orkupakkann.
Bryndís Haraldsdóttir sagði þá
meðal annars eftirfarandi:
„Ég upplifi það þannig að lang-
flestir, þarna úti, treysti okkur, sem
þeir kusu á þing, til að fara yfir þetta
mál, því þetta er jú vinnan okkar og
getur verið mjög flókið“ og: „Ég held
að stærsti hluti þjóðarinnar treysti
okkur bara til að vinna okkar vinnu.“
Þegar Bryndís sagði þetta varð mér
hugsað til þess að í febrúar sl. spurði
Þjóðarpúls Gallups í skoðanakönnun
eftirfarandi spurningar: Hversu mikið
eða lítið traust berð þú til Alþingis?
Niðurstaðan var að 18% þjóðarinnar
treystu Alþingi og þá bera væntanlega
82% þjóðarinnar ekki traust til Alþing-
is.
Hvernig stendur þá á þessum um-
mælum Bryndísar? Veit þessi alþing-
ismaður ekki af þessari skoðana-
könnun? Er þessi alþingismaður
veruleikafirrtur? Hlustar Bryndís ekki
á þjóðina heldur býr sér það til að
þjóðin treysti þingmönnum þegar
reyndin er þveröfug? Mér fannst
Bryndís Haraldsdóttir vera eins og álf-
ur út úr hól þegar hún lét þetta út úr
sér.
Ég hef reynt að kynna mér þriðja
orkupakkann með lestri greina um
þetta mál og farið á fundi til að kynna
mér málið. Sannast sagna hef ég ekki
komist að niðurstöðu og er í hópi 82%
landsmanna sem treysta ekki alþing-
ismönnum. Það er ef til vill vandi máls-
ins að fólk ber ekki traust til alþing-
ismanna, tekur ekki mark á orðum
þeirra en alþingismenn horfast ekki í
augu við vantraustið.
Legg ég fram eftirfarandi tillögu til
lausnar á deilunni um þriðja orku-
pakkann:
Stofnun sem nýtur trausts í sam-
félaginu, til dæmis Ríkisendurskoðun,
Háskóli Íslands, Umboðsmaður Al-
þingis eða önnur trúverðug stofnun
(ekki Alþingi) skipi nefnd hlutlausra
manna sem njóta trausts og sátt er
um, til að fara yfir þriðja orkupakkann,
leita svara, innanlands og utan, við
spurningunum sem komið hafa fram
varðandi málið og skili niðurstöðu í
haust.
Guðmundur Óskarsson,
sjálfstæðismaður sem íhugar
að ganga úr flokknum.
Velvakandi Svarað í síma 569-
1100 frá kl. 10-12 velvakandi@mbl.is
Stofnun sem
nýtur trausts
taki ákvörðun
Atvinna